Azaya 21:10 - Ika

¹⁰ Euu, ọka m wẹ kụkpụkpọ, ndị nke m hụnjungụ ẹnya ebe wẹ nọ kụkpọ wẹ! Ihiẹn m rị a gwa ụnụ wụ ihiẹn m nụ ọnụ Osolobuẹ ihiẹn ile rị okpuru ẹ, ọnụ Chuku Izrẹlụ.

Azaya 21:10 ပူးပေါင်းရင်းမြစ်များ

Ndị-nze Nke Ibuzọ 22:14

Kanị, Maịkaya nọ sị a, “Ma Osolobuẹ, ihiẹn Osolobuẹ gwa m sụọ kẹ m jẹnkọ d'a gwa eze.”

Ndị-nze Nke Ẹbụọ 13:7

Onwọnzini ihiẹn họdụnị imẹ ndị-agha Jeho-ahazị karị mmadụ iri kwasị ọgụnnaị gi ẹshin a lụ agha, ụgbọ-ẹshin iri lẹ mmadụ nnụ-uku iri (10,000) gi ụkụ e jẹn agha, makẹni eze Aram e gbuchanrịngụọ ndị-agha Izrẹlụ Ẹbamịn ugu, zọkpụkpọ wẹ nọkẹ ẹjan rị alị.

Azaya 28:28

Wẹ k'e gwerịrị mkpụrụ ọka wẹ kebe gi ẹ mẹmẹ brẹdi — ya wụ, w'ara tọ a kụkpọ ọka jẹnrin ejẹn. Ọsụọn'a nị wẹ gi ụgbọ-ẹshin a kụkpọ ọka, ẹlẹ ogugwe kẹ ẹshin hụ e gwe ẹ.

Jerimaya 23:28

“Onyẹ-amụma rọ nrọ, ya ziẹn nrọ a; kanị onyẹ hụn nwọn oku m ya kuchanrịn a k'ọ nọ — makẹni ẹfịfịa-ọka lẹ akpụrụ-ọka ẹlẹ ihiẹn ohu.

Jerimaya 51:33

“Makẹni Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Nwagbọọ wụ Babilọnụ jẹnkọ d'a nọ kẹ alị wẹ nọ a kụkpọ ọka, hụn wẹ rị a kwademẹ; ọ họdụ ẹkẹrẹ, e betu wẹ ọka kụkpọ.’

Izikẹlụ 40:4

Okẹnnyẹ hụ nọ sị m, “Nwa-ịhịan, shịapụ ẹnya ị lẹ ntịn ị ọhụnma, y'e bu obi che ihiẹn ile m sikọ d'a ghọsị ị, makẹni ya kẹ wẹ wẹhẹni i ebeni — kẹni i hụn ụzọ gwa Izrẹlụ ihiẹn ile i sikọ d'a hụn.”

Emọsụ 3:8

Ẹwọrọ e dẹngụọ; onyẹ kẹ egun jẹnkọlẹni d'a tụ?! Di-nwọnni-ẹnyi wụ Osolobuẹ e kuọlẹ oku; onyẹ jẹnkọlẹni d'e bu amụma gwa wẹ ihiẹn o ku?!

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Habakọkụ 3:12

Ị nọ gi iwe zọ ụwa ụkụ, gi olulu zọkpụkpọ alị ichẹn-ichẹn.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”