Azaya 13:5 - Ika

⁵ Wẹ ghasọnmẹ alị teni bịa, kẹ ndị ghadẹ ebe igwere ru bịa — Osolobuẹ lẹ ihiẹn-ọgụn a rọ, hụn o jẹnkọ d'e gi ghọsị ọnụma a; o wela wẹ d'e tikpọ alị ile.

Azaya 13:5 ပူးပေါင်းရင်းမြစ်များ

Samuẹlụ Nke Ẹbụọ 1:27

Euu, ndị dikẹn a dan!! Ihiẹn-ọgụn a la iwi!”

Azaya 10:5

Osolobuẹ sị, “Nsọngbu rị e che alị Asiria — hụn wụ nwan mkpịnsịn m gi rị a ghọsị olulu m, hụn bu ẹgbe m gi a ghọsị ọnụma m!

Azaya 13:17

Lee ẹ, m'e d'a kpasu ndị alị Mẹdịa d'a maye wẹ; ndị Mẹdịa nwọnlẹni ihiẹn wẹ gi siliva e mẹ, ndị Mẹdịa goru ghalẹni a sụọ.

Azaya 24:1

Lee ẹ, Osolobuẹ jẹnkọ d'e tikpọ ụwa, wiwipụ a; o k'e wiwi ihiẹn rị elu ụwa, feyịya ndị ile rịn'a —

Azaya 26:20

Ndị nke m, jẹnmẹ ni; d'a banye ni mmughẹ ụnụ, ụnụ a gụnma enwẹn ụnụ ye; warị nị ẹkẹrẹ — d'e ru mgbe ọnụma Osolobuẹ rọgụ.

Azaya 30:27

Lee n'ẹ, Osolobuẹ gi ẹfan a gha ebe teni lala, o gi eje-olulu rị a dụn kẹ ọkụn lala lẹ ẹnwụnrụn lọtọnị; ọnụma jun ẹ ụgb'ọnụ, ọkụn a dụnnị rị a ire.

Azaya 34:2

Osolobuẹ rị e busọn ndị alị ile okẹn olulu — o gi ọnụma e sọn ndị-agha wẹ ile; o k'e tikpọpụchanrịn wẹ, o wegụọ wẹ ye ni wẹ gbu wẹ.

Azaya 48:14

Kokomẹ ni d'e gọn ntịn, ụnụ ile: Ele mmọn gwatu ụnụ ihiẹn ndịnị ushin? Onyẹ ahụn Osolobuẹ họrị, k'e mẹ Babilọnụ ihiẹn Osolobuẹ chọ; o k'e mẹshin'ẹ ndị Babilọnụ ikẹn.

Azaya 5:26

O weligụọnị alị ndị rị ebe teni ahịma nị wẹ bịa, kẹni wẹ bịa d'a lụsọn ndị nke ẹ agha; o gigụọ ọfịfị kpọ alị ndị rị njẹndemẹ ụwa. E lee wẹ kẹ wẹ lala warawara, gbala ozigbo-ozigbo!

Azaya 66:14

Ogẹn ụnụ e gi hụn ihiẹnni, ẹfọ k'a sụọ ụnụ ụsụọ, ụnụ a tụlụa kẹ irurue pupụhazị alị. Osolobuẹ k'a ghọsị ndị idibo ẹ ikẹn ẹ, ghọsị ndị-iṅẹnrẹn ẹ olulu ẹ.

Azaya 7:18

O ru ogẹn ahụn, Osolobuẹ k'e gi ọfịfị wẹhẹ alị Ijiptu, nzinzin hụ rị njẹndemẹ iyi lẹ ẹnwụn hụ wụ alị Asiria.

Jerimaya 50:25

Osolobuẹ a kpọpụgụọ ụlọ ihiẹn-ọgụn a, o wepụhagụọ hụn o gi a ghọsị ọnụma a — makẹni Osolobuẹ ihiẹn ile rị okpuru ẹ, Onyẹ hụn nwọn ihiẹn ile, nwọn ihiẹn o jẹnkọ d'a rụn imẹ Babilọnụ.

Jerimaya 50:3

Makẹni alị ohu rị ẹbamịn-ugu lala d'a lụsọn Babilọnụ agha, tikpọ alị a la iwi. Onwọnni onyẹ k'e bizi imẹ ẹ; kẹ ịhịan kẹ anụmanụ jẹnkọ d'a gbapụ.

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 51:11

Osolobuẹ sị, “Pịn nị ọbara-ụta! Buru ni akpaịn ụnụ! Osolobuẹ a kpọligụọ ndị-nze alị Mẹdịa, makẹni Osolobuẹ chọ n'o tikpọ alị Babilọnụ. Osolobuẹ k'e mẹgwarị — o k'e mẹgwarị wẹ ihiẹn wẹ mẹ Ụnọ-NSỌ a.

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Izikẹlụ 22:31

Ya kẹ m nọ nwan hu olulu m kpu wẹ kẹ mirin, gi ọnụma m hụn a dụn kẹ ọkụn tikpọ wẹ la iwi; e mẹgụọ m wẹ gi isi wẹ buru ihiẹn ile wẹ mẹ. Ya kẹ Osolobuẹ Nwọn Ikẹn Ile ku.”

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.