Azaya 15:1 - Ika

¹ Ọnwan wụ ihiẹn Osolobuẹ ku banyeni alị Mụabụ: E tikpọ wẹ obodo Arẹ rị alị Mụabụ la iwi, e gi wẹ akpụ uhinhin ohu sụọ tikpọ a! E tikpọzịkwọ wẹ Kiri rị alị Mụabụ la iwi; e gi wẹ akpụ uhinhin ohu sụọ tikpọ a!

Azaya 15:1 ပူးပေါင်းရင်းမြစ်များ

Ndị-nze Nke Ẹbụọ 3:25

E tikpọsọnmẹ wẹ obodo ndị Mụabụ; okẹnnyẹ ọwụlẹ nọ masọnmẹ ọmụma ye ugbo ile rị mma, ma a d'e ru ni ọmụma e kpumẹchanrịn ugbo. A fakinchanrịn wẹ isi-mirin ile rị alị hụ, gbutuchanrịn osisi ile rị mma rị alị ahụn. Kiri-Harẹsẹti sụọ nọ họdụ, enutuni wẹ ọmụma ndị wẹ gi tụn a, kanị ndị a gba araba nọ kehunmẹ ẹ, kịzịkwọ ẹka nụmanị ya nwẹn.

Azaya 11:14

Wẹ ẹbụbụọ k'a wị maye ndị Filistia ndị bi mkpọtu òke ẹbamịn Ọdịdan-ẹnyanwụn, wịzị d'a maye ndị rị nkọ ọwụwa-ẹnyanwụn, kwarị ihiẹn wẹ. Wẹ k'e mẹ Ẹdọm lẹ Mụabụ ihiẹn; ndị Amọnụ k'a rị okpuru wẹ.

Azaya 13:1

Ihiẹnni kẹ Osolobuẹ ghọsị Azaya nwa Emọzụ banyeni Babilọnụ.

Azaya 14:28

Ahụa eze Juda wụ Ahazị nwụn kẹ Osolobuẹ zi m ozini banyeni alị Filistia:

Azaya 16:11

Obi m hụ a kwannị Mụabụ ẹkwan nọ kẹ ụbọ rị a kpọ ẹbụ ẹkwan, obi m hụ a kwanzịnị Kiri-Harẹsẹti ẹrịra.

Azaya 16:6

Ẹnyi a nụgụọ mpache ile alị Mụabụ rị a pache — e mẹkarị enwẹn ẹ, lẹ k'o dọn e bọnmẹ, e kukarị enwẹn ẹ — kanị wẹ rịhụ a ban mban mmaka.

Azaya 16:7

Ya kẹ ndị Mụabụ gi nwan rị e goo, wẹ ile e goni alị Mụabụ. A kwan nị; a kwan nị ụya; sụkụrụ nị (gbusuru ni) — makẹni ogbe-vaịnị wẹ pịngbama kikọ wẹ gi marịn alị Kiri-Harẹsẹti alị Mụabụ arịzị a.

Azaya 25:10

Osolobuẹ jẹnkọ d'e gi ẹka rị mma sọn uguni wụ Zayọnụ-Jerusalẹm; kanị o sikọ d'a zọgbu alị Mụabụ, kẹ w'a zọkpụkpọ ẹfịfịa ọkpọ-nkụn imẹ ẹjan w'a kụnye ihiẹn.

Azaya 25:12

O jẹnkọ d'e wetuchanrịn okẹn mgbọn ụnụ ndị hụ zeni, o we wẹ gbama alị; wẹ k'e wetu wẹ ru alị — ruchanrịndẹ imẹ uzunzun lẹ enwẹn ẹ.

Jerimaya 9:26

ndị Ijiptu, ndị Juda, ndị Ẹdọm, ndị Amọnụ, ndị Mụabụ, uwẹ lẹ ndị ile bi atụ rịsọnmẹ ebe teni hụn a kọ ẹtu azụụnnị lẹ azụụnnị. Ndị alị ndịnị ile akwanị ugun nke-esi — nọkẹ kẹ ikpụlọ Izrẹlụ ile dọnlẹni kwa ugun imẹ obi wẹ.”

Ọgụngụn 21:28

Ọkụn te gha Hẹsh'bọnụ pụha, ọkụn rị e nwunni te gha obodo Sihọnụ pụha: ọ dụnpụ obodo Arẹ rị alị Mụabụ, dụnpụ ndị bi alị-ugu Anọnụ.

Ditrọnọmi 2:18

“Tannị kẹ ụnụ sikọ d'a gha alị ndị Mụabụ pụha; ụnụ jẹnkọ d'a ghashi alị Arẹ.

Ditrọnọmi 2:19

Ụnụ ru ebe ndị Amọnụ, ebọn Lọtụ rị, eyekwọlẹni wẹ nsọngbu mọbụ ma wẹ agha, ni ẹlẹ m k'e ye ụnụ alị ọwụlẹ wụ nke ndị Amọnụ. E wegụọ m'a ye ebọn Lọtụ weri.”

Ditrọnọmi 2:9

Ya Osolobuẹ nọ sị m, “Eyekwọlẹni ndị Mụabụ, ụmụ Lọtụ, nsọngbu mọbụ maye wẹ ọgụn, nị ẹlẹ m k'e ye ụnụ ebe ọwụlẹ imẹ alị wẹ. E wegụọ m alị Arẹ ye ụmụ Lọtụ weri.”