Azaya 17:7 - Ika

⁷ Ogẹn hụ, ịhịan e lemẹ nwan Onyẹ hụ keni wẹ, ịhịan e bu ẹnya zinmẹ Onyẹ-nsọ Izrẹlụ.

Azaya 17:7 ပူးပေါင်းရင်းမြစ်များ

Samuẹlụ Nke Ẹbụọ 22:42

A kpọ wẹ d'e yeni wẹ ẹka, kanị onwọnni onyẹ bịa d'a zụọpụha wẹ — a kpọku wẹ Osolobuẹ, ọ zanị.

Ihiẹn Mẹni Nke Ẹbụọ 31:1

Ogẹn Mmẹmmẹ-nghafe hụ gi gụ, ndị Izrẹlụ ile zu ebẹhụ nọ wịrị shi imẹ obodo ndị rị Juda, tikpọma ọmụma ndị wẹ kọmasọnmẹ w'e fe, gbutu osisi ndị wẹ zumẹni onyẹnnyẹ mmọn Ashẹra, tikpọsọnmẹ ebe ile jẹn elu wẹ nọ e fe ofufe lẹ ukpo ndị wẹ nọ a chụnyeni mmọn ẹjan imẹ Juda, Bẹnjamini, Ifrem lẹ Manasẹ — d'e ru ni e tikpọgụ wẹ wẹ ile. Ya kẹ onyẹ-onyẹ imẹ ndị Izrẹlụ Ẹbamịn ugu nọ lakin iwe wẹ, imẹ obodo wẹ rị ichẹn-ichẹn.

Ẹbụ-ọma 95:6

Bịa nị nị ẹnyi kpọ isi alị fe ẹ; nị ẹnyi gbuni ni Osolobuẹ keni ẹnyi osekpu!

Azaya 19:22

Osolobuẹ k'a tụ Ijiptu eje-emu e gbuni; o k'a tụ wẹ ya, zụọ wẹ — makẹni, ọ tụgụ wẹ ya, wẹ k'e buruhẹ Osolobuẹ, ọ za wẹ, zụọ wẹ.

Azaya 22:11

Ụnụ e gu ọmị ye ẹgbata mgbọn ẹbụbụọ rị Jerusalẹm, dọha mirin rị Ọgọdọ Akan ye imẹ ẹ kẹni ụnụ hụn mirin — kanị ụnụ egikọ Osolobuẹ hụn mẹ ihiẹn gi rị k'ọ rị dọn ẹnya; ẹnya ụnụ eshikọ Onyẹ hụn rotọ ihiẹn rị e mẹ ogẹnni ẹdẹi.

Azaya 29:24

Ndị e bi mpụ k'e nwọn nghọta, ndị e dẹnnwịnwịnnị a nụma ihiẹn wẹ rị a gwa wẹ.”

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Emọsụ 3:12

Osolobuẹ sịzị: “Ụkụ atụnrụn ẹbụọ sụọ mọbụ mkpikpi ntịn kẹ onyẹ e du anụ a saẹka a napụha ẹwọrọ. Ẹrịra kẹ wẹ k'a zụọpụha ndị wẹ k'a zụọpụha imẹ ndị Izrẹlụ bi Sameria, ibe bẹdi lẹ ibe oche sụọ k'a họdụnị wẹ.

Maịka 7:7

Kanị, mmẹ nwẹn, Osolobuẹ kẹ m'e lee; m k'e cheri Chuku hụn a zụọpụhanị m; Chuku m jẹnkọ d'a za m.