Azaya 13:14 - Ika

¹⁴ Kẹ ele wẹ rị a chụ dọn a gba ọsọ lẹzi kẹ atụnrụn nwọnlẹni onyẹ e duni wẹ dọn a gbayịya, ẹrịra kẹ onyẹ-onyẹ k'a dọn gbapụ, gbaburu ndị nke wẹ; onyẹ-onyẹ a gbapụ, gbashi alị a.

Azaya 13:14 ပူးပေါင်းရင်းမြစ်များ

Ndị-nze Nke Ibuzọ 22:17

Ya Maịkaya nọ sị a, “M hụn ndị Izrẹlụ ile kẹ wẹ gbayịya elu ugu lekẹ atụnrụn nwọnlẹni onyẹ-ndu, Osolobuẹ nọ sị, ‘Enwọn wẹ onyẹ-ndu. Onyẹ-onyẹ ya gi udọn lama iwe ẹ.’ ”

Ndị-nze Nke Ibuzọ 22:36

Hụn anwụn gihụ rị a rọ, oro a pụ, ghagbama igunrun ndị-agha ile, a sị, “Onyẹ ọwụlẹ lashi obodo ẹ; onyẹ ọwụlẹ la anị a!”

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 21:15

Wẹ gbakọnị ọpịa-agha — ọpịa-agha wẹ sepụhagụ lẹ ụta wẹ kwọngụ lẹ ihiẹn ya lẹ agha wị.

Azaya 47:15

Ẹrịra kẹ ụnụ k'a dọn fa makẹ ndị ụnụ gi dọn ẹnya — ndị ahụn ụnụ lẹ wẹ gba a rụn, e mẹgbama oku ẹfa gha alị lala. Onyẹ-onyẹ imẹ wẹ k'a kpahu, kpashi ebe ọ kpakọ; onwọnni onyẹ k'a sa ẹka zụọpụha ụnụ.”

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 50:16

Gbunarịn nị Babilọnụ ndị a kụn ihiẹn ugbo lẹ ndị a ghọ ihiẹn ugbo. Egun ọpịa-agha eṅẹnrẹn k'a chụdẹ abịamabịa ile. Onyẹ-onyẹ a gbaburu ndị nke ẹ; onyẹ-onyẹ a gbashi alị a.

Jerimaya 51:9

“Ịhịan k'a gha a sị, ‘Ẹnyi a zụọghọ Babilọnụ, kanị ọ nịnị zụọ; nị ẹnyi lan'a tọ; onyẹ-onyẹ ya la alị a. Makẹni afụnfụn Osolobuẹ rị e ye ẹ jẹnhan elu kẹ igwere, elumelu ẹ e jẹnhanghọ elu kẹ orukpu.’

Nahum 3:18

Heuu, Eze Asiria rị Ninivẹ a kị! Ndị-ndu i rị e ru ụran! Ndị isi i e dinẹgụọ ranhịn. Ndị nke ụnụ a gbayịyagụọ elu ugu, onyẹ k'e dulụanị wẹ arịa.

Matiu 9:36

Ọ hụ a hụn igunrun ịhịan rịsọnmẹ imẹ obodo ndị ahụn, omikẹn wẹ hụ e mẹ ẹ, makẹni wẹ wụ ndị rị imẹ nsọngbu, marịnlẹni hụn w'e mẹ, rịkẹ atụnrụn nwọnlẹni onyẹ-ndu.

Makị 6:34

Ogẹn Jesu gi nwan gha imẹ ụgbọ pụha, ọ hụn igunrun ahụn hi-ogbe, omikẹn wẹ nọ mẹ ẹ, makẹni wẹ nọ kẹ atụnrụn nwọnlẹni onyẹ-ndu; ọ nọ kuzimẹ wẹ ihiẹn bu ọda.

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.