Azaya 21:9 - Ika

⁹ Lee ẹ, okẹnnyẹ ohu gi ụgbọ-ẹshin lala — lẹ ẹshin ndị wẹ kwọngbama ẹbụọ-ẹbụọ dọnkpụkọn'a. Ihiẹn ọ shịarị m wụ, ‘Babilọnụ a dangụọ! Mmọn ile wẹ kpụ e gungwọnpụgụọ tọ alị!’ ”

Azaya 21:9 ပူးပေါင်းရင်းမြစ်များ

Azaya 13:19

Babilọnụ, hụn wụ mma alị-eze ichẹn-ichẹn hụn ndị Kal'di nwọnn'ẹ gi a dụ ẹka obi, a wụrụ ihiẹn Chuku tikpọ k'o dọn mẹ Sodọm lẹ Gomora.

Azaya 14:4

ụnụ jẹnkọ d'a rị a mụ eze Babilọnụ ẹmụ, a sị: Onyẹ nwẹn a kịgbu ịhịan, nke ẹ a gụgụọ! Ẹka-ikẹn ẹ hụ ile e bigụọ!

Azaya 2:18

a zapụchanrịn wẹ mmọn-lẹ-iyi ile.

Azaya 21:7

Ọ hụn ụgbọ-ẹshin lẹ ẹshin ndị wẹ kwọngbama ẹbụọ-ẹbụọ hụn dọkpụnkọnị wẹ mọbụ ndị nyinkọ jaki mọbụ anyịnyan-mkpukpuke; ya we ẹnya ru alị ọhụnma-ọhụnma.”

Azaya 47:5

“Nọdị alị gba nkịtịn, shi imẹ ishi d'a nọdị; obodoni hụn wụ nwagbọọ ndị Babilọnụ, akpọkọzị wẹ i ‘okpoho hụn wụ eze alị-eze ichẹn-ichẹn.’

Azaya 47:9

Kanị ihiẹn ẹbụbụọ ahụn k'e kunrun i — imẹ njube-ẹnya ohu, akpọhịn ohu — ụmụ a nwụnnahịn ị, di a nwụnnahịn ị! Wẹ k'e rukpumẹ i ọhụnma-ọhụnma; kẹ y'a gwọlẹ ọgụn ru, kẹ y'e buhanlẹ nshi.

Azaya 48:14

Kokomẹ ni d'e gọn ntịn, ụnụ ile: Ele mmọn gwatu ụnụ ihiẹn ndịnị ushin? Onyẹ ahụn Osolobuẹ họrị, k'e mẹ Babilọnụ ihiẹn Osolobuẹ chọ; o k'e mẹshin'ẹ ndị Babilọnụ ikẹn.

Jerimaya 50:29

Kpọ nị ndị-ụta, ndị ile a gba ụta, nị wẹ kehunmẹ Babilọnụ; anịkwọlẹ ni onyẹ ọwụlẹ la! Mẹgwarị n'a ihiẹn o mẹ; mẹgwarị n'a ihiẹn ile o mẹ, makẹni ọ kpọgụọ Osolobuẹ mgba, Osolobuẹ, Onyẹ-nsọ Izrẹlụ.

Jerimaya 50:38

Mirin ile rịn'a ya tahị! Wẹ k'a kọrọhị! Makẹni, alị wẹ wụ mmọn-mmọn, mmọn ndị jọgbu enwẹn wẹ hụn rị nwan a pụ wẹ ẹra.

Jerimaya 50:42

Wẹ bu ụta lẹ obo; ẹfọ jọ wẹ, w'a ra mẹ omikẹn. Ụzụn wẹ nọ kẹ nke ohimin ẹbi rị a kpọ wẹ nyinlanị ẹshin wẹ; wẹ dọnye wẹ kẹ ndị shikọ ọgbọ-agha, wẹ lala d'a lụsọn yụ wụ Babilọnụ agha!

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 51:27

“Weshi ni ihiẹn-ahịma elu nị ndị alị kọnrin agha! Gbu nị opi imẹ alị ichẹn-ichẹn! Kwademẹ ni alị ichẹn-ichẹn nị wẹ d'a lụsọn ẹ agha; kpọhanị alị-eze ndịnị d'a lụsọn ẹ agha: ndị Araratị lẹ ndị Mini lẹ ndị Ash'kẹnazị. Tumẹ ni ọkị-agha; wẹhẹ ni ndị-agha gi ẹshin a lụ hụn bu ọda kẹ igurube.

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Jerimaya 51:47

Makẹni, ogẹn k'a bịarịrị hụn m'e gi ye ihiẹn ndị ahụn wẹ e fe imẹ Babilọnụ ihiẹn wẹ chọ; alị hụ ile k'a fa, ozun ndị alị hụ wẹ k'e gbu k'e jun imẹ ẹ.

Jerimaya 51:52

“Ufiri ẹ, Osolobuẹ sị, ‘Ogẹn lala m'e gi mẹ ihiẹn ile ndị Babilọnụ kpụ w'e fe ihiẹn wẹ chọ, wẹ k'a gha a nụ udẹn ndị m k'a rụ eje-ẹhụ rị a sụn, imẹ alị hụ ile.

Jerimaya 51:64

I mẹgụ a, sị, ‘Ẹnịna kẹ Babilọnụ k'a dọn zụnban alị, ọ pụhakọzị, yeni otikpọ m jẹnkọ d'e tikpọ a. Ẹhụ jẹnkọ d'a rọ wẹ.’ ” Ebeni kẹ ihiẹn Jerimaya ku ru.

Jerimaya 51:8

Kanị Babilọnụ jẹnkọ nwan d'a dan idẹnmizi, wahị. Goo n'ẹ! Wẹhẹ ni n'ẹ ọgụn; ikẹnkwọ ọ dịnhịn!

Rẹvẹleshọnụ 14:8

Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.

Rẹvẹleshọnụ 18:21

Ya mmọn-ozi ohu kin akwanran ọda-ọda nọ buru ọmụma han kẹ ọlọ, tụ a ye imẹ ohimin, sị, “Ẹnịna kẹ wẹ k'a dọn gi ikẹn fịan obodo uku hụ wụ Babilọnụ alị; ahụnkọzị w'a!