Azaya 17:10 - Ika

¹⁰ Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 17:10 ပူးပေါင်းရင်းမြစ်များ

Ihiẹn Mẹni Nke Ibuzọ 16:35

Yi ni oro sị, “Dodo zụọpụha ẹnyi, Chuku Onyẹ nzụọpụha ẹnyi; welụa ẹnyi ụlọ, gbapụha ẹnyi ẹka alị ndị ọzọ, nị ẹnyi hụn ụzọ kpanmịn ẹfan nsọ ị, nị ẹnyi ja ị mma, gi i nyan isi.”

Ẹbụ-ọma 106:13

Kanị, a zọ wẹ ihiẹn o mẹ ozigbo; echerikọ wẹ nụ uche ẹ.

Ẹbụ-ọma 106:21

A zọ wẹ Chuku hụn a zụọpụhanị wẹ, onyẹ hụn mẹsọnmẹ okẹn ihiẹn imẹ alị Ijiptu;

Ẹbụ-ọma 18:2

Osolobuẹ wụ Okẹn-ọmụma e che m nche, ebe m'a gbaban lẹ onyẹ hụn a zụọpụhanị m! Chuku m wụ Okẹn-ọmụma m hụn m'a gbaban, akpaịn m lẹ mpịn a zụọpụhanị m. Ịya wụ ebe m nọ e nwọn nchedọn.

Ẹbụ-ọma 31:2

Dodo, gọn m ntịn; d'a zụọpụha m ozigbo-ozigbo! Wụrụnị m ọmụma m'a gbaban, ebe zeni m nọ a wanahịn.

Ẹbụ-ọma 65:5

Chuku hụn a zụọpụhanị ẹnyi! Y'a rụnsọnmẹ ihiẹn bu ọda a tụ ẹnya i gi a ghọsị ẹnyi n'ị hụ a; ịyụ kẹ elu-ụwa ile rị e lee ẹnya, kẹ ndị rị nfetu ohimin tegbu enwẹn ẹ.

Ẹbụ-ọma 79:9

Yeni nwan ẹnyi ẹka, Chuku hụn a zụọpụhanị ẹnyi, gi ye ẹfan ị ọghọ; dodo, zụọpụha ẹnyi, gbagharị ẹnyi njọ makẹ ẹfan ị.

Ẹbụ-ọma 85:4

Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!

Ẹbụ-ọma 9:17

Ọnwụn wụ nke ndị-njọ — alị ile hụn zọ Osolobuẹ.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 17:9

Ogẹn ahụn, obodo uku wẹ wẹ gi dọn ẹnya sikọ d'e mẹ ọfịa-ọfịa lẹ ogun-ogun rịkẹ ndị hụn ndị Kenanị gbatọsọnmẹ kẹ wẹ gbakọnị ndị Izrẹlụ ogẹn mbụ. Wẹ ile k'a gba okpokoro.

Azaya 18:5

Makẹni, wẹ gini d'a ghọma ihiẹn-ugbo, hụn mkpụkpụma gi danpụgụ, obobo e họnringụọ ogbe-vaịnị, chanma, o k'e gi ẹbeke obechan bepụchanrịn vaịnị ndị suekọnị, bepụchanrịn agalaba-vaịnị ile rị a kụnị, kpọnzụka.

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 26:4

Gi ni Osolobuẹ dọn ẹnya jẹnrin ejẹn, makẹni o mẹ nke Osolobuẹ, Osolobuẹ wụ Ọmụma Itẹbitẹ.

Azaya 30:29

Ụnụ k'a bụ ẹbụ kẹ ụnụ dọn a bụ imẹ uhinhin mmẹmmẹ nsọ ụnụ; ẹfọ k'a sụọ ụnụ ụsụọ rịkẹ ogẹn ụnụ gi e gbu ẹkpịrị nyinkọ ugu Osolobuẹ — d'e kunrun Osolobuẹ, onyẹ hụn wụ Ọmụma Izrẹlụ.

Azaya 33:2

Osolobuẹ dodo, mẹ ni ẹnyi omikẹn — nị ịyụ kẹ ẹnyi rị e lee ẹnya. Wụrụ ikẹn ẹnyi ụtụntụn ọwụlẹ; wụrụ nị ẹnyi onyẹ nzụọpụha ogẹn nsọngbu.

Azaya 44:8

Amalẹ ni piripiri, ndị nke m; atụlẹ ni egun. Agwatọgụọnị m ụnụ kete-kete nị ihiẹn ndịnị jẹnkọ d'e mẹ? Ụnụ wụ ọshẹri m! Gwa nị m nwan kẹ o nwọn Chuku rịnị wezụka m! Mba! Ọmụma ọzọ arịa — amarịn m ọzọ!”

