Azaya 15:2 - Ika

² Ndị bi Dibọnụ alị Mụabụ e shigụọ ụlọ-mmọn lẹ ebe wẹ nọsọnmẹ a chụn ẹjan d'a kwan ẹkwan; alị Mụabụ hụzị e goo alị wẹ wụ Nebo lẹ Mẹdẹba. A kọgụọ wẹ isi ile, kọpụ ẹtu ile.

Azaya 15:2 ပူးပေါင်းရင်းမြစ်များ

Samuẹlụ Nke Ẹbụọ 10:4

Ya Hanunu nọ kwọndọn ndị Defidi zihẹ, kọ onyẹ-onyẹ ẹtu azụụn ohu-ohu, bepusọnmẹ ẹwuru wẹ etintinnaị ikẹn, chụ wẹ la.

Ihiẹn Mẹni Nke Ibuzọ 19:4

Ya Hanunu nọ kwọndọn ndị hụ Defidi zihẹ, kọpụsọnmẹ wẹ ẹtu, be oghe yesọnmẹ ẹkwa wẹ ahanmahan ikẹn, sị wẹ la.

Jobu 1:20

Ya Jobu nọ lihi ọtọ, dọka ẹwuru ye enwẹn ẹ olu, kọpụ ntutu ẹ. Ya ọ nọ dannị Osolobuẹ alị, fe ẹ,

Azaya 14:31

Yụ wụ ọnụ-mgbọn, gomẹkwọ! Yụ wụ obodo, kwanmakwọ! Ụnụ ndị Filistia, tụmakwọ nị egun! Wẹ gha ibe ugu lala nọkẹ ẹnwụnrụn lọtọnị d'a lụsọn ụnụ agha, onwọnni onyẹ-agha a la azụụn imẹ wẹ!

Azaya 15:3

Wẹ yihụ ẹkwa-achọ a kwan imẹ ọgbara-ogbe wẹ yeni ihiẹn mẹni wẹ; kẹ ebe ịhịan a nọdị elu ụlọ kẹ ebe ile ịhịan e kokomẹ kẹ wẹ ile nọsọnmẹ e goo; e fiẹnrinhụ a kwan.

Azaya 16:12

Ọsụọn'a nị ndị alị Mụabụ e jẹn d'a chụn ẹjan, wẹ rịhụ e gbu enwẹn wẹ mmaka; wẹ shidẹ ụlọ-mmọn wẹ d'a rịọ a n'o yeni wẹ ẹka, ọ bankọnị wẹ erere.

Azaya 16:7

Ya kẹ ndị Mụabụ gi nwan rị e goo, wẹ ile e goni alị Mụabụ. A kwan nị; a kwan nị ụya; sụkụrụ nị (gbusuru ni) — makẹni ogbe-vaịnị wẹ pịngbama kikọ wẹ gi marịn alị Kiri-Harẹsẹti alị Mụabụ arịzị a.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 3:24

Hụn nkẹ w'e gi kun fuẹin, wẹ k'e shinja; ẹgbụn k'a nọkin ẹnya nfifie wẹ; isi-akpan k'a nọkin ẹnya ntutu wẹ te dọnmẹ ọhụnma; ẹkwa-achọ k'a nọkin ẹnya ẹwuru rị mma; ahịma w'e ye igbọn k'a nọkin ẹnya mma-ẹhụ wẹ.

Jerimaya 3:21

Ụzụn rị elu-ugu ndịnị fọnni, ụzụn ẹkwan lẹ arịrịọ ndị Izrẹlụ rọ, makẹni e bimẹgụọ wẹ ghẹrẹ-ghẹrẹ-ghẹrẹ, zọ Osolobuẹ wụ Chuku wẹ.

Jerimaya 47:2

Osolobuẹ sị: “Lee kẹ iyi rị alị rị ẹbamịn-ugu dọn rị e ru — Wẹ jẹnkọ d'e jun pụ ọnụ, huru — huru alị lẹ ihiẹn ile rịn'a huru obodo ndị rị alị hụ lẹ ndị bi imẹ wẹ. Ịhịan ile k'a rị e yi oro; ndị bi alị hụ k'a rị e goo,

Jerimaya 47:5

Ndị obodo Gaza rị alị Filistia k'a kpụnpụ ntutu wẹ, nị ụya e ru wẹ isi. Ndị obodo Ash'kẹlọnụ rị alị Filistia ahụnkọ ọnụ ku oku. Ndị họdụ alị-aradan Filistia, elee mgbe kẹ ụnụ e bekikabehi enwẹn ụnụ ẹhụ — ebe ụnụ rị a kwan ụya?!

