Azaya 13:3 - Ika

³ E zigụọ m ndị m họrị; a kpọgụọ m ndị-odogun agha m nị wẹ d'a ghọsị wẹ nị iwe rị e we m — ndị agha m họrị hụn a nyan isi, e mẹkarị enwẹn wẹ.

Azaya 13:3 ပူးပေါင်းရင်းမြစ်များ

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Azaya 23:11

Osolobuẹ e bugụọ ẹka zinmẹ ohimin, e mẹhunmẹ alị-eze ndị rịn'a. Ọ sịgụọ wẹ mẹ Finishịa ihiẹn, wẹ tikpọpụ ebe ile rịn'a wẹ gisọnmẹ e dọn ẹnya.

Azaya 5:26

O weligụọnị alị ndị rị ebe teni ahịma nị wẹ bịa, kẹni wẹ bịa d'a lụsọn ndị nke ẹ agha; o gigụọ ọfịfị kpọ alị ndị rị njẹndemẹ ụwa. E lee wẹ kẹ wẹ lala warawara, gbala ozigbo-ozigbo!

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 51:46

amamgbe obi a nahịn ụnụ, egun a tụma ụnụ yeni nsọngbu rị a kpọ imẹ alị hụ; makẹni wẹ k'a nụsọnmẹ ozi ahụa-ahụa; ozi ogbugbu-ogbugbu hụn k'a rị alị hụ, ozi ndị-ọkịkị rị a lụsọn ndị-ọkịkị.

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.

Juwẹlụ 3:11

Ndị alị ile rị ebe ile, pụha nị ozigbo! Gbakikomẹ ni imẹ Ọdanmgbugbu Hụ!! “Osolobuẹ, kịpụha nwan ndị-agha ị d'a lụsọn wẹ agha!

Zẹfanaya 1:7

Gba nị nwan nkịtịn ihun Osolobuẹ-nwọnni-ẹnyi, nị ogẹn okinkin-ikpe Osolobuẹ a rịgụọ nsue! Osolobuẹ a kwademẹgụọ n'o mẹ ndị alị Juda ihiẹn w'e mẹ anụ wẹ gi chụn ẹjan; Ọ họtọgụọ ndị o wela d'e ri ndị Juda kẹ w'e ri anụ.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”