Azaya 21:2 - Ika

² Ihiẹn ọ ghọsị m imẹ Ọhụn m hụn a jọka njọ: ẹro-ẹro lẹ ntikpọ-ntikpọ rịchanrịn a; Ndị Ẹlam, mayeni wẹ ọgụn! Ndị Mẹdịa, kehunmẹni wẹ! M jẹnkọ nwan d'a kụsị udẹn ile o mẹ ndị rị okpuru ẹ a sụn.

Azaya 21:2 ပူးပေါင်းရင်းမြစ်များ

Jẹnẹsisi 10:22

Ụmụ Shẹm wụ Ẹlam lẹ Ashuru lẹ Afakishadị lẹ Ludu lẹzi Aram.

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Ẹbụ-ọma 119:158

M lee ndị ghalẹni e gi oku Osolobuẹ e dọn, ize hụ e ze m, makẹni w'a ra dọnmẹ iwu i.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 25:3

Onwọnni onyẹ gi i dọn ẹnya ifẹnrẹn k'e mẹ, kanị ifẹnrẹn k'e mẹ ndị ihunnaị nwọnlẹni isi.

Ẹbụ-ọma 60:3

Y'e mẹgụọ ndị nke i hụnjun ẹnya; y'e yegụọ ẹnyi ọnụma ị ra kẹ manya, ọ hụ e mẹ ẹnyi a dan ẹgẹlẹgẹ.

Ẹbụ-ọma 79:11

Dodo, gọn ntịn udẹn ndị rị ngan rị a sụn; gi ikẹn i hi ogbe dọnmẹ ndị wẹ ma ikpe-ọnwụn ndụn.

Itẹn 13:15

Ọhụnma a bịanị onyẹ nwọn ezigbo nghọta, kanị ihiẹn a fụsọnmẹ onyẹ ihunnaị ọrụn.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 14:4

ụnụ jẹnkọ d'a rị a mụ eze Babilọnụ ẹmụ, a sị: Onyẹ nwẹn a kịgbu ịhịan, nke ẹ a gụgụọ! Ẹka-ikẹn ẹ hụ ile e bigụọ!

Azaya 14:7

Alị ile e nwọnringụọ nwan ezumikẹn lẹ udọn; wẹ hụ a kwankpọ ẹbụ.

Azaya 22:6

Ndị alị Ẹlam bukọ ẹkpa ọbara-ụta, uwẹ kịzị ụgbọ-ẹshin agha lẹ ndị e nyinn'ẹ; ndị alị Kiri nkẹ e bupụha akpaịn.

Azaya 24:16

Ẹnyi hụ a nụ ẹbụ wẹ rị a bụ elu-ụwa ile, a sị, “Ịja-mma ya rịnị Onyẹ ahụn wụ Onyẹ ezi-omumẹ.” Kanị, m sị, “Ẹhụ a gbọrọ m, ẹhụ a gbọrọ m! Ndụn a gụ m! Ndị ẹro hụ e re ịhịan! Ndị ẹro hụ e gi ẹro e re ịhịan.”

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Jerimaya 25:25

eyezighọ m ndị-nze ile kị alị Zimri lẹ alị Ẹlam lẹ alị Mẹdịa

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Jerimaya 45:3

‘Hụnnị ị sị enwẹn i: “Ijẹn e gbuẹ m! Osolobuẹ e bugụọ ụya cheni afụnfụn m rị a ta. Ndụn a gụ m ebe m rị a sụ udẹn; ẹhụ efuni m kaka!”

Jerimaya 49:34

Ọnwan wụ ozi Osolobuẹ zi Jerimaya onyẹ-amụma banyeni alị Ẹlam. Ogẹn Zẹdikaya gi kịma alị Juda nke ọhụn k'o gi zi ẹ ozini:

Jerimaya 49:35

“Osolobuẹ ihiẹn ile rị okpuru ẹ sị: Lee ẹ, m k'a kpagipụ ụta Ẹlam — ụta hụn wụ ikẹn alị Ẹlam.

Jerimaya 50:14

“Kehunmẹ ni Babilọnụ, ụnụ ile a gba ụta. Gba n'a ụta! Agbahọdụkwọlẹ ni akpụ ọbara-ụta ohu, n'o mẹgụọ Osolobuẹ njọ.

Jerimaya 50:34

Kanị onyẹ a gbapụhanị wẹ ze e ze; Osolobuẹ ihiẹn ile rị okpuru ẹ wụ ẹfan a. O k'e kinni wẹ ọnụ wẹ ru isi ẹ, kẹn'o ye alị wẹ udọn, bu nsọngbu tọnị ndị bi Babilọnụ. “Osolobuẹ sị:

Jerimaya 51:11

Osolobuẹ sị, “Pịn nị ọbara-ụta! Buru ni akpaịn ụnụ! Osolobuẹ a kpọligụọ ndị-nze alị Mẹdịa, makẹni Osolobuẹ chọ n'o tikpọ alị Babilọnụ. Osolobuẹ k'e mẹgwarị — o k'e mẹgwarị wẹ ihiẹn wẹ mẹ Ụnọ-NSỌ a.

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.

Ẹkwan 1:22

Eje-omumẹ wẹ ile ya ruchanrịn ebe ị rị; mẹshi wẹ ikẹn k'i dọn mẹ m makẹ njọ ile m mẹ. Udẹn-udẹn kẹ m rị a sụn, ndụn arịzị m.

Daniẹlụ 5:28

“FASINI wụ: E kebegụọ wẹ alị-eze i, we ẹ ye ndị Mẹdịa-lẹ-Pẹshịa.”

Daniẹlụ 5:9

Obi nọ nahịn eze wụ Bẹlụshaza, o tirapụ ẹnya. Ndụn nọ gụ ndị-isi hụ ya lẹ wẹ rị.

Daniẹlụ 8:2

Imẹ ọhụn ahụn, m hụn enwẹn m imẹ isi-obodo wụ Susa, hụn rị imẹ Ẹgbẹrẹ Ẹlam. Imẹ ọhụn ahụn, m rị mkpẹnrẹn mirin, mkpẹnrẹn Ote-mirin Ulaị.

Daniẹlụ 8:20

Ebulu hụ ị hụn nwọn mpịn ẹbụọ wụ ndị-nze Mẹdịa-lẹ-Pẹshịa.

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.

Samuẹlụ Nke Ibuzọ 24:13

Ọ nọ nwan kẹ ndị akan dọn ku ẹ, ‘Imẹ ndị e mẹ eje-ihiẹn kẹ eje-ihiẹn gha a pụhasọnmẹ.’ Emẹtụkọ m'ị nwan ẹka.