Azaya 22:12 - Ika

¹² Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 22:12 ပူးပေါင်းရင်းမြစ်များ

Ihiẹn Mẹni Nke Ẹbụọ 35:25

O nwọn ẹbụ onyẹ-amụma wụ Jerimaya de gi kwan Josaya hụn ikẹnnyẹ lẹ ikpoho ile a bụ ẹbụ gi a nyanhan Josaya d'e rukwọ ụhụọhịn tannị; ẹbụ ndị hụ nọ họnrin ọdịnalị imẹ Izrẹlụ; wẹ rị nwan ebe wẹ detọ Ẹbụ-ẹkwan.

Ẹzra 9:3

Ogẹn m gi nụ ihiẹnni, m nọ tika ẹwuru m lẹ ẹkwa m yiye elu ẹ, e huepụ m ntutu m lẹ ẹtu m, nọdị alị, ụya e ru m olu.

Nehemiah 9:9

“Y'a hụnghọ afụnfụn ndị nẹdi ẹnyi wẹ ta kẹ wẹ rị imẹ alị Ijiptu; y'a nụzịghọ ẹkwan wẹ kẹ wẹ rị ẹhụ Ohimin Ufie.

Jobu 1:20

Ya Jobu nọ lihi ọtọ, dọka ẹwuru ye enwẹn ẹ olu, kọpụ ntutu ẹ. Ya ọ nọ dannị Osolobuẹ alị, fe ẹ,

Ẹkịliziastisi 3:11

O mẹgụọ ihiẹn ile a rị mma ogẹn wẹ ru. O bugụọ iroro ihiẹn ile rị ihun che ịhịan obi bụ ịhịan asakọ ẹka ghọtachanrịn ihiẹn Chuku rụn gha mbidọn d'e ru ọgụgụ.

Ẹkịliziastisi 3:4

ogẹn ẹkwan lẹ ogẹn ẹmụ; ogẹn ịsụkụrụ (igbusuru) lẹ ogẹn itẹn-egu;

Azaya 15:2

Ndị bi Dibọnụ alị Mụabụ e shigụọ ụlọ-mmọn lẹ ebe wẹ nọsọnmẹ a chụn ẹjan d'a kwan ẹkwan; alị Mụabụ hụzị e goo alị wẹ wụ Nebo lẹ Mẹdẹba. A kọgụọ wẹ isi ile, kọpụ ẹtu ile.

Azaya 26:10

Ọsụọn'a wẹ mẹni ndị eje-omumẹ ọhụnma, w'a ra gi ẹ mụrụn ezi-omumẹ — kẹ imẹ alị ezi-omumẹ, w'e mẹsọnmẹzikwọ eje-ihiẹn, arị wẹ e legha ọghọ Osolobuẹ ọsụọn'a nị ọ pụhachanrịn ifọn imẹ igunrun wẹ.

Azaya 29:1

O jẹnkọ d'a jọ Ariẹlụ wụ Jerusalẹm njọ — Ariẹlụ, obodo ahụn Defidi te bi! Tọkwọ nị e mẹ mmẹmmẹ ahụa-ahụa; tọkwọ nị e mẹ mmẹmmẹ ile ụnụ gi e fe m,

Azaya 3:24

Hụn nkẹ w'e gi kun fuẹin, wẹ k'e shinja; ẹgbụn k'a nọkin ẹnya nfifie wẹ; isi-akpan k'a nọkin ẹnya ntutu wẹ te dọnmẹ ọhụnma; ẹkwa-achọ k'a nọkin ẹnya ẹwuru rị mma; ahịma w'e ye igbọn k'a nọkin ẹnya mma-ẹhụ wẹ.

Azaya 32:11

Ikpoho ndịnị enwẹn wẹ jun ẹfọ, tụkwọ nị egun! Sọngbumẹkwọ nị enwẹn ụnụ, ụmụ nwọnlẹni ihiẹn e sọngbuni wẹ; yipụkwọ nị ẹwuru rị mma lẹ ihiẹn-mma ụnụ, ụnụ e jeri hụn wẹ gi a kwan ẹkwan, kwanma, makẹni okẹn nsọngbu rị!

