Azaya 13:2 - Ika

² Nọ elu òke fọnni weshi ihiẹn-ahịma elu; hị wẹ; fe wẹ ẹka nị wẹ zụnban ọnụ-mgbọn obodo ndị nwẹn wụ okẹn-ịhịan.

Azaya 13:2 ပူးပေါင်းရင်းမြစ်များ

Ẹbụ-ọma 60:4

Kanị y'a ghọsịgụọ ndị a tụ egun i ahịma w'e gi dọn ẹnya. Sẹla

Azaya 10:32

Ụhụọhịn ohu hụ, wẹ k'a kụsị imẹ obodo Nọbụ, nọ ebẹhụ zin Ugu Zayọnụ ẹka, zin elu-òke Jerusalẹm ẹka — a ban mban.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 11:15

Osolobuẹ k'e mẹ Ohimin Ufie hụn rị ẹhụ Ijiptu kọrọhị; o k'e fezikwọ ẹka a, fe ufere rị a nụ ọkụn ye elu Iyi Yufretisi, kebe ẹ ụzọ ẹsa hụn w'e gi gidẹ akpụkụ mmaka fetu ẹ.

Azaya 18:3

Ụnụ ile rị ụwa, ụnụ ndị bi elu-ụwa! Ụnụ k'a hụn a kẹ w'a hụn flagị-ahịma rị elu ugu; Ụnụ jẹnkọ d'a nụ a kẹ w'a nụ opi.

Azaya 19:16

O ru ogẹn ahụn, ndị Ijiptu jẹnkọ d'a rịchanrịn kẹ ikpoho ndụn rịlẹni; wẹ k'a rị a ma piripiri yeni ẹka Osolobuẹ ihiẹn ile rị okpuru ẹ gi rị e mẹ wẹ ihiẹn.

Azaya 31:9

Ọmụma Asiria k'e gi egun la, Ndị ọkị-agha a k'e gi egun gbapụ, hụn wẹ gihụ hụn ahịma-agha eṅẹnrẹn.” Ịya kẹ Osolobuẹ ku, Osolobuẹ hụn ọkụn a rị Zayọnụ; Onyẹ hụn ẹnya-ọkụn a rị Jerusalẹm.

Azaya 5:26

O weligụọnị alị ndị rị ebe teni ahịma nị wẹ bịa, kẹni wẹ bịa d'a lụsọn ndị nke ẹ agha; o gigụọ ọfịfị kpọ alị ndị rị njẹndemẹ ụwa. E lee wẹ kẹ wẹ lala warawara, gbala ozigbo-ozigbo!

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 50:41

Lee ẹ! Ndị-agha alị rị ẹbamịn-ugu lala; m rị a kpọli okẹn alị lẹ ndị-nze bu ọda; wẹ k'a ghasọnmẹdẹ ebe ụwa ru bịa.

Jerimaya 51:12

Weshi ni ni wẹ ihiẹn-ahịma elu nị wẹ tikpọ mgbọn Babilọnụ! We ni ndị-agha cheni ndị hụn chekin wẹ ụzọ! Bu ni wẹ che ọnọdị! D'a warịsọnmẹ ni imẹ ọfịa cheri wẹ! Makẹni Osolobuẹ jẹnkọ d'e mẹ ihiẹn o romẹ, ihiẹn ọ sị o k'e mẹ ndị Babilọnụ.

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Jerimaya 51:58

“Osolobuẹ ihiẹn ile rị okpuru ẹ sị, ‘Wẹ k'a kụtuchanrịn mgbọn Babilọnụ hụ nwọngbu enwẹn ẹ ulu, dụn ọnụ-mgbọn ẹ ahụn jẹngbu enwẹn ẹ elu ọkụn; alị ile rị a rụngbuhụ enwẹn wẹ mmaka, alị ile rịhụ a rụntọnị ọkụn.’ ”