Azaya 2:12 - Ika

¹² Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 2:12 ပူးပေါင်းရင်းမြစ်များ

Samuẹlụ Nke Ẹbụọ 22:28

Y'a zụọpụha ndị e wetu enwẹn wẹ alị, kanị ị rị e ke ndị mpache nke, n'ị hụn ụzọ wetu wẹ alị.

Jobu 24:1

“Kị haịn Onyẹ Hụ Nwọn Ikẹn Ile gilẹni a katọ ogẹn o gi e ye ịhịan afụnfụn? Kị haịn ndị marịnn'a gi a tụ ẹnya ụhụọhịn nọ ẹrịra mmaka?

Ẹbụ-ọma 131:1

Euu Osolobuẹ, arị m a pache; m'a ra bọnmẹ. M'a ra bu enwẹn m che ihiẹn kanị m mọbụ ihiẹn m marịnlẹni ẹnya wẹ.

Ẹbụ-ọma 18:28

Osolobuẹ e mẹ ukpẹ m e nwunsọnmẹ — Chuku m gi ukpẹ a nọkinni m ẹnya ishi.

Ẹbụ-ọma 37:13

kanị ẹmụ kẹ Osolobuẹ a mụ ndị-njọ, makẹni ọ marịngụọ nị ụhụọhịn wẹ lala alala.

Ẹbụ-ọma 94:2

Dodo lihi nwan, ọka-ikpe hụn a hannị ụwa ile eṅẹn; lihi n'i ye ndị mpache ihiẹn wẹ chọ!

Itẹn 16:5

Ndị ile a pacheni e ze Osolobuẹ ize. Ya wekwọ ị ẹnya nị alakọ wẹ mmaka.

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 10:33

Lee ẹ, Onyẹ-nwọnni-ẹnyi, Osolobuẹ ihiẹn ile rị okpuru ẹ, k'e gi okẹn ikẹn kwapụ ndị ile wụ okẹn agalaba; o k'e gbutu ndị wụ okẹn-osisi, o wetu ndị wụ osisi-ka-osisi alị.

Azaya 13:11

Osolobuẹ sị, “M k'e ye ụwa afụnfụn eje-ihiẹn o mẹ, ye ndị eje-omumẹ afụnfụn njọ wẹ. M k'a napụ ndị rị e mẹkarị enwẹn wẹ nhọnrọn wẹ, e welụa m ndị ẹfọ-njọ rị e mẹkarị enwẹn wẹ alị.

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 13:9

Lee ẹ, Ụhụọhịn Osolobuẹ lala — ụhụọkịn jọgbu enwẹn ẹ, ụhụọkịn hụn ọnụma lẹ olulu k'a kpọ — hụn k'e mẹ alịnị gba okpokoro, tikpọ ndị-njọ rịn'a.

Azaya 14:15

Kanị e wetugụọ wẹ i nwan che imẹ ili, weruchanrịn ị ebe kachanrịn e mi imẹ mgbugbu hụ.

Azaya 23:9

Osolobuẹ nwọn ikẹn ile rotọn'a ihiẹnni, kẹni o welụa ọghọ ile ịhịan gi e bọnmẹ alị, budanzịkwọ ndị ile w'a nụ ẹfan wẹ elu ụwa.

Azaya 24:21

O ru ogẹn hụ, Osolobuẹ k'e ye ihiẹn rị igwere afụnfụn imẹ elu-igwere, yezikwọ ndị-nze rị ụwa afụnfụn elu-ụwa.

Azaya 24:4

Elu-ụwa a kpọpụ nkụn, shinwụn; ụwa ile a la iwi, shinwụn; ndị nwọn ọghọ rị elu-ụwa a la iwi.

Azaya 40:23

Ọ napụ ndị-isi ọkịkị rị wẹ ẹka, a napụ ndị-ọkịkị ụwanị ihiẹn ile wẹ wụ.

Azaya 42:15

M k'e bu ugu lẹ òke la iwi, mẹ ihiẹn ile rị e sue elu wẹ shinwụnchanrịn; m k'e mẹ iyi tahị, akpakalị a pụhasọnmẹ ẹ, mẹ ọgọdọ-mirin tahị.

