Azaya 24:20 - Ika

²⁰ Elu-ụwa rị e ruehunmẹ kẹ onyẹ-manya, a mahihie kẹ ụlọ-ubi ufere rị e zinzin; nnupụ-isi ẹ rị e gbu ẹ hụn o k'e gi danchanrịn, o lihikọzị.

Azaya 24:20 ပူးပေါင်းရင်းမြစ်များ

Jẹnẹsisi 41:31

Ọ nịkọzị wẹ nyanhan nị ihiẹn-oriri te barahị alịnị, makẹni ụnwụn ahụn k'e sọnn'ẹ k'e kẹnrẹn ọda-ọda.

Jobu 12:25

Wẹ hụ a sụọ ishi; o mẹ wẹ a danhunmẹ kẹ ndị manya rị a tụ.

Ẹbụ-ọma 107:27

wẹ hụ e ruehunmẹ, a danhunmẹ, rịkẹ ndị manya rị a tụ, onwọnzini ihiẹn wẹ marịn wẹ k'e mẹ.

Ẹbụ-ọma 38:4

Obi rị e gbu m mgbu a karịgụọ m ẹka, nọkẹ ibu nyịngbu enwẹn ẹ.

Azaya 1:28

Kanị ntikpọ kẹ wẹ k'e tikpọ ndị nnupụ-isi lẹ ndị-njọ, ndị hụn gbakitọ Osolobuẹ azụụn k'a la iwi.

Azaya 1:8

A lagụọ wẹ nwagbọọ wụ obodo Zayọnụ tọ nọkẹ ụlọ-ubi rị ugbo-vaịnị, nọkẹ ụlọ-ogo rị ugbo-ogiri, nọkẹ obodo ndị-agha kehunmẹ.

Azaya 19:14

Osolobuẹ e wegụọ mmọn huye imẹ wẹ, mmọn wẹ gizilẹni a marịn ihiẹn wẹ k'e mẹ; wẹ e mẹ Ijiptu a hanfiesọnmẹ ụkụ imẹ ihiẹn ile o mẹ, kẹ onyẹ-manya a danhunmẹ ebe ọ gbọtọ ẹgbọ.

Azaya 24:1

Lee ẹ, Osolobuẹ jẹnkọ d'e tikpọ ụwa, wiwipụ a; o k'e wiwi ihiẹn rị elu ụwa, feyịya ndị ile rịn'a —

Azaya 28:7

Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Azaya 29:9

Ya tụ ụnụ ẹnya, gbagbu ụnụ ngharị ẹnya; tikpọdẹ ni enwẹn ọnụ ẹnya, nị ọnụ leghabehi ụzọ; Nọ nị kẹ ndị manya — bụ manya arị a tụ ụnụ; hanfiemẹ ni ụkụ, bụ ụnụ aranị manya!

Azaya 38:12

E hueri wẹ ndụn m, kẹ ịhịan dọn e hueri ọdụ ndị e du atụnrụn; a fụmagụọ m ndụn m lekẹ ẹkwa ọkpa-ẹkwa kpagụ; Osolobuẹ e bepụgụọ m kẹ ẹkwa wẹ bepụ ebe wẹ nọ a kpa ẹkwa; Osolobuẹ, ị hụ a napụ m ụwa ikẹn — uhinhin lẹ efinaị.

Azaya 43:27

Nẹdi ibuzọ ụnụ e mẹghọ njọ; ndị e kuni ụnụ a paghọ oku m.

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Jerimaya 25:27

Osolobuẹ sị m, “Sị wẹ nị Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Ra nị tụ, gbọma ẹgbọ, dangungwọn, yeni ọpịa-agha m zila imẹ igunrun ụnụ.’

Jerimaya 4:24

E lee m ugu ile, wẹ hụ e zinzin, òke ile hụ e rue.

Jerimaya 51:29

Elu ụwa jẹnkọ d'e mẹhunmẹ, a fịkọ, makẹni Osolobuẹ k'e mẹrịrị ihiẹn ọ mamanị Babilọnụ — ntikpọ hụ ọ sị o k'e tikpọ alị Babilọnụ, nkewụnị ịhịan ebikọzị a.

Jerimaya 8:4

“Sị wẹ, ‘Osolobuẹ sị: Ẹlẹ ịhịan dan ẹkpẹn, o lihi ọtọ? Ẹlẹ ịhịan fie ụzọ, o kin azụụn?

Ẹkwan 1:14

A kpagbamagụọ wẹ njọ m lẹ agbụn-ọrụn, yimẹ m'ẹ; ẹka Osolobuẹ kpagbama wẹ. Wẹ rị m nwan olu — Osolobuẹ a mịpụgụọ m umẹ. O bugụọ m che ẹka ndị ka m ẹka!

Daniẹlụ 11:19

Ọnwan mẹgụ, ọ lakinchanrịn alị a d'e bunụmanị obodo ndị rị mkpa wẹ gi e dọn ẹnya ebẹhụ, kanị o k'a kpọgburu dan, a hụnkọzị w'a.

Emọsụ 8:14

uwẹ ile hụn a rụa mmọn, mmọn ndị ahụn ikpe gi ma obodo Sameria: a sị ‘Ma mmọn rị Danị’, a sị ‘Ma mmọn rị Biẹshẹba’. Wẹ k'a dan, danchanrịn.”

Nahum 1:5

Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Rẹvẹleshọnụ 18:21

Ya mmọn-ozi ohu kin akwanran ọda-ọda nọ buru ọmụma han kẹ ọlọ, tụ a ye imẹ ohimin, sị, “Ẹnịna kẹ wẹ k'a dọn gi ikẹn fịan obodo uku hụ wụ Babilọnụ alị; ahụnkọzị w'a!