Azaya 16:10 - Ika

¹⁰ Ịghọghọ lẹ anwịnrịn arịzị ugbo mkpụrụ-osisi; w'a ra nụzị ẹbụ lẹ oro ịghọghọ imẹ alị vaịnị; onwọnzini onyẹ rị ebe wẹ nọ a pịnpụha manya. Makẹni e mẹgụọ m oro ịghọghọ kụsị.

Azaya 16:10 ပူးပေါင်းရင်းမြစ်များ

Jobu 24:11

W'a pịnpụhanị ndị-ejẹ ofugbọn-olivu imẹ ugbo olivu; w'a pịnpụhanị ịhịan manya, kanị ẹkpịrị hụ a kpọ wẹ nkụn.

Azaya 24:11

Wẹ rị nwan ogbe a kwan, “Ye ẹnyi Manya! Ye ẹnyi Manya!!” Ịkwan-ụya a nọkingụọ ẹnya ịghọghọ ile; ịghọghọ arịzị elu-ụwa kaka.

Azaya 32:10

ahụa ohu ghafe ẹkẹrẹ, ụnụ ndị enwẹn wẹ jun ẹfọ k'e mẹhunmẹ. Makẹni, vaịnị ụnụ kụnye ugbo emẹkọ; ụnụ ahụnkọ vaịnị ọwụlẹ ghọrị!

Jerimaya 48:33

Ịghọghọ lẹ anwịnrịn arịkọzị imẹ alị ugbo hụ wụ alị Mụabụ. Anịkọzị m wẹ hụn manya ebe wẹ nọ a pịnpụha manya; anụkọzị wẹ olu onyẹ rị a ghọghọ a zọ ogbe-vaịnị e wepụha manya; ọsụọn'a oro rị a rị, ọwụkọ oro ịghọghọ.

Izikẹlụ 7:7

Nke ụnụ a gụgụọ, ụnụ ndị bi alịnị. Ogẹn e rugụọ; ụhụọhịn hụ a rịọlẹ nsue! Isusu jẹnkọ d'a rị elu-ugu ndịnị ẹlẹ ịghọghọ.

Juwẹlụ 1:12

Vaịnị hụ e shinwụn, figi hụzịkwọ e shinwụn; pomegraneti lẹ nkụ lẹ apụlụ hụzị e shinwụn; osisi ile rị ugbo a kpọpụgụọ nkụn! Ya wụ nị ịghọghọ ịhịan a gụgụọ!

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Emọsụ 5:17

Wẹ k'a rịdẹ a kwan ụya alị-vaịnị ile, makẹni m k'e mẹ ụnụ ile ihiẹn.” Osolobuẹ e kugụọ a!

Emọsụ 9:13

Osolobuẹ sị, “Ezioku-ezioku, ihiẹn jẹnkọ d'a rịzị mma; ọka e jun bụ ogẹn ọka eke ru; vaịnị lẹ manya a e jun bụ ogẹn vaịnị eke ru. Vaịnị lẹ manya vaịnị a sụọnị e jun elu-ugu, manya vaịnị e huru elu-òke ile.

Zẹfanaya 1:13

Wẹ k'a kwanarịn wẹ akụ-lẹ-ụba wẹ, tikpọchanrịn ụlọ wẹ. Wẹ k'a tụn ụlọ, kanị ebikọ w'a; wẹ k'a rụn alị vaịnị, kanị arakọ wẹ manya a.

Ndị Han Eṅẹn 9:27

Ndị Shẹkẹm a ghọgụ vaịnị rị ugbo wẹ ahụa hụ, pịnpụhagụ manya a, wẹ nọ shi ụlọ-mmọn wẹ d'e ri oriri. Ebe wẹ rị e ri, a ra, wẹ nọ kpọma Abimẹlẹkị iyi.