Azaya 5:15

Wẹ k'e welụachanrịn ịhịan alị, budanchanrịn ịhịan ile, kwa ndị nhọnrọn nku.

Azaya 61:2

o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Jerimaya 12:9

Ndị m kpọ nke m nọ m nwan kẹ nnụnụ e ri anụ; nnụnụ e ri anụ e fihunmẹgụọ a nwan ni wẹ maye ẹ. “D'a kpọkikomẹ ni anụ ile rị ọfịa; wẹhẹni wẹ d'e gburi ndị nke m.

Jerimaya 13:9

“Ẹrịra kẹ m jẹnkọ d'e wiwi ihiẹn hụ Juda gi a nyan isi lẹ okẹn-ihiẹn hụ Jerusalẹm gi a nyan isi:

Jerimaya 30:7

Ogẹn hụ lalanị k'a jọgbu enwẹn ẹ! Onwọnni eje-ogẹn nọ kẹ ya. O jẹnkọ d'a wụnị ebọn Jekọpụ ogẹn okẹn nsọngbu, kanị o k'a hụn isi wanahịn.’ ”

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Jerimaya 50:31

Osolobuẹ ihiẹn ile rị okpuru ẹ sị, “Lee ẹ, m k'e mẹshi i ikẹn, onyẹ mpache, makẹni ogẹn i e rugụọ — ogẹn m'e gi ye i afụnfụn ihiẹn i mẹ.

Izikẹlụ 13:5

Ndị amụmanị ara ku ezioku, gi ẹ dọnzi mgbọn tikpọsọnmẹni mọbụ tụnhunmẹ Izrẹlụ mgbọn kẹni wẹ saẹka che agha ụhụọhịn Osolobuẹ k'a ghọsị ọnụma a.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Emọsụ 5:18

Nsọngbu rị e che ụnụ ndị rị a sị ụhụọhịn Osolobuẹ ya bịakẹnrin! Kị ụnụ rịdẹ a chọnị n'ọ bịakẹnrin? Ọbịbịa a k'e wẹhẹkwọ ishi, ẹlẹkwọ ukpẹ!

Maịka 2:3

Ufiri ẹ, Osolobuẹ e sị, “M rị nwan a mama ihiẹn m k'e mẹ ebọnni; isi ụnụ k'a tọ a; ụnụ ebọnmẹkọzị, makẹni o jẹnkọ d'a wụ eje-ogẹn.

Maịka 5:11

m k'e tikpọchanrịn obodo ile ụnụ tụnhunmẹ mgbọn lẹ ebe ile ụnụ a gbaban.

Zẹfanaya 1:16

O jẹnkọ d'a wụ ogẹn opi-agha lẹ oro-agha hụn agha k'e gi lụ obodo ndị wẹ tụnhunmẹ okẹn mgbọn lẹ ụlọ-nche ndị hụ zegbu enwẹn wẹ.

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Malakaị 4:5

M k'e zihẹni ụnụ Ẹlaịja onyẹ-amụma Ụhụọhịn Osolobuẹ gini d'e ru, okẹn ụhụọhịn hụ a tụ egun;

Matiu 23:12

Onyẹ bushi enwẹn ẹ elu, e wetu w'ẹ alị; kanị onyẹ welụa enwẹn ẹ alị, e bushi w'ẹ elu.

Luku 14:11

“Makẹni onyẹ weshi enwẹn ẹ elu, e welụa w'ẹ alị; onyẹ welụa enwẹn ẹ alị, e weshi w'ẹ elu.”

Ndị Kọrẹntị Ibuzọ 5:5

ụnụ e bu onyẹni che ẹka Ekwensụ nị wẹ hụn ụzọ tikpọ ẹhụ a, kẹni mmọn a hụn ụzọ nwọn nzụọpụha Ụhụọhịn Di-nwọnni-ẹnyi Jesu Kristi.

Ndị Tẹsalonika Ibuzọ 5:2

Makẹni, ụnụ lẹ enwẹn ụnụ a marịngụọ ọhụnma-ọhụnma nị Ụhụọhịn hụ Di-nwọnni-ẹnyi k'e gi bịa, o k'a bịa idẹnmizi kẹ ohin dọn a bịa imẹ abalị.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”