Azaya 14:14 - Ika

¹⁴ M k'a ghafedẹ orukpu-igwere; m k'a nọ kẹ Onyẹ Ahụn Kachanrịnnị.”

Azaya 14:14 ပူးပေါင်းရင်းမြစ်များ

Jẹnẹsisi 3:5

Osolobuẹ ku ẹ makẹni ọ marịngụọ nị hụn ụnụ gihụ ri ẹ, ẹnya ụnụ k'a shịapụ, ụnụ a rị kẹ Osolobuẹ: ụnụ a marịn ihiẹn rị mma lẹ ihiẹn rịlẹni mma.”

Jobu 20:6

Ọsụọn'a nị nhọnrọn a ru igwere, ọsụọn'a nị isi e a sụntụ igwere,

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Azaya 47:8

Gọn nwan ntịn, yụ wụ Babilọnụ, okpoho hụn e mẹsọnmẹ ihiẹn o gi a la ẹnya, ị hụ a danchanpụ makẹni ẹhụ fu i, a sị enwẹn i, ‘Mmẹ rọ, onyẹ ọzọ arịa. Di anwụnnahịnkọ m, ụmụ anwụnhịnkọ m.’

Jerimaya 51:1

Osolobuẹ sị, “Lee ẹ, m zila ufere e tikpọnị d'e tikpọ alị Babilọnụ, n'o tikpọ ndị bi alị ndị iṅẹnrẹn m hụ.

Izikẹlụ 28:2

“Nwa-ịhịan, gwa onyẹ rị a kị Taya, sị a: Lee ihiẹn Osolobuẹ Nwọn Ikẹn Ile ku: Makẹni ị rị a pache, a sị, ‘Mmọn kẹ m wụ; m rị ukpo mmọn etintin ohimin ebeni a kị,’ bụ ịhịan k'ị wụ, y'ẹlẹ mmọn, ọsụọn'a n'ị rị a sị enwẹn i n'ị wụ mmọn.

Izikẹlụ 31:10

“ ‘Osolobuẹ Nwọn Ihiẹn Ile sị: Makẹni Ijiptu pụ-ẹka, suenahịn osisi ile, ọ nọ bọnmẹmẹ.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 11:37

Onwọnni ihiẹn o k'a kpọ mmọn-lẹ-iyi ndị nẹdi ẹ wẹ mọbụ hụn a sụọ ikpoho mọbụ mmọn-lẹ-iyi ọwụlẹ, o k'a sị nị ịya kachanrịn wẹ ile.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.