Azaya 13:6 - Ika

⁶ Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 13:6 ပူးပေါင်းရင်းမြစ်များ

Jobu 31:23

Egun otikpọ Chuku k'e tikpọ m a tụ m atụ, egun Onyẹ Hụn Ọ Wụ anịnị m mẹ ihiẹn ndị nọ ẹrịra.

Azaya 10:25

O biekọ, olulu m rị e buni ụnụ a rọ, e bumẹni m wẹ olulu hụn m'e gi tikpọ wẹ.”

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 13:9

Lee ẹ, Ụhụọhịn Osolobuẹ lala — ụhụọkịn jọgbu enwẹn ẹ, ụhụọkịn hụn ọnụma lẹ olulu k'a kpọ — hụn k'e mẹ alịnị gba okpokoro, tikpọ ndị-njọ rịn'a.

Azaya 14:23

“M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Azaya 14:31

Yụ wụ ọnụ-mgbọn, gomẹkwọ! Yụ wụ obodo, kwanmakwọ! Ụnụ ndị Filistia, tụmakwọ nị egun! Wẹ gha ibe ugu lala nọkẹ ẹnwụnrụn lọtọnị d'a lụsọn ụnụ agha, onwọnni onyẹ-agha a la azụụn imẹ wẹ!

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 23:1

Ọnwan kẹ Chuku ku banyeni Taya: Okẹn ụgbọ-mirin ohimin, kwanma nị — ni e tikpọ wẹ alị mkpẹnrẹn-ohimin wụ Taya, kẹ ụnọ ịhịan kẹ ebe ụgbọ-mirin a nọdị arịzị a. Alị Saịprọsụ rị ohimin kẹ wẹ gha nụ ozi ẹ.

Azaya 34:2

Osolobuẹ rị e busọn ndị alị ile okẹn olulu — o gi ọnụma e sọn ndị-agha wẹ ile; o k'e tikpọpụchanrịn wẹ, o wegụọ wẹ ye ni wẹ gbu wẹ.

Azaya 34:8

Makẹni Osolobuẹ a kayegụọ ụhụọhịn o k'e mẹgwarị; ọ kayegụọ ahụa o k'e gi mẹshi alị Ẹdọm ikẹn, makẹ ufiri Zayọnụ rị alị Izrẹlụ.

Azaya 47:11

Eje-ihiẹn k'e kunrun i, y'a marịnkọ ọgụn y'e gi gwọpụ a; ọdakin k'e kunrun i, y'a sakọ ẹka gi ihiẹn ọwụlẹ gbarị isi i; okẹn eje-ihiẹn ị tụlẹni ẹnya a k'e kunrun i idẹnmizi.

Azaya 52:5

“Kịnị kẹ m rịzị nwan a hụn ihiẹnni: e werigụọ wẹ ndị nke m mmakalaka, ndị gini wẹ hụ a gan wẹ.” Ya kẹ Osolobuẹ ku. “Wẹ hụ e lelịa ẹfan m uhinhin lẹ efinaị.

Azaya 61:2

o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Azaya 63:4

Makẹni ọ rịọlẹ m obi nị m k'e mẹgwarị; makẹni ahụa m'e gi gbapụha e rugụọ.

Azaya 65:14

Lee n'ẹ, idibo m k'a bụ ẹbụ-ịghọghọ makẹni obi rị a sụọ wẹ ụsụọ, Kanị ụnụ k'a gha e yi oro makẹni elu rị a fụ ụnụ; ụnụ k'a rị e goo yeni obi rị a gbawanị ụnụ.

Jerimaya 25:34

Kwanma nị, gomẹ ni, ụnụ ndị-ndu! Dan nị, kperemẹ imẹ uzunzun, ụnụ ndị kị alị ichẹn-ichẹn — makẹni ogẹn w'e gi gbu ụnụ e ruọlẹ; ụnụ k'a dan, gungwọnpụ kẹ ite ụrụa!

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Jerimaya 51:8

Kanị Babilọnụ jẹnkọ nwan d'a dan idẹnmizi, wahị. Goo n'ẹ! Wẹhẹ ni n'ẹ ọgụn; ikẹnkwọ ọ dịnhịn!

Izikẹlụ 13:5

Ndị amụmanị ara ku ezioku, gi ẹ dọnzi mgbọn tikpọsọnmẹni mọbụ tụnhunmẹ Izrẹlụ mgbọn kẹni wẹ saẹka che agha ụhụọhịn Osolobuẹ k'a ghọsị ọnụma a.

