Azaya 23:11 - Ika

¹¹ Osolobuẹ e bugụọ ẹka zinmẹ ohimin, e mẹhunmẹ alị-eze ndị rịn'a. Ọ sịgụọ wẹ mẹ Finishịa ihiẹn, wẹ tikpọpụ ebe ile rịn'a wẹ gisọnmẹ e dọn ẹnya.

Azaya 23:11 ပူးပေါင်းရင်းမြစ်များ

Ọpụpụ 14:21

Mozizi nọ nwan tịnpụ ẹka zinmẹ Ohimin ahụn, Osolobuẹ nọ gi okẹn ufere hụn gha ibe ọwụwa ẹnyanwụn bịa nu mirin Ohimin hụ shi azụụnnị lẹ azụụnnị; ufere ahụn nọ kpọ uhinhin ahụn ile, nu mirin hụ shi azụụnnị-lẹ-azụụnnị, akpakalị nọ pụha.

Jọnụ 2:16

Ọ sị ndị rị e re oluikuku, “Wepụ nị ihiẹn ndịnị ebeni; egizilẹ ni ụlọ Nẹdi m e họnrin afịa!”

Makị 11:17

Ọ hụ a kuzi ndị rị ebẹhụ, a sị, “E deni w'ẹ imẹ Ẹkụkwọ-nsọ nị, ‘Wẹ sikọ d'a kpọ Ụlọ m ụlọ alị ile nọ e mẹ ekpere?’ Kanị ụnụ e gigụọ a họnrin ebe ndị ohin a warị!”

Zẹkaraya 14:21

ite ile wẹ gi e shi ihiẹn-oriri imẹ Jerusalẹm lẹ Juda k'a rị Osolobuẹ ihiẹn ile rị okpuru ẹ nsọ, nke wụnị ndị a chụn ẹjan k'a ghadẹ e gi wẹ e shi anụ wẹ gi chụn ẹjan. O ru ogẹn hụ, ndị-afịa arịkọzị Ụlọ Osolobuẹ ihiẹn ile rị okpuru ẹ.

Hagaị 2:7

M k'e mẹhunmẹ alị ile rị ichẹn-ichẹn, ihiẹn rị mkpa rị imẹ wẹ a bịa ebeni, e ye m Ụlọnị ọghọ ọhụnma-ọhụnma. Ya kẹ Osolobuẹ ihiẹn ile rị okpuru ẹ ku.

Nahum 1:14

Osolobuẹ e kuọlẹ ihiẹn o sikọ d'e mẹ i, Ninivẹ: ọ sị, “Ndị k'a za ẹfan ị arịkọzị. M k'e gbuchanrịn ndị ile rị imẹ i; m k'e tikpọchanrịn mmọn ile rị ụlọ-mmọn ị, kẹ hụn wẹ kpụ kẹ hụn wẹ pịn. M k'e gun'i ili, makẹni ihiẹn-ẹti kẹ ị wụ!”

Izikẹlụ 31:16

E gighọ m ọdịdan a mẹhunmẹ alị ndị ọzọ kẹ m wetu ẹ che imẹ ili, we ẹ cheni ndị lashigụ imẹ mgbugbu hụ. Ya kẹ obi nọ ru ndị rị imẹ-imẹ alị alị, wẹ lẹ osisi ile rị Idẹni lẹ osisi ndị kachanrịn mma lẹ ndị rịzị mma hụn rị ẹgboko Lẹbanọnụ — osisi ile mirin e ruzi ọhụnma-ọhụnma.

Izikẹlụ 26:10

Ẹshin wẹ k'e bugbu enwẹn wẹ ọda, uzunzun ụkụ wẹ k'e kpọn k'e kpumẹdẹ i. Mgbọn i k'e mẹhunmẹ yeni ụzụn ẹshin-agha lẹ trọkụ-agha lẹ ụgbọ-ẹshin agha ogẹn o k'a banhan. Makẹni, ndị-agha k'a zụnbanhan imẹ i kẹ w'a zụnbanhan obodo wẹ tikpọgụ mgbọn ẹ.

Jerimaya 47:7

Nanị k'o dọn nwan zu ikẹn, bụ Osolobuẹ a sịgụọ a d'a maye ndị Ash'kẹlọnụ rị alị Filistia; o tumẹgụọ a n'o gbupụ alị ndị ahụn rị mkpẹnrẹn Ohimin?”

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 23:3

Wẹ te e fetuzi okẹn-mirin ohimin e buhẹni Taya ọka alị Shihọ, lẹ ihiẹn Iyi Naịlị mịpụha, ịyụ te wụ ebe ndị alị ichẹn-ichẹn a zụjẹn afịa.

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 2:19

Ịhịan k'a gbaban okporo rịsọnmẹ ọmụma lẹ ọnụ ndị rị alị, makẹ egun Osolobuẹ lẹ ọghọ o gi wụ eze, ụhụọhịn o k'e lihi d'e zinzin ụwa.

Ẹbụ-ọma 71:3

Wụrụnị m ọmụma e che m nche, ebe m'a gbashi ogẹn ile; y'e kuọlẹ n'i k'a zụọpụha m, makẹni ịyụ wụ ọmụma m lẹ ebe m'a gbaban.

Ẹbụ-ọma 46:6

Alị ichẹn-ichẹn e susuhu; alị-eze wẹ hụ e mẹhunmẹ — olu Chuku hanhụ, ụwa ile e dẹnhin!!

Jẹnẹsisi 9:25

ọ nọ sị, “M rị a bụ Kenaanị ọnụ: igbọn kachanrịn igbọn a wụ k'o k'a wụ ẹka umunẹ ẹ.”

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 13:13

M sikọ nwan d'e mẹhunmẹ elu-igwere, ụwa nkẹ e zinzinru alị yeni ọnụma Osolobuẹ ihiẹn ile rị okpuru ẹ, ụhụọhịn ahụn olulu ẹ k'a dụn kẹ ọkụn.

Azaya 14:26

Ọnwan wụ ihiẹn m rotọnị ụwa ile; ọnwan wụ ẹka m k'e gi sọn ndị alị ile.

Azaya 19:5

Iyi Naịlị k'a tahị, akpak'alị iyi Naịlị jẹnkọ d'a kọrọhị.

Azaya 23:10

Rụngbarị nị nwan alị ụnụ ugbo, ụnụ ndị Tashishi, kẹ mirin Iyi Naịlị dọn e ruchanrịn alị ọ rị; mgbọndọn arịzị.

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Izikẹlụ 26:4

Wẹ k'e tikpọpụ mgbọn alị Taya, tikpọpụ ebe ile rịn'a wẹ gi e dọn ẹnya; m k'a kọchanpụdẹ ẹjan rị alị Taya, ọ họdụ ọmụma mmakalaka.