Okẹn ntikpọ kẹ wẹ k'e tikpọ Babilọnụ, igwe nwẹn wẹ te gi dụkpọ ụwa ile, nke Babilọnụ a gụ. Babilọnụ k'e họnrin ihiẹn hụn a tụ ndị alị ichẹn-ichẹn egun.
Ledẹ kẹ Osolobuẹ dọn gi olulu mẹ ishi gbakpuru Nwagbọọ wụ Obodo Zayọnụ. Ọ ghagụọ elu-igwee tụ ọghọ Izrẹlụ ye alị; ọ nyanhandẹni nị ihiẹn o gi a tụkwasị ụkụ rọ, ụhụọhịn ahụn ọ rị e bu olulu.
Wẹ k'a gha a kwan ị, a sị ị: ‘Oree! Y'a lagụọ iwi, okẹn alị rị ohimin! Alị nwẹn a kpọnị, hụn te wụ dikẹn ohimin; ịya lẹ ndị bi imẹ ẹ te rọn ndị ile bi ibẹka ohimin egun.
Ọ sụọn'a nị ụnụ rị imẹ elu nọkẹ ugọn rị e feni; ọsụọn'a nị ẹkụ ụnụ bi rịchanrịn ebe kokisẹ rị, m jẹnkọ d'a gha ebẹhụ wetu ụnụ alị. Mmẹ, Osolobuẹ, e kugụọ a.
Ẹnyi gi ẹ nwan marịn nị ihiẹn ndị-amụma ku imẹ Ẹkụkwọ-nsọ furu wẹ gi e dọn ẹnya. Ọ ka ụnụ mma nị ụnụ gi wẹ e dọn, nọkẹ ukpẹ ẹka rị e nwun imẹ ishi, d'e ru ni eki e fọn, Onyẹ ahụn wụ Kokisẹ-ụtụntụn e timẹ imẹ obi ụnụ.
Ebe o mẹ ni Osolobuẹ ahatuni ndị mmọn-ozi ahụn ogẹn wẹ gi mẹ njọ, kama, ọ tụ wẹ ye ọkụn-mmọn, kpọma wẹ tọ mgbugbu rịsọnmẹ imẹ ishi ka ishi d'e ru Ụhụọhịn okinkin-ikpe;
“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”