Azaya 17:14 - Ika

¹⁴ Ẹnyasị, okẹn egun a tụma wẹ idẹnmizi; eki gini d'e fọn, arịkọzị w'a! Ịya e mẹ ndị a kwanarịn ẹnyi ihiẹn ẹnyi, ya wụ ihiẹn rịnị ndị e gbu ẹnyi e weri ihiẹn ẹnyi.

Azaya 17:14 ပူးပေါင်းရင်းမြစ်များ

Ndị-nze Nke Ẹbụọ 19:3

Wẹ nọ sị Azaya, “Eze wụ Hezikaya sị: Tannị wụ ụhụọhịn nsọngbu, mkpari lẹ ịfa, rịkẹ ebe mmụ nọ rugụ ebe wẹ gha a mụpụha wẹ, kanị ndụn w'e gi kịn wẹ arịa.

Ndị-nze Nke Ẹbụọ 19:35

Imẹ uhinhin ahụn, mmọn-ozi Osolobuẹ nọ ban ebe ndị-agha Asiria ziẹntọ, gbu ndị-agha nnụ-uku isẹn-kwasị-nnụ-itenẹi (185,000). E tẹnhin wẹ ụran ụz'ụtụntụn, e lee ozun wẹ ile!

Jobu 20:29

Ọhụn kẹ Chuku e keye ndị ẹfọ jọ, ọhụn kẹ Chuku dọnmẹni wẹ.”

Ẹbụ-ọma 37:36

kanị o bieni nke ẹ a gụ, ọ rịzị a; a chọ m'a, ahụnzịnị m'a.

Itẹn 22:23

Osolobuẹ k'e kinni wẹ ọnụ wẹ, narịngwarị ndị narịn wẹ ihiẹn.

Azaya 10:25

O biekọ, olulu m rị e buni ụnụ a rọ, e bumẹni m wẹ olulu hụn m'e gi tikpọ wẹ.”

Azaya 21:12

Onyẹ-nche nọ sị, “Eki e d'e fọn, kanị uhinhin lalazị. Ị chọzị nị jụ, y'e kinhẹnzi d'a jụ.”

Azaya 29:2

kanị m k'e mẹshikwọ obodo ụnụ wụ “Ariẹlụ” ikẹn; o k'a kwan, kwan ụya; m k'e mẹ ụnụ ihiẹn w'e mẹ elu Ariẹlụ wụ ukpo nchụn-ẹjan.

Azaya 29:5

Kanị, ndị-iṅẹnrẹn i ahụn bu ọda k'a la iwi, a nọ wẹ kẹ uzunzun riẹnni; igunrun ndị iwe i hụ ghalẹni e mẹ omikẹn k'a nọ kẹ ẹfịfịa w'a fụpụ: Idẹnmizi, njube-ẹnya ohu,

Azaya 29:7

O jẹnkọ d'a rị kẹ ihiẹn mẹ imẹ nrọ, ọhụn wẹ hụn imẹ uhinhin, ogẹn igunrun hụ gha alị ile bịa e gi bịa, igunrun hụ rị a lụsọn Ariẹlụ wụ Jerusalẹm ọgụn — hụn rị a maye ya lẹ ebẹhụ ndị rịn'a a gbaban, igunrun hụn rị e kehunmẹ Ariẹlụ;

Azaya 30:28

Umẹrẹn ẹ nọ kẹ okẹn mirin rị e huni, hụn e ru ịhịan olu. O mẹhunmẹ alị ichẹn-ichẹn ebe ọ nọ a yọ wẹ, a ghọsị n'o nwọnni ihiẹn wẹ wụ; ọ kwa ndị alị ichẹn-ichẹn ngan kẹ anụ, e gi ẹ e duhuhu wẹ.

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 33:18

Ụnụ k'a gha e ro eje ihiẹn-egun ndịnị mẹni ụnụ, ụnụ a jụma enwẹn ụnụ: “Elebe kẹ ọkị-agha uku hụ duhẹ ndị iṅẹnrẹn rị nwan? Elebe kẹ hụn nanị wẹ ụtụ rị nwan? Elebe kẹ hụn gụnnị wẹ ụlọ-nche uku rịsọnmẹ Jerusalẹm rị nwan?!”

Azaya 34:17

O kegụọnị wẹ alị hụ, o keyesọnmẹ onyẹ-onyẹ azụụn nke ẹ; wẹ k'e nwọnrin ẹ jẹnrin ejẹn biri ẹ gha agbọ pụ agbọ.

Azaya 41:12

Ị k'a chọdẹ ndị-iṅẹnrẹn i, y'a hụnkọ wẹ. Ndị ile a lụsọn i ọgụn awụkọzị ihiẹn ọwụlẹ.

Jerimaya 13:25

Ịya wụ ihiẹn run'i, ịya kẹ m keye i — makẹni y'a zọgụọ m, gi mmọn-lẹ-iyi wụlẹni Chuku dọn ẹnya. Ya kẹ Osolobuẹ ku.

Jerimaya 2:3

Izrẹlụ te wụchanrịn nke Osolobuẹ sụọ, ya wụ mkpụrụ ibuzọ ọ ghọrị ugbo ẹ; Osolobuẹ a ma ndị ile bu ẹ ri ikpe njọ, eje-ihiẹn e kunrun wẹ.’ Ya kẹ Osolobuẹ ku.

Jerimaya 49:10

Kanị, mmẹ nwẹn jẹnkọ d'a gba ebọn Isọ wụ Ẹdọm ẹka, m k'e kpu ebe ile ọ warị oghe, ọ sakọzị ẹka zueri. M k'e tikpọ kẹ mmụ a kẹ ndị ebọn ẹ kẹ ndị nọkunmẹn'ẹ, ọ rịkọzị a.

Izikẹlụ 39:10

Ẹlẹzi hụn w'e gi e jẹn ugbo d'a kpa nkụn mọbụ jẹn ẹgboko d'e gbugiri nkụn, makẹni wẹ k'a gha e gi ihiẹn-ọgụn ndị hụ a fiye ọkụn. Wẹ k'e gbukwarị ndị gbu wẹ kwarị ihiẹn wẹ, kpọnrin ihiẹn ndị kpọnnarịn wẹ ihiẹn wẹ. Ya kẹ Osolobuẹ Nwọn Ihiẹn Ile ku.

Zẹkaraya 2:12

Osolobuẹ jẹnkọ d'e gi Juda họnrin azụụn nke ẹ imẹ alị a nị rị nsọ; o k'e gizi Jerusalẹm họnrin ihiẹn ẹ pụ-ichẹn.

Ndị Han Eṅẹn 5:31

“Euu Osolobuẹ, ndị iṅẹnrẹn i ile wẹ la iwi ẹrịra! Kanị, ndị ihiẹn i a sụọ wẹ nọ kẹ ẹnyanwụn, ebe ọ nọ wachanrịn!” Agha hụ e bigụ, udọn nọ rị alị ahụa ọgụnnaị.