Azaya 15:5 - Ika

⁵ Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 15:5 ပူးပေါင်းရင်းမြစ်များ

Jẹnẹsisi 13:10

Lọtụ e lee ẹnya, hụn a nị alị-aradan Jọdanị, ibe sikọ Zụa, e nwọnhẹn mirin ọhụnma-ọhụnma nọkẹ ugbo-nta Osolobuẹ, nọkẹ alị Ijiptu. (Osolobuẹ eke tikpọ alị Sodọm lẹ Gomora ogẹn ahụn.)

Jẹnẹsisi 14:2

Wẹ ẹnọ nọ bịa d'a lụsọn Bẹra eze Sodọm agha, ya lẹ Bẹsha eze Gomora lẹ Shinabụ eze Adima lẹ Shẹmẹba eze Zẹbo lẹ eze Bẹla. (Bẹla wụ Zụa).

Jẹnẹsisi 19:22

Gbashi nwan ebẹhụ ozigbo-ozigbo, nị asa m ẹka mẹ ihiẹn ọwụlẹ d'e ru mgbe i rugụ alị ahụn.” Ịya haịn wẹ gi kpọ alị ahụn “Zụa.”

Samuẹlụ Nke Ẹbụọ 15:23

Ndị ile rị ụmụ-alị ndị wẹ rị a ghafe nọ kwansusu kẹ wẹ ile ghafekọ. Eze nọzị fetu Ọdanmgbugbu Kidrọnụ, ya lẹ ndị hụ ile ya lẹ wẹ wị nọ dọn ihun ibẹka atụ alị ọkpọ-nkụn.

Samuẹlụ Nke Ẹbụọ 15:30

Defidi nọ jẹnsọnmẹ, nyinkọ Ugu-Olivu, kwankọ; o kpumẹ isi; onwọnni ihiẹn o yi ụkụ. Ndị ile ya lẹ wẹ wị kpumẹzikwọ isi, kwankọ, jẹnkọ.

Azaya 16:14

Kanị, kikẹnni Osolobuẹ sị nwan, “Ọ karịkọ ahụa ẹtọ daị — ahụa ẹtọ wẹ gụn kẹ odibo rị e che n'o weri enwẹn ẹ dọn a gụn ahụa — okẹn ọghọ ile Mụabụ nwọn enwọnkọzị ihiẹn ọ k'a wụ, ndị Mụabụ ile hụn bugbu nwan enwẹn wẹ ọda k'a họdụhụ ndị bulẹni ọda ndụn rịlẹni.”

Azaya 22:5

Di-nwọnni-ẹnyi, Osolobuẹ ihiẹn ile rị okpuru ẹ, a kayegụọ ogẹn isusu, ọbịangbu lẹ egun, hụn k'e kunrun Jerusalẹm, Ọdanmgbugbu Ozi-Osolobuẹ — ogẹn wẹ k'a kụtusọnmẹ mgbọn ẹ, ogẹn wẹ k'a gha a kwanghọsị ugu ichẹn-ichẹn.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 17:16

Agbatọnị m ndịnị ị sị m lepụ ẹnya, ọ rịtuni m nị ogẹn nsọngbu kunrun wẹ. Y'a marịnghọ ihiẹn gha m ọnụ a pụha — idẹnya ị kẹ m nọ e ku ihiẹn m'e ku.

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Jerimaya 48:3

“Wẹ k'a nụ olu ẹkwan imẹ Horonaim, ẹkwan okẹn ntikpọ wẹ rị e tikpọ wẹ!

Jerimaya 48:5

“Wẹ k'e shi alị Luhiti rị elu òke, kwankọ ụya jẹnkọ; ụzọ Horonaim rị mkpọtu òke, wẹ k'a gha a nụzịkwọ ẹkwan, ẹkwan ụya ndị wẹ rị e tikpọ.

Jerimaya 50:46

Ọdịdan wẹ k'e mẹhunmẹ ụwa; ẹkwan wẹ k'e rudẹ alị ichẹn-ichẹn.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Ọgụngụn 21:29

Ụya e gbuẹ i, Mụabụ! E tikpọ wẹ ụnụ, ndị e fe Kẹmọshi! Kẹmọshi a lagụọ ụmụ a ikẹnnyẹ tọ, e họnrin wẹ ndị wẹ rị a chụ achụ, ọ lagụọ ụmụ a ikpoho tọnị wẹ nwụnrụn, la wẹ tọnị Sihọnụ eze Amọ!