Azaya 2:3 - Ika

³ Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 2:3 ပူးပေါင်းရင်းမြစ်များ

Ẹsta 9:27

ndị Ju nọ tumẹrin akpọhịn ẹbụọnị imẹ ahụa ile nị wẹ lẹ ụmụ wẹ lẹ ndị ile k'a rị a banyeni wẹ k'e girịrị ẹ e mẹ omẹnalị Purim kẹ wẹ dọn gwa wẹ lẹ ogẹn wẹ tumẹn'ẹ.

Ẹbụ-ọma 102:23

Osolobuẹ e mẹgụọ ndụn gụkẹnrin m; o mẹgụọ m ka ẹgẹdi ikẹn!

Ẹbụ-ọma 110:2

Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.

Ẹbụ-ọma 119:171

Ẹbụ k'e jun m ọnụ, makẹni ị hụ a kuzi m iwu i.

Ẹbụ-ọma 122:1

Ẹfọ sụọ m ụsụọ kẹ wẹ sị m, “Nị ẹnyi jẹn Ụlọ Osolobuẹ!”

Ẹbụ-ọma 48:1

Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.

Azaya 1:26

E yezi m'i ezigbo ndị-ndu nọkẹ hụn m ye i ogẹn mbụ, yezi i ezigbo ịhaịmẹ nọkẹ ndị hụn m ye i isi mbidọn. Omẹgụ, wẹ k'a kpọmazị ị ‘Obodo Ezi-omumẹ, Obodo wẹ gi e dọn ẹnya.’ ”

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 19:23

O ru ogẹn hụ, Ụzọ shịanị k'a rị gha Ijiptu d'e ru Asiria: ndị Asiria k'a rị e jẹn Ijiptu, ndị Ijiptu hụ e jẹn Asiria. Ndị Ijiptu lẹ ndị Asiria k'e fegbama ofufe.

Azaya 28:9

E sị wẹ, “Onyẹ k'ọ rịdẹ nwan a chọ n'ọ kuzi? Onyẹ k'ọ rị a kọwanị ozi ọ rị e zi? Ụmụ-ẹka wẹ hadẹ ẹran tannị ra ụmụ-ndu wẹ napụhụ ẹran nke ọhụn?!

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Azaya 56:5

uwẹ kẹ m sikọ d'e ye ọghọ imẹ Ụlọ-nsọ m ile lẹ ebe ile mgbọn ẹ ru, e mẹ m wẹ a nyanhansọnmẹ wẹ, e ye m wẹ ezigbo ẹfan hụn kadẹ ụmụ-ikpoho lẹ ụmụ-ikẹnnyẹ; m k'e ye wẹ ẹfan itẹbitẹ, hụn jẹnkọlẹni d'a gụ.

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Azaya 66:20

Wẹ k'a gha alị ile ndị nke ụnụ rịsọnmẹ welụa wẹ Ugu nsọ m rị Jerusalẹm, gi wẹ kwanị mmẹ wụ Osolobuẹ. Wẹ k'e gi ẹshin lẹ ụgbọ-ẹshin lẹ ihiẹn ndị ọzọ wẹ gi e bu ịhịan bulụa wẹ, kẹ anyịnyan mulu kẹ anyịnyan-mkpukpuke.” Ya kẹ Osolobuẹ ku. Wẹ k'e wẹhẹ wẹ kẹ ndị Izrẹlụ dọn e gi afẹrẹ rụlẹni e buhẹni Osolobuẹ oyiye.

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 31:6

Ogẹn lala hụn ndị a kpọ ọgwa k'e gi gha òke rịsọnmẹ ẹgbẹrẹ Ifrem a hị, ‘Pụha nị, nị ẹnyi jẹn Zayọnụ d'e fe Osolobuẹ wụ Chuku ẹnyi.’ ”

Izikẹlụ 40:2

Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Matiu 7:24

“Ya wụ, onyẹ nụ ihiẹn ndịnị m rị e ku, gi wẹ bi, hụnyẹ lẹ onyẹ marịn ihiẹn hụn tụn ụlọ a ye elu ọmụma wụ ohu:

Luku 11:28

Kanị Jesu nọ sị, “Mba, ndị nwọn ngọzi wụ ndị hụn a nụ oku Osolobuẹ, e gi ẹ e bi!”

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 4:22

Ụnụ amarịn onyẹ ụnụ rị e fe; kanị, ẹnyi nwẹn a marịnghọ onyẹ ẹnyi rị e fe, makẹni ẹka ndị Ju kẹ nzụọpụha gha lala.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 10:33

Ya m nọ zi wẹ d'a kpọ ị ozigbo. Y'e mẹkẹ i gi bịa. Ẹnyi ile rị nwan ihun Osolobuẹ ebeni kẹni ẹnyi nu ihiẹn ile Di-nwọnni-ẹnyi sị ị gwa ẹnyi.”

Ndị Rom 10:18

Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”

Ditrọnọmi 33:19

Wẹ k'a kpọgbama ndị alị ichẹn-ichẹn ye elu ugu, nọ ebahụn chụnyesọnmẹ ẹjan rị mma ẹnya Osolobuẹ; wẹ k'e ri ihiẹn ndị ahụn bu ọda ohimin e ye, ihiẹn w'a chọ achọ hụn jun mkpẹnrẹn ohimin.”

Ditrọnọmi 6:1

Ihiẹn ndịnị kẹ Osolobuẹ wụ Chuku ụnụ sị ụnụ mẹ lẹ uhi ẹ lẹ iwu ẹ: ịya k'ọ sị m kuzi ụnụ nị ụnụ gi bi imẹ alị ahụn ụnụ fetukọ Iyi Jọdanị d'e weri,

Jemisi 1:25

Kanị omẹni ịhịan hụ e lee iwu hụ zu oke ịhịan gi e nwọnrin enwẹn ẹ, e lesọnmẹ, nị ẹlẹ onyẹ a nụgụ, a zọ, kanị ọ hụ e gi ẹ e bi, o sikọ d'a narịn ngọzi makẹni ọ hụ e mẹ ẹ.