Azaya 13:8 - Ika

⁸ Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 13:8 ပူးပေါင်းရင်းမြစ်များ

Ndị-nze Nke Ẹbụọ 19:26

ndụn a gụ ndị alị ndị hụ, uhue e gbu wẹ, ifẹnrẹn e mẹgbu wẹ. Wẹ hụ a la kẹ ihiẹn wẹ kụn imẹ ugbo, ihiẹn pupụha nke ọhụn, nọkẹ ẹfịfịa pu elu ụlọ, hụn a nwụnhụn ebe o kelẹni sue.

Ẹbụ-ọma 48:7

Y'e gi okẹn ẹbi ẹbamịn ọwụwa-ẹnyanwụn e gungwọnpụdẹ okẹn ụgbọ-mirin Tashishi!

Azaya 26:17

Kẹ okpoho imẹ rị e mẹ dọn a kwan, a fịkọ, makẹni ọ rị a tụrụ a, ẹrịra kẹ ẹnyi te nọ ebe ị rị, Osolobuẹ.

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 30:6

D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 46:5

“Kanị ihiẹn m rị a hụn wụ ọnwan: ‘Egun sikọ d'a tụgbu wẹ! A gbama wẹ ọsọ! Wẹ k'e mẹri wẹ, a gba wẹ ụkụ-akpalẹ-alị — elekọdẹ wẹ ẹnya azụụn! Egun sikọ e jun ụzọ ile!’ Ya kẹ Osolobuẹ ku.

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 49:24

Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Izikẹlụ 20:47

Sị ẹgboko rị Nẹgẹvụ, ‘Gọn ntịn ihiẹn Osolobuẹ ku! Osolobuẹ Nwọn Ihiẹn Ile sị, M'e d'e bi ọkụn ye i, o k'a dụnpụchanrịn osisi ile rị imẹ i, kẹ ndị rị ndụn kẹ ndị kpọ nkụn. Okẹn ọkụn ahụn anịkọ wẹ tinyụn. O k'a mara ihun ndị ile rị gha ẹbamịn ndịdan ebẹhụ d'e rukwọrị ẹbamịn-ugu.

Hosia 13:13

Imẹ w'e gi mụdọnzi wẹ e bidọngụọ, Kanị nwa nwọnlẹni uche rọ, ogẹn ẹ ru, ọ ma bịa ọnụ ẹkpa-nwa ẹgwa, nị wẹ mụpụha a.

Juwẹlụ 2:6

Alị ọwụlẹ wẹ ru, egun a tụgbu ndị rịn'a, ndụn a gụ wẹ.

Nahum 2:10

E tikpọ w'a! E gbukpọ w'a! A gba w'a okpokoro! Obi hụ a nahịn onyẹ ọwụlẹ; ụkụ hụ a ma onyẹ ọwụlẹ nni! Ndụn a gụgụọ onyẹ ọwụlẹ; eje-egun a nwụn ndị Ninivẹ!

Jọnụ 16:21

“Imẹ gha e mẹ okpoho, ọ tụrụ a atụrụ makẹni ọmụmụ e rugụọ a; kanị ọ mụgụ, ọ nyanhankọzị afụnfụn hụ makẹni ọ rị a ghọghọ n'ọ mụgụọ nwa.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!