Azaya 2:2 - Ika

² O ru ihun, ugu Ụlọ-nsọ Osolobuẹ k'a wụrụ ugu kachanrịn ugu ile mkpa; wẹ k'e mẹ ẹ nwọnnahịn òke ile ọghọ, ndị alị ile e rushi ebẹhụ.

Azaya 2:2 ပူးပေါင်းရင်းမြစ်များ

Jẹnẹsisi 49:1

Omẹgụ, Jekọpụ nọ kpọkikomẹ ụmụ a ile, sị wẹ, “Nọhunmẹni m, nị m gwa ụnụ ihiẹn jẹnkọ d'e mẹ imẹ igunrun ụnụ ihun.

Jobu 19:25

A marịnghọ m nị Onyẹ Agbapụhanị m rị ndụn, n'o k'e wuzo elu-ụwa ogẹn ikpanzụụn;

Ẹbụ-ọma 102:23

Osolobuẹ e mẹgụọ ndụn gụkẹnrin m; o mẹgụọ m ka ẹgẹdi ikẹn!

Ẹbụ-ọma 2:8

Rịọ m, m k'e mẹ alị ile wụrụ ukuu i; mẹ ebe ile ụwa ru wụrụ nke i.

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Ẹbụ-ọma 22:28

Makẹni, ọkịkị rị ẹka Osolobuẹ; ịya rị a kị alị ile.

Ẹbụ-ọma 48:2

Ugu ẹ rị nsọ jẹn elu hụn ma mma; ịya wụ ịghọghọ ụwa ile! Ugu Zayọnụ rọ — hụn rị njẹndemẹ ẹbamịn ugu obodo Eze-uku ahụn rọ.

Ẹbụ-ọma 68:17

Chuku gi ụgbọ-ẹshin ẹ nnụ-uku ole-lẹ-ole gha Ugu Saịnaị banhan Ụlọ-nsọ a.

Ẹbụ-ọma 72:8

Eze ya kịma ụwa ile, gha Ohimin d'e ru Ohimin, gha Iyi Yufretisi d'e ru ebe ụwa ru.

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Ẹbụ-ọma 87:1

Elu ugu nsọ kẹ Osolobuẹ tụnye obodo Zayọnụ;

Ẹbụ-ọma 87:2

ịya ka Osolobuẹ a sụọ karị ebe ile w'e bi imẹ alị Jekọpụ wụ Izrẹlụ.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 25:6

Osolobuẹ hụn nwọn ikẹn ile k'a nọ elu uguni kwademẹni ndị alị ile oriri, okẹn-oriri manya e nwunye ẹnya — ezigbo anụ lẹ ezigbo manya.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 30:29

Ụnụ k'a bụ ẹbụ kẹ ụnụ dọn a bụ imẹ uhinhin mmẹmmẹ nsọ ụnụ; ẹfọ k'a sụọ ụnụ ụsụọ rịkẹ ogẹn ụnụ gi e gbu ẹkpịrị nyinkọ ugu Osolobuẹ — d'e kunrun Osolobuẹ, onyẹ hụn wụ Ọmụma Izrẹlụ.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 56:5

uwẹ kẹ m sikọ d'e ye ọghọ imẹ Ụlọ-nsọ m ile lẹ ebe ile mgbọn ẹ ru, e mẹ m wẹ a nyanhansọnmẹ wẹ, e ye m wẹ ezigbo ẹfan hụn kadẹ ụmụ-ikpoho lẹ ụmụ-ikẹnnyẹ; m k'e ye wẹ ẹfan itẹbitẹ, hụn jẹnkọlẹni d'a gụ.

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Azaya 66:20

Wẹ k'a gha alị ile ndị nke ụnụ rịsọnmẹ welụa wẹ Ugu nsọ m rị Jerusalẹm, gi wẹ kwanị mmẹ wụ Osolobuẹ. Wẹ k'e gi ẹshin lẹ ụgbọ-ẹshin lẹ ihiẹn ndị ọzọ wẹ gi e bu ịhịan bulụa wẹ, kẹ anyịnyan mulu kẹ anyịnyan-mkpukpuke.” Ya kẹ Osolobuẹ ku. Wẹ k'e wẹhẹ wẹ kẹ ndị Izrẹlụ dọn e gi afẹrẹ rụlẹni e buhẹni Osolobuẹ oyiye.

Azaya 66:23

Osolobuẹ sị, “Ịhịan ile rị elu-ụwa k'a rị a bịa d'e fe m gha ifọn d'e ru ifọn, gha Ụhụọhịn Ezumikẹn d'e ru Ụhụọhịn Ezumikẹn.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 23:20

Olulu Osolobuẹ arọkọ d'e ru n'o mẹgụ ihiẹn o bu obi. Ihun k'o sikọ d'e wechanrịn ụnụ ẹnya.

