Azaya 24:10 - Ika

¹⁰ Obodo hụ wẹ tikpọ a gba okpokoro; a kpọkinchanrịngụọ wẹ ụlọ ile makẹ ịhịan gha a banye ẹ.

Azaya 24:10 ပူးပေါင်းရင်းမြစ်များ

Jẹnẹsisi 11:9

Ya haịn wẹ gi a kpọ ebahụn “Babẹlụ”, makẹni ebahụn kẹ Osolobuẹ nọ mẹ ụwa ile sụma asụsụ ichẹn-ichẹn. Osolobuẹ nọ gha ebẹhụ feyịya wẹ elu ụwa ile.

Ndị-nze Nke Ẹbụọ 25:4

Ya wẹ nọ tipu mgbọn obodo ahụn, ndị agha Izrẹlụ ile nọ gi imẹ abalị gha ọnụ-mgbọn rị ẹgbata mgbọn ẹbụọ wẹ gi gbehunmẹ obodo hụ gbapụ. Ọnụ-mgbọnni nọkunmẹ ụgba-obobo eze a nọdị e zu ikẹn. Etuni wẹ ndị-agha Kal'di Babilọnụ kehunmẹchanrịn obodo ahụn. Wẹ nọ dọn ihun ibẹka Araba, Ọdanmgbugbu Iyi-Jọdanị.

Azaya 23:1

Ọnwan kẹ Chuku ku banyeni Taya: Okẹn ụgbọ-mirin ohimin, kwanma nị — ni e tikpọ wẹ alị mkpẹnrẹn-ohimin wụ Taya, kẹ ụnọ ịhịan kẹ ebe ụgbọ-mirin a nọdị arịzị a. Alị Saịprọsụ rị ohimin kẹ wẹ gha nụ ozi ẹ.

Azaya 24:12

A lagụọ wẹ obodo nwẹn tọ mkpọkọ-mkpọkọ, tigungwọn ọnụ-mgbọn ẹ.

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 26:5

O wetu ndị nọdị ebe jẹn elu alị, o bu obodo nwọn okẹn-ọghọ a gbama alị, ọ kụkpọchanrịn a ru alị; ọ tụ a ye imẹ ẹjan.

Azaya 27:10

E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Azaya 32:14

Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Azaya 32:19

Ọsụọn'a nị ẹkwan-igwere lẹ ẹbi k'e nutu ẹgboko, ọsụọn'a nị wẹ k'e tikpọ obodo ukuni ile —

Azaya 34:11

Ozuzu ichẹn-ichẹn k'e bisọnmẹ ebẹhụ; udele ichẹn-ichẹn k'e birizikwọ ebẹhụ. Osolobuẹ k'e dọnrin ẹnya mẹ alị Ẹdọm ile gba okpokoro, mẹ ẹ wụrụ mkpọkọ-ụlọ mkpọkọ-ụlọ.

Jerimaya 39:4

Mgbe eze Juda wụ Zẹdikaya lẹ ndị-agha Juda ile gi hụn wẹ, Zẹdikaya wẹ nọ gba ọsọ; gi imẹ uhinhin gha imẹ obodo hụ pụ. Ugbo-ezumikẹn eze kẹ wẹ gha pụ, ghashi ọnụ-mgbọn hụ rị ẹgbata ọgbara-ẹjan ẹbụọ. Ya wẹ nọ dọn ihun Ọdanmgbugbu Iyi Jọdanị.

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Jerimaya 52:7

Ya wẹ nọ tipu mgbọn obodo ahụn azụụn ohu, ndị-agha Izrẹlụ ile nọ gi imẹ abalị gha ọnụ-mgbọn hụ rị ẹgbata mgbọn ẹbụọ gbapụ, ọnụ-mgbọn hụn rị ẹhụ ugbo-obobo hụ eze a nọdị e zu ikẹn. Wẹ nọ dọn ihun ibẹka Araba, Ọdanmgbugbu Iyi-Jọdanị. Ndị-agha Babilọnụ kehunmẹchanrịn obodo ahụn.

Maịka 2:13

Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Luku 19:43

Ogẹn lala, hụn ndị iṅẹnrẹn i jẹnkọ d'e gi kehunmẹchanrịn ị, gha azụụn ile zụnbanhan imẹ i.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.