Azaya 14:23 - Ika

²³ “M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Azaya 14:23 ပူးပေါင်းရင်းမြစ်များ

Ndị-nze Nke Ibuzọ 14:10

“ ‘Makẹ ufiri ihiẹnni, m jẹnkọ d'e wẹhẹni ikpụlọ Jerobụam ezigbo nsọngbu. M k'e gbunarịnchanrịn Jerobụam ikẹnnyẹ ile wụ nke ẹ imẹ Izrẹlụ — kẹ igbọn kẹ onyẹ nwọn enwẹn ẹ. M k'a dụn ikpụlọ Jerobụam ọkụn kẹ wẹ dọn a dụn nsịn-anụ ọkụn, d'e ru n'ọ gụchanrịn.

Ndị-nze Nke Ẹbụọ 21:13

Ihiẹn m gi ma Sameria ikpe tikpọ a kẹ m sikọ nwan d'e gi ma Jerusalẹm ikpe; mkpu m gi ma ikpụlọ Ehabụ m tikpọ kẹ m'e gi ma a. M k'e finchanpụ ihiẹn ile rị Jerusalẹm kẹ w'e finchan afẹrẹ, e finchanpụ m'a, we ẹ ihun kpumẹ alị.

Azaya 13:20

Ọ rịkọzị — ọ rịkọzị, ụwa e we gụ; onwọnni onyẹ Arabụ k'e ziẹntọdẹ ebẹhụ, onwọndẹni onyẹ e du anụ k'a nị anụ a nọ ebẹhụ zu ikẹn.

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Jerimaya 50:26

Gha nị alị hụ teni bịa d'a maye ẹ ọgụn. Gbukpọchanrịn nị ebe wẹ e dọnmẹ ihiẹn w'e ri; kpọnkikomẹ ni Babilọnụ kẹ ikpọn-ọka! Tikpọchanrịn n'a! Egbuhọdụkwọlẹ ni onyẹ ọwụlẹ!

Jerimaya 50:3

Makẹni alị ohu rị ẹbamịn-ugu lala d'a lụsọn Babilọnụ agha, tikpọ alị a la iwi. Onwọnni onyẹ k'e bizi imẹ ẹ; kẹ ịhịan kẹ anụmanụ jẹnkọ d'a gbapụ.

Jerimaya 51:62

Ị gụngụ a, sị, ‘Osolobuẹ, y'e kugụọ n'i jẹnkọ d'e tikpọ ebeni, nke wụnị kẹ ịhịan kẹ anụmanụ ebikọzị a, o gba okpokoro jẹnrin ejẹn.’

Zẹfanaya 2:14

Igunrun efin lẹ atụnrụn k'a rị a kpahunmẹ imẹ ẹ; anụ ọfịa ile rị ichẹn-ichẹn k'a rị a; ozuzu k'a gha a ranhịn elu adansụn hụn rị mkpọkọ-ụlọ rị ebẹhụ; a ghasọnmẹ windo ụlọ ndị hụ e woo; Mkpọkọ ihiẹn k'e jun ọnụmụzọ rị ebẹhụ; osisi Sida wẹ te gi ma ụsụọ-ẹjan arịkọzị a.

Rẹvẹleshọnụ 14:8

Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.