Azaya 16:6 - Ika

⁶ Ẹnyi a nụgụọ mpache ile alị Mụabụ rị a pache — e mẹkarị enwẹn ẹ, lẹ k'o dọn e bọnmẹ, e kukarị enwẹn ẹ — kanị wẹ rịhụ a ban mban mmaka.

Azaya 16:6 ပူးပေါင်းရင်းမြစ်များ

Itẹn 21:24

Onyẹ mpache hụn e mẹkarị enwẹn ẹ — ẹfan a wụ “Onyẹ-nlelịa”; ọ gụnchanrịn agụngụn onyẹ enwẹn ẹ jun ẹfọ.

Azaya 15:1

Ọnwan wụ ihiẹn Osolobuẹ ku banyeni alị Mụabụ: E tikpọ wẹ obodo Arẹ rị alị Mụabụ la iwi, e gi wẹ akpụ uhinhin ohu sụọ tikpọ a! E tikpọzịkwọ wẹ Kiri rị alị Mụabụ la iwi; e gi wẹ akpụ uhinhin ohu sụọ tikpọ a!

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 25:10

Osolobuẹ jẹnkọ d'e gi ẹka rị mma sọn uguni wụ Zayọnụ-Jerusalẹm; kanị o sikọ d'a zọgbu alị Mụabụ, kẹ w'a zọkpụkpọ ẹfịfịa ọkpọ-nkụn imẹ ẹjan w'a kụnye ihiẹn.

Azaya 25:11

Wẹ jẹnkọ d'a shịapụ ẹka wẹ ebẹhụ wẹ rị — kẹ ịhịan a shịapụ ẹka e gu mirin. Kanị, kẹ w'a nwanlẹ, Chuku k'e budan wẹ lẹ mpache wẹ.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 28:18

Hụn ụnụ lẹ ọnwụn kwerigbama n'o gbukọ ụnụ arụnkọzị; ihiẹn nwẹn ụnụ lẹ alị-mmọn kwerigbama abụnkọzị. Okẹn nsọngbu hụ lalanị bịa, o jẹnkọ d'e ri ụnụ isi.

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Jerimaya 48:14

“Kị ụnụ rị a sịnị, ‘Ndị odogun-agha kẹ ẹnyi wụ dikẹn ọgụn kẹ ẹnyi wụ?’

Jerimaya 48:26

“Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Jerimaya 48:42

Wẹ k'e tikpọ alị Mụabụ, ọ wụkọzị alị, makẹni ọ kpọ Osolobuẹ mgba.

Jerimaya 50:36

Ọpịa-agha ya d'e gbu ndị amụma-ụgha rị Babilọnụ! Wẹ k'e họnrin ndị-nzuzu. Ọpịa-agha ya d'e gbu ndị odogun-agha a! Egun k'a tụ wẹ, tụgbu wẹ.

Emọsụ 2:1

Osolobuẹ sị: “Makẹ njọ ẹtọ ndị alị Mụabụ mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni wẹ kpọ ọkpụkpụ eze alị Ẹdọm ọkụn, o họnrin ntụn.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”