Azaya 51:13

Onyẹ k'ị wụ hụn i gi a zọ Osolobuẹ hụn ken'i, hụn shịshịapụ igwere, gbe iyetọ ụwa? Onyẹ k'ị wụdẹ nwan egun gi a tụ ị ụhụọkịn ile makẹ ọnụma onyẹ rị a bịangbuni, hụn rị a sị n'o k'e tikpọrịrị? Kịnị kẹ ọnụma onyẹ hụ rị a bịangbuni k'e mẹdẹ nwan?

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 62:11

Osolobuẹ a hịgụọ a ghagbama ụwa ile, sị, “Sị nị obodo Zayọnụ, ‘Lẹhụ Onyẹ-nzụọpụha ị k'ọ lala! Lee ụmụ ị ọ kịla n'o gi hụhụ ị; ya lẹ ihiẹn ọ rụnpụha wị lala.’ ”

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 3:21

Ụzụn rị elu-ugu ndịnị fọnni, ụzụn ẹkwan lẹ arịrịọ ndị Izrẹlụ rọ, makẹni e bimẹgụọ wẹ ghẹrẹ-ghẹrẹ-ghẹrẹ, zọ Osolobuẹ wụ Chuku wẹ.

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Izikẹlụ 23:35

“Osolobuẹ Nwọn Ihiẹn ile sị nwan: Ebe o mẹni y'a zọgụọ m, nu m ye nkọ, ị k'a tarịrị afụnfụn eje-ughẹrẹ i lẹ ịgbaraja ị.”

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Juwẹlụ 1:17

Mkpụrụ wẹ kụn ugbo a kpọpụ nkụn, makẹni alị a kpọpụgụọ nkụn! Onwọnzini ihiẹn rị ọban, ebe w'e dọnmẹ ọka a lagụọ iwi makẹni ọka e mẹni.

Lẹvitikọsụ 26:16

lee ni ihiẹn m k'e mẹ ụnụ: m k'e zihẹni ụnụ ihiẹn-egun idẹnmizi, eje-emu hụn k'e sekpọ ụnụ lẹ ẹhụ-ọkụn hụn k'e mẹ ụnụ eleghazịlẹ ụzọ, gi ẹkẹrẹ-ẹkẹrẹ weri ndụn ụnụ. Ụnụ k'a kụn mkpụrụ la iwi, makẹni ndị iṅẹnrẹn ụnụ nwọn ri ẹ.

Lẹvitikọsụ 26:20

Ụnụ k'a rụngbu enwẹn ọnụ mmaka makẹni alị ụnụ emẹkọ ihiẹn ọwụlẹ, osisi ụnụ amịkọ mkpụrụ.

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Habakọkụ 3:18

m k'e gikwọ Osolobuẹ a ṅan; m k'e gikwọ onyẹ hụn a zụọpụhanị m a ghọghọ.

Zẹfanaya 1:13

Wẹ k'a kwanarịn wẹ akụ-lẹ-ụba wẹ, tikpọchanrịn ụlọ wẹ. Wẹ k'a tụn ụlọ, kanị ebikọ w'a; wẹ k'a rụn alị vaịnị, kanị arakọ wẹ manya a.

Ditrọnọmi 28:30

Ị badọngụ okpoho, okẹnnyẹ ọzọ e mẹ mgba a. Ị tụngụ ụlọ, y'e bikọ a. Ị rụngụ alị vaịnị, y'a danmịnkọdẹ mkpụrụ a.

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Ditrọnọmi 32:18

Ụnụ a la Ọmụma ahụn tọ — Ọmụma ahụn hụn mẹni ụnụ kẹ nẹdi; ụnụ a zọ Chuku, Onyẹ hụn mụnị ụnụ.

Ditrọnọmi 32:31

Ẹghẹẹ, makẹni ọmụma wẹ gi dọn ẹnya anọnị kẹ Ọmụma ẹnyi, kẹ uwẹ wụ ndị-iṅẹnrẹn ẹnyi a marịngụọ.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Ditrọnọmi 6:12

kpachanpụkwọ nị ẹnya makẹ ụnụ gha a zọ Osolobuẹ hụn gha alị Ijiptu, alị ahụn ụnụ nọ wụ igbọn, wepụha ụnụ.

Ditrọnọmi 8:11

Kpachanpụkwọ ẹnya amamgbe y'a zọ Osolobuẹ wụ Chuku ụnụ, mẹbehi ihiẹn ndị ọ sị ụnụ mẹ lẹ iwu ẹ lẹ uhi ẹ hụn m rị e ye ụnụ tannị.

Ditrọnọmi 8:14

isi e bumẹ ụnụ, ụnụ a zọ Osolobuẹ wụ Chuku ụnụ, hụn gha Ijiptu, alị ụnụ nọ wụ igbọn, wepụha ụnụ.

Ditrọnọmi 8:19

Ụnụ ma-ama zọ Osolobuẹ wụ Chuku ụnụ, sọnmẹ mmọn-lẹ-iyi, femẹ wẹ, kụmanị wẹ isi alị, m rị nwan a gwatọ ụnụ tannị nị Osolobuẹ k'e tikpọchanrịn ụnụ.