14 Di-nwọnni-ẹnyi Osolobuẹ ihiẹn ile rị okpuru ẹ, e kugụọ a ye m ntịn, sị, “D'e ru ụhụọhịn ọnwụn ụnụ, onwọnni ẹjan w'e gi gbagharị ụnụ njọnị!” Ya kẹ Di-nwọnni-ẹnyi Osolobuẹ ihiẹn ile rị okpuru ẹ ku.
Osolobuẹ sị, “M k'e ye ụwa afụnfụn eje-ihiẹn o mẹ, ye ndị eje-omumẹ afụnfụn njọ wẹ. M k'a napụ ndị rị e mẹkarị enwẹn wẹ nhọnrọn wẹ, e welụa m ndị ẹfọ-njọ rị e mẹkarị enwẹn wẹ alị.
Lee n'ẹ, Osolobuẹ gha ebe-obibi ẹ pụla d'e ye ndị rị elu-ụwa afụnfụn njọ wẹ. Alị jẹnkọ d'a ghọsị ẹdeke ndị wẹ gbu elu ẹ — o kpumẹkọzị ndị wẹ gbu elu ẹ.
Kanị, Osolobuẹ nkẹ nwọnzikwọ uche: o zilanị wẹ nsọngbu, ọ latọnị ihiẹn ọ sị o k'e mẹ wẹ. Kaka! O k'e mẹshi ndịnị e mẹ eje-ihiẹn ikẹn, uwẹ lẹ ndị ahụn e yeni ndị e mẹ eje-ihiẹn ẹka.
Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”