Jerimaya 48:1

Ọnwan wụ ihiẹn Osolobuẹ ihiẹn ile ri okpuru ẹ, hụn wụ Chuku Izrẹlụ ku banyeni alị Mụabụ: “Nke alị Nebo rị Mụabụ a gụgụọ, makẹni wẹ sikọ d'e tikpọrịrị a! Ụya k'e ri alị Kiriataim rị Mụabụ, makẹni w'e k'e mẹri ẹ weri; ụya k'e ri ebẹhụ wẹ gi dọn ẹnya; wẹ k'a kụkpọ a.

Jerimaya 48:18

“Ụnụ enwọnkọzị ọghọ hụ ụnụ te nwọn, shi ni akpak'alị d'a nọdị, ụnụ ndị bi Dibọnụ rị Mụabụ — makẹni onyẹ hụn k'e tikpọ Mụabụ k'e ru azụụn nke ụnụ imẹ Mụabụ. O jẹnkọ d'e tikpọchanrịn ebe ile ụnụ a gbaban.

Jerimaya 48:31

“M k'e goo Mụabụ; m k'a kwanị Mụabụ ile ẹkwan, m k'a kwannị alị Kiri-Harẹsẹti ẹkwan.

Jerimaya 48:35

M k'e gbuchanrịn ndị ile a chụn ẹjan imẹ ụlọ-mmọn ndị ahụn, ndị a mụyeni mmọn ndị ahụn wẹ rị e fe nsẹnsi. Mmẹ wụ Osolobuẹ ku ẹ.

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Jerimaya 7:29

“Kpụnpụ nwan ntutu i tuhu, Juda, y'a nọdị elu-òke w'a nọ legha ị kwanma ụya, makẹni Osolobuẹ a jụgụọ agbọnị ọ rị e buni ọnụma.

Izikẹlụ 27:31

Wẹ k'a kọn'ị isi, jeri ẹkwa ndị ihiẹn mẹ. Wẹ k'a kwann'ị ụya, kwan a ọda-ọda.

Izikẹlụ 30:2

“Nwa-ịhịan, bu amụma sị: Osolobuẹ Nwọn Ihiẹn Ile sị: ‘Gomẹ ni! Makẹ eje-ụhụọhịn ahụn lalanị!’

Izikẹlụ 7:18

Wẹ k'e yiri ẹkwa-achọ, a ma piripiri; ifẹnrẹn k'e mẹgbu onyẹ ọwụlẹ; wẹ k'a kpụnpụ wẹ ntutu.

Lẹvitikọsụ 13:40

“Ntutu ịhịan wiripụ, han a gbe akpan, onyẹ hụ hụghọ ọchan.

Lẹvitikọsụ 21:5

“Ndị nchụn-ẹjan akpụnpụkọ ntutu wẹ mọbụ gbubelụa ẹtu wẹ mọbụ gi ihiẹn be ẹhụ wẹ.

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Ọgụngụn 21:28

Ọkụn te gha Hẹsh'bọnụ pụha, ọkụn rị e nwunni te gha obodo Sihọnụ pụha: ọ dụnpụ obodo Arẹ rị alị Mụabụ, dụnpụ ndị bi alị-ugu Anọnụ.

Ọgụngụn 21:30

Kanị ẹnyi e mẹrigụọ wẹ nwan! Hẹsh'bọnụ a gụgụọ — d'e rudẹ Dibọnụ! Ẹnyi e tikpọchanrịngụọ wẹ d'e rukwọrị Nọfa, d'e rukwọrị Mẹdẹba.”

Ọgụngụn 32:3

“Alị Atarọtụ, Dibọnụ, Jaza, Nimra, Hẹsh'bọnụ, Ẹlialẹ, Sẹbam, Nebo lẹ Bionu —

Ọgụngụn 32:38

Nebo, Baalụ-Miọnụ. (Wẹ nọ ye obodo ndịnị ẹfan ọhụn); e dọnzighọ wẹ Sibma. Wẹ dọnzi obodo, e ye w'ẹ ẹfan.

Ditrọnọmi 14:1

Ụmụ Osolobuẹ wụ Chuku ụnụ kẹ ụnụ wụ, egilẹ ni nwan ufiri onyẹ nwụnnị be enwẹn ụnụ ihiẹn mọbụ kọpụ ntutu ụnụ ibe ihun,

Ditrọnọmi 34:1

Ya Mozizi nọ gha alị aradan Mụabụ nyinrin Ugu-Nebo, shi Mkpọnụnụ Pisga, hụn rị nfetu Jẹriko. Osolobuẹ nọ gha ebahụn ghọsịchanrịn a alị ahụn, gha Gilẹdị d'e ru Danị;