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 30:24

Iwe Osolobuẹ hụn rị a dụn kẹ ọkụn arọkọ d'e ru n'o mẹchanrịngụ ihiẹn rị a obi. Ihun kẹ ụnụ jẹnkọ d'a ghọta ihiẹnni.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 48:47

“Kanị, o mẹgụ, m jẹnkọ d'e mẹ n'ọ rịzịnị alị Mụabụ mma. Mmẹ wụ Osolobuẹ ku ẹ.” Ebeni kẹ ikpe Chuku ma alị Mụabụ jẹndemẹ.

Jerimaya 49:39

“Kanị omẹgụ, m k'e mẹzi ihiẹn masịnị Ẹlam. Mmẹ wụ Osolobuẹ ku ẹ.”

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Izikẹlụ 38:16

Ụnụ jẹnkọ d'a maye ndị nke m wụ Izrẹlụ, rukpumẹ alị wẹ nọkẹ orukpu. Ihun-ihun k'o k'e mẹ. M k'e wẹhẹ i d'a maye alị m ọgụn, kẹni ndị alị ichẹn-ichẹn gi ihiẹn m k'e mẹ i marịn onyẹ m wụ ogẹn m'e gi nọ idẹnya wẹ gi i ghọsị nị m rị nsọ.

Izikẹlụ 40:2

Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.

Daniẹlụ 10:14

M bịa nwan d'a gwa ị ihiẹn k'e mẹ ndị nke i ihun, makẹni ogẹn ihiẹn ị hụn imẹ ọhụnnị e gi mẹ eke ru.”

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Daniẹlụ 2:35

Wẹ ile, kẹ igwe-mmaka kẹ ụrụa kẹ igwe-bronzu kẹ siliva kẹ goru nọ kụkpọpụ, nọchanrịn kẹ ẹfịfịa-ọka rị alị ebe wẹ nọ a kụkpọ ọka imẹ ọhọhị; ya kẹ ufere nọ fepụ wẹ, kaka akpụ-ohu ahọdụnị. Kanị ọmụma nwẹn ti ihiẹn ahụn wẹ kpụ nọ họnrin ẹregede ugu, shịagbarị ụwa ile.

Daniẹlụ 2:45

Ịya wụ ọmụma ahụn ị hụn wẹ gha ugu bepụha bụ ẹlẹ ịhịan bepụha a — ọmụma ahụn tigungwọn igwe lẹ igwe-bronzu lẹ ụrụa lẹ siliva lẹ goru. “Chuku hụ kanị a ghọsịgụọ eze ihiẹn sikọ d'e mẹ ihun. Ọnwan wụ nrọ ị k'i dọnchanrịn rọ a; ọnwan wụ nkọwa a — ịrụ-ụka arịa.”

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Zẹkaraya 14:10

Alịnị ile k'e hutọ, wụrụ alị aradan: ghakwọrị Gẹba d'e ru Rimọnụ hụn rị ebe Jerusalẹm ru ẹbamịn ndịdan-mirin. Kanị, Jerusalẹm nkẹ k'a rị elu, ebe ọ rị ushin: O k'a gha Ọnụ-mgbọn Bẹnjamini pụ ọnụ-mgbọn Ibuzọ, pụzị ọnụ-mgbọn rị Ntugi, pụzị Ụlọ-nche Hananẹlụ, pụzị ebe w'a nọ a pịnpụhanị eze manya-vaịnị.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Zẹkaraya 8:22

Alị bu ọda lẹ alị ndị a kpadẹ ikẹn k'a gha a bịa Jerusalẹm d'e fe Osolobuẹ ihiẹn ile rị okpuru ẹ; wẹ k'a bịa d'a rịọ Osolobuẹ.”

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Malakaị 3:12

Ogẹn ahụn, alị ile a kpọma ụnụ ngọzi, makẹni ụnụ lẹ alị ụnụ k'a wụrụ ihiẹn w'a chọ achọ. Ya kẹ Osolobuẹ ihiẹn ile rị okpuru ẹ ku.

Ọgụngụn 24:14

“M laburukọ nwan ndị nke m; ka gọn nwan ntịn nị m gwatọ ị ihiẹn ndị Izrẹlụ jẹnkọ d'e mẹ ndị nke i ihun.”

Ọrụn Ndị-ozi 2:17

‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.

Timoti Nke Ẹbụọ 3:1

Ka ya we i ẹnya ọhụnma-ọhụnma nị o ru ogẹn ikpanzụụn, elu jẹnkọ d'e zegbu enwẹn ẹ.

Hibru 1:2

Kanị, ogẹn ikpanzụụnnị, ọ gwaọlẹ ẹnyi oku ghahanị Nwa a, onyẹ hụn o yechanrịn ihiẹn ile, onyẹ hụn ọ gha ẹka a ke ụwa ile lẹ ihiẹn ile rịn'a.

Pita Nke Ẹbụọ 3:3

Nke ibuzọ, ghọta nị nị ndị-nlelịa hụn e bi k'ọ sụọ wẹ k'a pụha ogẹn ikpanzụụn, a mụ ẹmụ,

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.