Izikẹlụ 21:12

“ ‘Nwa-ịhịan, yimẹ oro, gomẹ, makẹni ndị nke m kẹ wẹ k'e gi ẹ gbu; ndị-isi Izrẹlụ ile kẹ wẹ k'e gi ẹ gbu. A tụgụọ wẹ wẹ yeni ọpịa-agha hụ, uwẹ lẹ ndị nke m. Fịanma nwan ẹka obi.

Daniẹlụ 5:26

“Lee ihiẹn nkpụrụ-oku ndị ahụn wụ: “MẸNẸ wụ: Chuku a gụngụọ akpọhịn ole ị k'a kị, sị n'o higụọ.

Daniẹlụ 5:9

Obi nọ nahịn eze wụ Bẹlụshaza, o tirapụ ẹnya. Ndụn nọ gụ ndị-isi hụ ya lẹ wẹ rị.

Juwẹlụ 1:11

Ya fụma ụnụ, ndị ugbo! Ndị ugbo vaịnị, gomẹ ni! ịhịan ile kwanma nị, nị ọka-witi lẹ ọka-bali e wiwigụọ! Ihiẹn wẹ k'a ghọ imẹ ugbo e wiwigụọ!

Juwẹlụ 1:13

Ndị nchụn-ẹjan, yiri ni ẹkwa-achọ kwanma: ụnụ ile ndị ọrụn ukpo nchụn-ẹjan Osolobuẹ! D'e yiri ni ẹkwa-achọ chu ụran; ụnụ ndị a rụnnị Chuku m ọrụn! N'o nwọnzini ọka lẹ manya rịnị wẹ e gi chụn ẹjan imẹ Ụlọ-nsọ Chuku ụnụ.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Juwẹlụ 1:5

Tẹnhin ni, ndị manya; tẹnhin ni kwanma ẹkwan! Gomẹ ni, ụnụ ile rị a ra a tụ! Kwanma makẹni manya vaịnị ọhụn arịzịa, makẹni a napụgụọ wẹ ụnụ vaịnị lẹ manya a.

Juwẹlụ 2:1

Gbu ni opi elu ugu Zayọnụ! Nọ nị elu Ugu nsọ m hị ndị alị! Ndị ile bi alị Juda wẹ mẹhunmẹ makẹni ụhụọhịn Osolobuẹ e d'e ru.

Juwẹlụ 2:11

Osolobuẹ rị wẹ ihun e gi akpara e ye olu, hụn o gi dukọ ndị-agha a! Ndị-agha ọ kịla ẹlẹ hụn w'a gụn! Igwerigwe hụn e mẹchanrịn ihiẹn ọwụlẹ o ku! Ụhụọhịn Osolobuẹ k'a wụ okẹn ụhụọhịn, o k'a rị egun! Onyẹ k'a saẹka wuzo?

Juwẹlụ 2:31

ẹnyanwụn k'a gba ishi; ifọn k'e nwunmẹ ẹdeke-ẹdeke, o kebe ru okẹn ụhụọhịn Osolobuẹ ahụn rị egun.

Emọsụ 5:18

Nsọngbu rị e che ụnụ ndị rị a sị ụhụọhịn Osolobuẹ ya bịakẹnrin! Kị ụnụ rịdẹ a chọnị n'ọ bịakẹnrin? Ọbịbịa a k'e wẹhẹkwọ ishi, ẹlẹkwọ ukpẹ!

Zẹfanaya 1:14

“Eje-ogẹn hụ Osolobuẹ k'e gi ye afụnfụn a rịgụọ nsue! Ọ rịgụọkwọ nsue; ọ lala ẹgwa! Wẹ k'a kwan eje ẹkwan ogẹn hụ! Nke wụnị ndị-agha k'a ghadẹ a kwan ụya imẹ ọgbọ-agha.

Zẹfanaya 1:7

Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Zẹkaraya 14:1

Lee ẹ, ogẹn Osolobuẹ lala alala, hụn wẹ k'e gi maye i, Jerusalẹm, kwanarịn ị ihiẹn i, nọ imẹ i keri ẹ.

Malakaị 4:5

M k'e zihẹni ụnụ Ẹlaịja onyẹ-amụma Ụhụọhịn Osolobuẹ gini d'e ru, okẹn ụhụọhịn hụ a tụ egun;

Jemisi 5:1

Ndị-ịdanfịn, gọn ni ntịn: kwanma nị ẹkwan, e goo, yeni nsọngbu hụn rị e kunrunni ụnụ!

Rẹvẹleshọnụ 18:10

Egun afụnfụn ọ rị imẹ ẹ anịkọ wẹ nọkunmẹ ẹ. Wẹ k'e turu ebe teni, a sị, “Heuu! Heuu! Ledẹ obodo uku nwẹn! Obodo uku wụ Babilọnụ! Osolobuẹ e gigụọ ube ohu yechanrịn a afụnfụn a!”