Azaya 19:14 - Ika

¹⁴ Osolobuẹ e wegụọ mmọn huye imẹ wẹ, mmọn wẹ gizilẹni a marịn ihiẹn wẹ k'e mẹ; wẹ e mẹ Ijiptu a hanfiesọnmẹ ụkụ imẹ ihiẹn ile o mẹ, kẹ onyẹ-manya a danhunmẹ ebe ọ gbọtọ ẹgbọ.

Azaya 19:14 ပူးပေါင်းရင်းမြစ်များ

Ndị Tẹsalonika Nke Ẹbụọ 2:11

Makẹni a jụgụọ wẹ ezioku, Osolobuẹ k'e gi ufiri ẹ zihẹni wẹ okẹn ndufie ahụn wẹ jẹnkọ d'e dufie wẹ, hụn k'e mẹ wẹ gi ntụ dọn.

Jerimaya 25:27

Osolobuẹ sị m, “Sị wẹ nị Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Ra nị tụ, gbọma ẹgbọ, dangungwọn, yeni ọpịa-agha m zila imẹ igunrun ụnụ.’

Jobu 12:25

Wẹ hụ a sụọ ishi; o mẹ wẹ a danhunmẹ kẹ ndị manya rị a tụ.

Matiu 17:17

Jesu nọ sị, “Heuu, agbọ nwọnlẹni okukwe! Agbọ zinlẹni! Nanị mmẹ lẹ ụnụ k'a nọhan? Nanị m'e dihannị ụnụ?! Wẹhẹ ni ni m'ẹ.”

Jerimaya 48:26

“Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Azaya 29:14

M jẹnkọ d'e mẹzi ndịnị ihiẹn k'a tụ wẹ ẹnya, mẹsọnmẹ wẹ ihiẹn a tụ ẹnya — amamihiẹn ndị marịn ihiẹn a la iwi, nghọta ndị a ghọtanị a la.

Azaya 19:2

“M k'e mẹ Ijiptu bunụmanị enwẹn ẹ — mẹ nwẹnẹ lẹ nwẹnẹ lụma ọgụn imẹ ẹ, onyẹ-onyẹ imẹ Ijiptu a lụsọnmẹ ndị bikunman'a ọgụn, obodo ndị rịn'a a lụsọnmẹ ibe wẹ ọgụn; alị-eze ndị rịn'a a lụsọnmẹ ibe wẹ ọgụn.

Jobu 12:16

Akwanran lẹ amamihiẹn wụ nke ẹ; kẹ onyẹ wẹ dufie kẹ onyẹ rị e dufieni wụ nke ẹ.

Ndị Han Eṅẹn 9:23

Osolobuẹ nọ zihẹ eje-mmọn d'e bu nkebe che ẹgbata Abimẹlẹkị lẹ ndị-isi Shẹkẹm; ndị Shẹkẹm nọ bu Abimẹlẹkị mbubu-azụụn.

Ihiẹn Mẹni Nke Ẹbụọ 18:22

“Ya hụn a nwan, Osolobuẹ e buọlẹ mmọn-ntụ che ndị-amụma ị ndịnị ọnụ, makẹni Osolobuẹ e kuọl'a n'o k'e tikpọ ị.”

Itẹn 12:8

Kẹ ịhịan marịnhan ihiẹn kẹ w'a jahan a mma, kanị w'e legberi ndị e ro ahan-ahan e legberi.

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 9:16

Ndị-ndu wẹ rị e dufie wẹ, e dula wẹ iwi.

Azaya 24:20

Elu-ụwa rị e ruehunmẹ kẹ onyẹ-manya, a mahihie kẹ ụlọ-ubi ufere rị e zinzin; nnupụ-isi ẹ rị e gbu ẹ hụn o k'e gi danchanrịn, o lihikọzị.