Azaya 2:8 - Ika

⁸ Alị wẹ wụ mmọn-lẹ-iyi mmọn-lẹ-iyi; wẹ hụ a kụnị ọrụn-ẹka wẹ isi alị, e fe ihiẹn ẹka wẹ mẹmẹ,

Azaya 2:8 ပူးပေါင်းရင်းမြစ်များ

Ndị-nze Nke Ibuzọ 16:7

Osolobuẹ ku ihiẹnni o gi onyẹ-amụma wụ Jehu nwa Hanani ku banyeni Baasha lẹ ikpụlọ a yeni ihiẹn ile rịlẹni mma ẹnya Osolobuẹ hụn Baasha mẹ; ihiẹn ndịnị k'o gi kpasu Osolobuẹ iwe, makẹni o mẹ ihiẹn ikpụlọ Jerobụam mẹ lẹ makẹni o tikpọ ezi-lẹ-ụlọ Jerobụam.

Ndị-nze Nke Ẹbụọ 17:10

A kọmasọnmẹ wẹ ọmụma-nsọ, zumẹsọnmẹ ihiẹn wẹ gi e rụa Ashẹra ye ugu ile jẹn elu lẹ okpuru osisi ọwụlẹ duni.

Ndị-nze Nke Ẹbụọ 17:16

A latọ wẹ ihiẹn ile Osolobuẹ wụ Chuku wẹ sị wẹ e mẹ, gi igwe kpụrụ ụmụ-efin ẹbụọ femẹ, zumẹ osisi wẹ gi a rụa Ashẹra. A kpọnị wẹ ihiẹn ile rị igwere isi alị, e fe wẹ mmọn Baalụ.

Ihiẹn Mẹni Nke Ẹbụọ 27:2

O mẹ ihiẹn rị mma ẹnya Osolobuẹ, sọnchanrịn nzọmụkụ nẹdi ẹ wụ Uzịa, kanị Jọtam abannị eje-ọbụban hụ nẹdi ẹ ban Ụlọ-NSỌ Osolobuẹ. K'osilẹrị, ndị Juda hụkwọ e mẹ arụ wẹ e mẹ.

Azaya 17:8

Ebukọzị wẹ obi tụkwasị ihiẹn ẹka wẹ kpụ: kẹ ukpo-mmọn kẹ osisi ndị hụ wẹ zumẹni mmọn wụ Ashẹra kẹ ukpo nsẹnsi.

Azaya 26:13

Euu Osolobuẹ wụ Chuku ẹnyi, ndị ọzọ a kịzịghọ ẹnyi, kanị ẹfan ịyụ sụọ kẹ ẹnyi e ye ọghọ.

Azaya 37:19

tụ mmọn wẹ ile ye imẹ ọkụn — makẹni ẹlẹ wẹ ezigbo ẹ, mkp'osisi lẹ ọmụma hụn ịhịan gi ẹka mẹmẹ kẹ wẹ wụhụ.

Azaya 40:19

O mẹ nke mmọn wẹ kọma, omẹ-nka kpụ a, onyẹ a kpụ goru e gi goru nyankwama a, gi siliva kpan'a ẹgan.

Azaya 41:29

Lee nwan nị ẹlẹ wẹ ezigbo ẹ! Ihiẹn ile wẹ rụn enwọn isi; mmọn ile wẹ kpụ wụhụ ufere lẹ isusu.

Azaya 57:5

Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 2:28

Ebe mmọn ndị ahụn ụnụ mẹmẹrin rịzị nwan? Wẹ bịa nwan, omẹni wẹ sa ẹka zụọpụha ụnụ imẹ nsọngbu! Ẹghẹẹ, y'e nwọnghọ mmọn bu ọda, Juda — mmọn buhan ọda kẹ obodo ndị rị imẹ i!”

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Hosia 13:2

Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 8:6

Mmọn wẹ kpụ imẹ Izrẹlụ kẹ nwa-efin Sameria wụhụ ẹlẹ Chuku, kaka! Ọkpụ-ụzụn kpụ a! Wẹ k'a kụkpọchanrịn nwa-efin Sameria!

Maịka 5:12

M k'a zapụchanrịn ihiẹn ile wẹ gi ikẹn mmọn a rụn; ndị a gba ẹfa arịkọzị imẹ ụnụ.

Ọrụn Ndị-ozi 17:16

Ogẹn Pọlụ gi rị e che Timoti lẹ Saịlasị imẹ Atẹnsi, ize hụ e ze ẹ makẹni ọ hụn a nị alị hụ ile wụ mmọn-mmọn.

Ditrọnọmi 4:28

Ụnụ k'a nọ ebẹhụ fe mmọn wẹ gi osisi pịn lẹ ndị wẹ gi ọmụma tụ, mmọn ndị ghalẹni a s'ẹka e legha ụzọ mọbụ a nụ ihiẹn mọbụ e ri ihiẹn-oriri mọbụ a nụ ishin.

Rẹvẹleshọnụ 9:20

Ndị họdụ elu ụwa ihiẹn ndịnị gbulẹni ebihutọkwọnị mẹbehi eje-ihiẹn wẹ rị e mẹ — efebehini wẹ eje-mmọn lẹ mmọn goru lẹ siliva lẹ igwe-bronzu lẹ mmọn wẹ gi ọmụma lẹ osisi pịn ghalẹni e legha ụzọ mọbụ a nụ ihiẹn mọbụ e jẹn ijẹn,