Azaya 17:9 - Ika

⁹ Ogẹn ahụn, obodo uku wẹ wẹ gi dọn ẹnya sikọ d'e mẹ ọfịa-ọfịa lẹ ogun-ogun rịkẹ ndị hụn ndị Kenanị gbatọsọnmẹ kẹ wẹ gbakọnị ndị Izrẹlụ ogẹn mbụ. Wẹ ile k'a gba okpokoro.

Azaya 17:9 ပူးပေါင်းရင်းမြစ်များ

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 17:8

Ebukọzị wẹ obi tụkwasị ihiẹn ẹka wẹ kpụ: kẹ ukpo-mmọn kẹ osisi ndị hụ wẹ zumẹni mmọn wụ Ashẹra kẹ ukpo nsẹnsi.

Azaya 27:10

E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Hosia 10:14

Agha jẹnkọ nwan d'a kpọ imẹ ndị rị alịnị, e tikpọsọnmẹ wẹ ebe ile ụnụ gi dọn ẹnya, ẹrịra Shamanị lụ alị Bẹt-Arụbẹlụ agha tikpọ a gidẹ ikpoho lẹ ụmụ wẹ fịan alị, fịangbu wẹ.

Emọsụ 7:9

Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”

Maịka 5:11

m k'e tikpọchanrịn obodo ile ụnụ tụnhunmẹ mgbọn lẹ ebe ile ụnụ a gbaban.

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Maịka 7:13

Kanị ụwa k'e mẹ mkpọkọ-mkpọkọ, yeni ihiẹn ndị rịn'a rị e mẹ.