Azaya 14:1 - Ika

¹ Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 14:1 ပူးပေါင်းရင်းမြစ်များ

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Ẹbụ-ọma 102:13

I k'e lihi d'e mẹni Zayọnụ omikẹn, makẹni ogẹn y'e gi mẹn'ẹ ọhụnma e rugụọ; ogẹn hụn i kayen'ẹ e rugụọ nwan.

Ẹbụ-ọma 102:14

Makẹni Zayọnụ rịchanrịn ẹnyi ndị idibo i obi kẹ ọmụma kẹ ẹjan rịn'a e mẹtụzị ẹnyi obi!

Ẹbụ-ọma 143:12

Gi ufiri ihiẹn-ọsụsụọ ị gbupụ ndị-iṅẹnrẹn m, y'e tikpọ ndị ile chọkọ m isi, nị odibo i kẹ m wụ.

Ẹbụ-ọma 98:3

Ọ nyanhangụọ ghọsịzị ndị Izrẹlụ ihiẹn-ọsụsụọ a, ghọsị wẹ n'o furu wẹ gi e dọn ẹnya. Elu ụwa ile a hụngụọ nzụọpụha Osolobuẹ ẹnyi!

Azaya 19:18

Ogẹn ahụn, obodo isẹn imẹ alị Ijiptu k'a rị a sụ asụsụ Kenaanị hụn Juda rị imẹ ẹ, e kun Osolobuẹ ihiẹn ile rị okpuru ẹ, e fe ẹ. Obodo ohu imẹ wẹ k'a za Obodo Ẹnyanwụn.

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Azaya 27:6

O ru ihun, ebọn Jekọpụ jẹnkọ d'a gba mkpọgụn; Izrẹlụ jẹnkọ d'a kpụkpụma, mị obobo, mị mkpụrụ jun ụwa ile.

Azaya 41:8

“Kanị, Izrẹlụ hụn wụ odibo m, ebọn Jekọpụ hụn m họrị, ẹbozo Ebraham ọwụ m,

Azaya 41:9

mmẹ gha njẹndemẹ ụwa weri i; nkọ kachanrịn e te kẹ m gha kpọ ị; mmẹ sị, ‘Odibo m k'ị wụ’; a họrịgụọ m'ị, ajụnị m'ị tọ.

Azaya 44:1

Ka gọn nwan ntịn, yụ wụ odibo m Jekọpụ, Izrẹlụ, hụn m họrị!

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 49:15

Nị okpoho zọ nwa ọ rị e ye ẹran, o mẹni omikẹn nwa ẹfọ a? Ọsụọn'a nị okpoho k'a s'ẹka zọ nwa a, azọkọ m'ị!

Azaya 49:25

Kanị, Osolobuẹ sị nwan, “Wẹ sikọ d'a napụhadẹ dikẹn onyẹ hụn ọ kpụnrụn, zụọpụhadẹ ịhịan ẹka onyẹ zegbu enwẹn ẹ; mmẹ lẹ ndị rị a lụsọn i ọgụn k'a lụ ọgụn, a zụọpụha m ụmụ ị.

Azaya 49:7

Lee ihiẹn Osolobuẹ ku, Osolobuẹ, Onyẹ-mgbapụha lẹ Onyẹ-nsọ Izrẹlụ: ọ rị a gwa onyẹ hụn alịnị ile legberi, jụ, onyẹ hụn wụ igbọn ndị-nze: ọ sị, “Ndị-nze k'a hụn ị, lihin'i ọtọ; ndị-ọkịkị k'a hụn ị, kụn'ị isi alị, makẹni Osolobuẹ hụn furu wẹ gi e dọn ẹnya k'e mẹ ẹ, Onyẹ-nsọ Izrẹlụ hụn họrịn'ị k'e mẹ ẹ.”

Azaya 54:3

makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 56:3

Onyẹ alị ọzọ gi enwẹn ẹ kwanị Osolobuẹ y'a sịkwọlẹ enwẹn ẹ, ‘Osolobuẹ agụnkọ m yeni ndị nke ẹ wụ ndị Izrẹlụ.’ Onyẹ rị e feni m hụn gilẹni nwunyẹ lẹ ụmụ y'a sịkwọlẹ, ‘Osisi kpọ nkụn kẹ m wụhụ.’

