Azaya 21:3 - Ika

³ Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 21:3 ပူးပေါင်းရင်းမြစ်များ

Ẹbụ-ọma 48:6

Ẹhụ a mama wẹ nni, tụrụma wẹ, rịkẹ okpoho imẹ rị e mẹ.

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 16:11

Obi m hụ a kwannị Mụabụ ẹkwan nọ kẹ ụbọ rị a kpọ ẹbụ ẹkwan, obi m hụ a kwanzịnị Kiri-Harẹsẹti ẹrịra.

Azaya 16:9

Ya haịn m gi rị e sọn Jaza a kwan ẹkwan a kwannị vaịnị ndị rị Sibma. Euu, Hẹsh'bọnụ! Euu, Ẹlialẹ! Ẹnya-mirin m e guhuchanrịn ụnụ! Makẹni oro ndị rị a ghọghọ nị ọka a kagụọ arịzị a lẹ ndị rị e yi ebe wẹ nọ e we ihiẹn-ugbo.

Azaya 26:17

Kẹ okpoho imẹ rị e mẹ dọn a kwan, a fịkọ, makẹni ọ rị a tụrụ a, ẹrịra kẹ ẹnyi te nọ ebe ị rị, Osolobuẹ.

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 6:24

Ẹnyi a nụgụọ ukwere wẹ, ndụn a gụ ẹnyi. Uhue e d'e gbu ẹnyi, ẹnyi hụ a fịkọ kẹ okpoho imẹ rị e mẹ.

Habakọkụ 3:16

“A nụgụ m ihiẹn lalanịnị ẹnyi ẹhụ nọ mama m nni; ọnụ hụ a ma m nni; ọ nọkẹsị ọkpụkpụ arịzị m ụkụ, ụkụ hụ a ma m gẹgẹgẹ. Kanị m k'e din ndidin cheri eje-ụhụọhịn ahụn sikọ d'e kunrun ndị rị a lụsọn ẹnyi agha.

Jọnụ 16:21

“Imẹ gha e mẹ okpoho, ọ tụrụ a atụrụ makẹni ọmụmụ e rugụọ a; kanị ọ mụgụ, ọ nyanhankọzị afụnfụn hụ makẹni ọ rị a ghọghọ n'ọ mụgụọ nwa.

Ditrọnọmi 28:67

Ụtụntụn, ụnụ sị, “Ọhị mẹdẹ nwan n'ọ gba!” Ẹnyasị, ụnụ sị, “Eki mẹdẹ nwan n'o fọn!” makẹni uhue rị e hue ụnụ ọda, ihiẹn-egun ụnụ rị e gi ẹnya a hụn a karị ụnụ ẹka.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!