Azaya 37:1

Ogẹn Hezikaya gi nụ ihiẹnni, ọ nọ tika ẹwuru ile o yi, yiri ẹkwa-achọ makẹ ihiẹn ụyanị mẹni, shi imẹ Ụlọ-nsọ Osolobuẹ.

Azaya 37:2

Ọ nọ zi Ẹliakim hụn e lepụn'a obi-eze ẹnya lẹ Shẹbụna wụ akanwe lẹ ndị-isi nchụn-ẹjan d'a hụn onyẹ-amụma wụ Azaya nwa Emọzụ — uwẹ lẹ ẹkwa-achọ wẹ ile yi.

Azaya 58:3

Wẹ hụ a sị, “Kị ẹnyi budẹni nwan ọnụ bụ onwọnni ihiẹn i kpọ a? Kị ẹnyi wetuni nwan enwẹn ẹnyi alị, bụ y'e feyedẹni ẹnya?” Kanị ụnụ gha e bu ọnụ ụnụ hụzị e mẹsọnmẹ ihiẹn gụnnị ụnụ, e mẹgbu ndị a rụnnị ụnụ ọrụn.

Jerimaya 16:6

Kẹ onyẹ uku kẹ onyẹ nta jẹnkọ d'a nwụntọ alịnị; onwọnkọ onyẹ k'e lini wẹ mọbụ kwan wẹ; onwọnzikwọnị onyẹ jẹnkọ d'e be enwẹn ẹ ihiẹn mọbụ kọ ntutu ẹ n'ọ rị a kwan wẹ.

Jerimaya 16:8

“Ejẹnkwọlẹ iwe ndị rị e ri oriri d'e du wẹ ri, ra.

Jerimaya 4:8

Yiri ni nwan ẹkwa-achọ kwanma ụya, a kwan nị, e goo ni, makẹni okẹn olulu Osolobuẹ gi e sọn ẹnyi eke rọ.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Izikẹlụ 27:31

Wẹ k'a kọn'ị isi, jeri ẹkwa ndị ihiẹn mẹ. Wẹ k'a kwann'ị ụya, kwan a ọda-ọda.

Daniẹlụ 5:1

Ogẹn Bẹlụshaza gi wụ eze Babilọnụ, ọ nọ kpọnị ndị-isi ọgụn-iri kwasị nnụnaị (1,000) e sọn ẹ a kị oriri hi ogbe; ọ hụ e du wẹ a ra manya.

Hosia 9:1

Aghọghọzịlẹ ni, ndị rị Izrẹlụ! Eweshizilẹ ni isi elu kẹ alị ndị ọzọ! Ụnụ a latọgụọ Chuku ụnụ rịkẹ ebe okpoho nọ zọ ụkụ ye ọfịa! egho ụnụ rị a kpa ebe ụnụ rị a kpa ogbe hụ a sụọ ụnụ!

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Juwẹlụ 1:8

Kwanma nị lekẹ ogbori yi achọ hụn rị a kwan di-ụtụntụn a.

Juwẹlụ 2:12

Kanị Osolobuẹ sị, “Echẹn kẹ oghere rịkwọ nwan! Gichanrịn nị nwan obi ụnụ ile kinhẹn ya lẹ ibu-ọnụ lẹ ẹkwan lẹ ihulụa-isi;

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Jona 3:6

Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Maịka 1:16

Kọ nị nwan ntutu, kwanma makẹ ụmụ ụnụ hụn ụnụ e mẹni nwa; kpụnchanpụ nị ntutu nọkẹ udele makẹni wẹ lala d'a dọkpụnrụn ụmụ ụnụ we wẹ shi alị ọzọ!

Jemisi 5:1

Ndị-ịdanfịn, gọn ni ntịn: kwanma nị ẹkwan, e goo, yeni nsọngbu hụn rị e kunrunni ụnụ!