Azaya 60:10

Itumunyẹ k'a tụndọnzidẹ mgbọn ụnụ; ndị-nze wẹ k'a wụ ndị ọrụn ụnụ. E te giọlẹ m olulu mẹ ụnụ ihiẹn, kanị, m jẹnkọ nwan d'e lee ụnụ ẹnya rị mma, mẹ omikẹn ụnụ.

Azaya 60:14

Ụmụ ndị te bịangbu ụnụ k'a bịa d'a kụnị ụnụ isi-alị; ndị ile e legberi ụnụ k'a kụzịkwọnị ụnụ isi alị; wẹ k'a kpọ ụnụ Obodo Osolobuẹ, Zayọnụ hụn wụ nke Onyẹ-nsọ alị Izrẹlụ.

Azaya 66:20

Wẹ k'a gha alị ile ndị nke ụnụ rịsọnmẹ welụa wẹ Ugu nsọ m rị Jerusalẹm, gi wẹ kwanị mmẹ wụ Osolobuẹ. Wẹ k'e gi ẹshin lẹ ụgbọ-ẹshin lẹ ihiẹn ndị ọzọ wẹ gi e bu ịhịan bulụa wẹ, kẹ anyịnyan mulu kẹ anyịnyan-mkpukpuke.” Ya kẹ Osolobuẹ ku. Wẹ k'e wẹhẹ wẹ kẹ ndị Izrẹlụ dọn e gi afẹrẹ rụlẹni e buhẹni Osolobuẹ oyiye.

Jerimaya 16:15

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni m jẹnkọ d'e wekinhẹn wẹ alịnị hụn m ye ndị nẹdi wẹ kanị.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:8

Osolobuẹ ihiẹn ile rị okpuru ẹ sị, “O ru ogẹn ahụn, m jẹnkọ d'a kpagipụ ihiẹn wẹ gi kpọdọn wẹ, m k'a dọbepụ ẹgbụn rị wẹ olu; ndị alị ọzọ a kpakọzị wẹ igbọn.

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Jerimaya 50:33

Osolobuẹ ihiẹn ile rị okpuru ẹ sị, “Wẹ rị a bịangbu ndị Izrẹlụ, a bịangbuzịkwọ ndị Juda; ndị ile gini wẹ kwọnkẹnmẹ wẹ e kwọnkẹnmẹ, ekweni wẹ hatu wẹ nị wẹ la.

Jerimaya 51:51

“ ‘Ifẹnrẹn e mẹgbu ẹnyi ndị Izrẹlụ makẹni a mụgbugụọ wẹ ẹnyi ẹmụ; ụya e rigụọ ẹnyi, makẹni itumunyẹ a banyegụọ ebe rị nsọ rịsọnmẹ imẹ Ụlọ Osolobuẹ.’

Izikẹlụ 16:60

Kanị mmẹ nwẹn k'a nyanhan nkwerigbama m tumẹ ẹgbata mmẹ lẹ yụ ogẹn i gi rị okoro; m k'e tumẹ nkwerigbama hụn k'a rị jẹnrin ejẹn ẹgbata mmẹ lẹ yụ.

Izikẹlụ 47:22

Keri n'ẹ — kẹ ụnụ kẹ abịamabịa bi imẹ igunrun ụnụ hụn mụgụ mmụ imẹ igunrun ụnụ. Ụnụ k'e weri wẹ kẹ ụmụ-di-alị Izrẹlụ; wẹ k'e keri alị imẹ ebọn ichẹn-ichẹn rị Izrẹlụ.

Zẹkaraya 1:17

“ ‘Gwazịkwọ wẹ ọnwan: Ihiẹn rị mma sikọ d'e junzi obodo m ndịnị; Osolobuẹ jẹnkọ d'e mẹni Zayọnụ omikẹn; o sikọ d'a họrịzị Jerusalẹm.’ ”

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Luku 1:54

O yegụọnị odibo ẹ wụ Izrẹlụ ẹka; ọ nyanhangụọ mẹ omikẹn

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”