Azaya 13:22 - Ika

²² Eje-nkitẹ ọfịa wụ haịna k'a rị mkpọkọ okẹn ụlọ wẹ a gbọ, anụ-ọfịa wụ jakalụ nkẹ a nọdị mkpọkọ obi-eze ọma wẹ a gbọzịkwọ. Ogẹn w'e gi tikpọ Babilọnụ a rịgụọ nsue! O biekọzị.

Azaya 13:22 ပူးပေါင်းရင်းမြစ်များ

Ẹbụ-ọma 44:19

Y'e titugụọ ẹnyi, la ẹnyi tọ ebe eje-anụ wụ jakalụ jun; y'e gigụọ ẹkpa-ishi lẹ ụya kpumẹ ẹnyi.

Azaya 14:23

“M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Azaya 32:14

Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Azaya 34:13

Ogun k'e suekin ụlọ-uku ile wẹ te gi dọn ẹnya, abịogun lẹ mkpalị e suekin ebe ile wẹ te a gbaban. O k'e họnrin ebe nkitẹ-ọfịa wụ jakalụ nọ a kpa lẹ ebe ozuzu-ọfịa e bi.

Azaya 34:14

Anụ-ọfịa ichẹn-ichẹn w'a hụn imẹ atụ lẹ nkitẹ ọfịa wụ haịna k'a nọ ebẹhụ e bigbama; ewu-ọfịa lẹ ibe wẹ k'a rị e yitarị oro; anụ ndị a kpa imẹ uhinhin k'a nọdẹ ebẹhụ e zu ikẹn, ẹhụ k'e fu wẹ.

Azaya 35:7

Alị te kpọgbu enwẹn ẹ nkụn k'e họnrin ọgbọ-mirin, alị nwẹn mirin te rịlẹni kaka k'e mẹ isi-mirin isi-mirin. Atụ nwẹn eje-anụ te weri k'e họnrin alị irurue lẹ achara-mirin lẹ achara-papirọsụ jun.

Azaya 43:20

Anụ-ọfịa e yedẹ m ọghọ — kẹ nkitẹ-ọfịa wụ jakalụ kẹ ozuzu-uku, makẹni m'e mẹ mirin a rị imẹ alị ọkpọ-nkụn, e mẹ iyi a pụhasọnmẹ alị te kpọchanrịn nkụn, hụn m gi e ye ndị nke m mirin, ndị m họrị,

Jerimaya 48:16

Nke Mụabụ e d'a gụ; okẹn-ihiẹn k'a bịakẹnrin.

Jerimaya 51:33

“Makẹni Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Nwagbọọ wụ Babilọnụ jẹnkọ d'a nọ kẹ alị wẹ nọ a kụkpọ ọka, hụn wẹ rị a kwademẹ; ọ họdụ ẹkẹrẹ, e betu wẹ ọka kụkpọ.’

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 4:3

Eje-anụ wụ jakalụ e yedẹ ụmụ a ẹran, kanị ẹfọ a jọgbu ikpoho ẹnyi — nọkẹ nnụnụ ọstrichi rị alị ọkpọ-nkụn.

Maịka 1:8

Ufiri ihiẹnni, m jẹnkọ d'a kwan, goo; m jẹnkọ d'e gi ọtọ lẹ ụkụ mmaka a ghahunmẹ! M k'e yisọnmẹ nọkẹ nkitẹ-ọfịa; m k'e wo nọkẹ ozuzu!

Habakọkụ 2:3

Makẹni ogẹn ihiẹnni k'e rugụ o kebe mẹ; o sikọ d'e mẹzurịrị — omẹkọ ntụ; ọsụọn'a o bie ebie, cheri ẹ, n'o k'e mẹrịrị — o bieghafekọ ogẹn ẹ.

Zẹfanaya 2:14

Igunrun efin lẹ atụnrụn k'a rị a kpahunmẹ imẹ ẹ; anụ ọfịa ile rị ichẹn-ichẹn k'a rị a; ozuzu k'a gha a ranhịn elu adansụn hụn rị mkpọkọ-ụlọ rị ebẹhụ; a ghasọnmẹ windo ụlọ ndị hụ e woo; Mkpọkọ ihiẹn k'e jun ọnụmụzọ rị ebẹhụ; osisi Sida wẹ te gi ma ụsụọ-ẹjan arịkọzị a.

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!