Azaya 16:5 - Ika

⁵ Ukpo ohu hụn k'e gi ihiẹn-ọsụsụọ turu k'a gbọrị; onyẹ furu wẹ gi e dọn ẹnya k'a nọ a kị: onyẹ ikpụlọ Defidi, onyẹ k'a han ezigbo eṅẹn, a kwadọn ezi-omumẹ.

Azaya 16:5 ပူးပေါင်းရင်းမြစ်များ

Samuẹlụ Nke Ẹbụọ 23:3

Chuku Izrẹlụ ku oku, Ọmụma Izrẹlụ sị m: Onyẹ hụn gi ezi-omumẹ a kị, e gi egun Chuku a kị,

Samuẹlụ Nke Ẹbụọ 5:9

Defidi nọ biri ebẹhụ jẹn elu fụ ọrụn ọbanye, kpọ a Obodo Defidi. Ọ nọ tụn ebe ile nọhunmẹn'ẹ ọhụnma — gha mkpọnyin rị ukun ẹ bidọn.

Samuẹlụ Nke Ẹbụọ 7:16

Ikpụlọ i lẹ alị-eze i k'a rịsọnmẹ ihun m, ukpo-eze i k'a tọ jẹnrin-ejẹn.”

Ndị-nze Nke Ibuzọ 10:9

Ọjịja-mma ya rịnị Osolobuẹ wụ Chuku i, hụn ihiẹn i sụọ, ọ nọ bu i che ukpo Izrẹlụ. Ufiri ihiẹn-ọsụsụọ itẹbitẹ Osolobuẹ nwọnni Izrẹlụ k'o gi tumẹ i eze, n'ị hụn ụzọ kwadọn ezi-omumẹ lẹ imẹ ihiẹn furuni.”

Ihiẹn Mẹni Nke Ẹbụọ 31:20

Ihiẹnni kẹ Hezikaya mẹsọnmẹ imẹ Juda ile, e mẹ ihiẹn rị mma lẹ ihiẹn furuni, a wụ onyẹ Osolobuẹ wụ Chuku ẹ gi e dọn ẹnya.

Ẹbụ-ọma 85:10

Ihiẹn-ọsụsụọ lẹ ezioku e kunrun; Ezi-omumẹ lẹ Ọrịrịmma e dide.

Ẹbụ-ọma 89:14

Imẹ ihiẹn rị mma lẹ imẹ ịhịan k'o furu wụ ikẹn ukpo-eze i; imẹ hụn run'i lẹ ịwụ onyẹ wẹ e gi dọn ẹnya a kwanị ị ụzọ.

Ẹbụ-ọma 96:13

wẹ ghọghọma ihun Osolobuẹ, makẹni ọ lala d'e kin ụwa ikpe. O k'e kin ụwa ikpe furuni; o k'a hannị ndị alị ile ezigbo eṅẹn.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Ẹbụ-ọma 99:4

Eze hụn wụ Dikẹn, onyẹ ezioku a sụọ ụsụọ, y'e yegụọ ezigbo eṅẹn ọnọdị a; y'e mẹgụọ ihiẹn furuni lẹ ihiẹn rị mma imẹ ebọn Jekọpụ.

Itẹn 20:28

Ihiẹn-ọsụsụọ lẹ ezioku e dọnmẹ eze; ihiẹn-ọsụsụọ e dọnmẹ ukpo ẹ.

Itẹn 29:14

Eze hannị ndị igbẹnnyẹ eṅẹn k'o furu, ukpo ẹ k'e turusọnmẹ.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!