Azaya 12:1 - Ika

¹ O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 12:1 ပူးပေါင်းရင်းမြစ်များ

Nehemiah 8:10

Nehimaya a sị wẹ, “Jẹnmẹ ni, d'e ri ni ihiẹn-oriri rị mma; d'a ra nị ihiẹn-ọrịra sụọnị — ụnụ e zijẹnzikwọnị ndị nwọnlẹni hụn wẹ k'e ri. Tannị rị nsọ ẹnya Osolobuẹ ẹnyi; akwanlẹ ni ụya, ịghọghọ Osolobuẹ e ye k'e ye ụnụ ikẹn.”

Jobu 11:16

Makẹni, i k'a zọ nsọngbu i, a nyanhan a hụ lekẹ mirin hughafeni.

Jobu 13:16

M k'e gidẹ ẹ nwọn nzụọpụha, ebe o mẹ ni onwọnni eje-ịhịan egun a nị a bịa ebe ọ rị!

Ẹbụ-ọma 30:5

Makẹni ẹkẹrẹ ogẹn sụọ kẹ olulu ẹ e bie, kanị ndụn kẹ ọhụnma a e ye ịhịan; ẹkwan nwọn ikẹn rịchanrịn uhinhin, kanị eki fọn ụtụntụn, ịghọghọ a bịa.

Ẹbụ-ọma 71:21

I k'e bushiwaye m elu; ị k'a kasịzị m obi.

Ẹbụ-ọma 85:4

Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!

Ẹbụ-ọma 86:17

Mẹni m ihiẹnni gi ghọsị nị ị rị mma, kẹni ndị iwe m hụn a, ifẹnrẹn e mẹgbu wẹ, makẹni yụ wụ Osolobuẹ e yegụọnị m ẹka, makẹni y'a kasịgụọ m obi.

Ẹbụ-ọma 9:1

M ka ja ị mma, Osolobuẹ, ọjịja-mma hụn gha m akpakalị obi pụha; m k'e ku ihiẹn ile a tụ ẹnya ị rụn!

Azaya 10:25

O biekọ, olulu m rị e buni ụnụ a rọ, e bumẹni m wẹ olulu hụn m'e gi tikpọ wẹ.”

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 11:16

Ụzọ shịanị k'a rịnị ndị nke ẹ họdụnị — hụn wẹ k'e gi gha Asiria pụha, k'o dọn rịnị ndị Izrẹlụ ogẹn wẹ gi gha alị Ijiptu pụha.

Azaya 14:3

Ogẹn Osolobuẹ k'e gi ye ụnụ ezumikẹn, napụ ụnụ afụnfụn lẹ uhue lẹ ẹgbụn-igbọn rị ụnụ olu,

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 25:1

Euu Osolobuẹ, ịyụ wụ Chuku m; m k'e ye i ọghọ, ja ẹfan ị mma, makẹni y'e mẹgụọ kẹ onyẹ wẹ gi e dọn ẹnya, mẹ okẹn-ihiẹn ichẹn-ichẹn a tụ ẹnya, ihiẹn ndị hụn ị rotọ mbụ-mbụ.

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 26:1

Ogẹn ahụn, wẹ k'a bụ ẹbụnị imẹ Juda: Ẹnyi e nwọnghọ obodo zeni; Chuku e gigụọ nzụọpụha mẹmẹ mgbọn ẹ lẹ ebe w'a gbaban rịn'a.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 54:7

M jụ ị hụ ẹkẹrẹ ogẹn, kanị m jẹnkọ d'e gi okẹn omikẹn wekinhẹn i.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 54:9

Ogẹnni rị m hụ kẹ ogẹn Nụa, m kun enwẹn m ogẹn Nụa nị mirin e rukpumẹkọzị ụwa. Ẹrịra kẹ m dọn nwan kun enwẹn m nị ebukọzịnị m'i olulu nị ajụgbọkọzị m'ị.

Azaya 60:10

Itumunyẹ k'a tụndọnzidẹ mgbọn ụnụ; ndị-nze wẹ k'a wụ ndị ọrụn ụnụ. E te giọlẹ m olulu mẹ ụnụ ihiẹn, kanị, m jẹnkọ nwan d'e lee ụnụ ẹnya rị mma, mẹ omikẹn ụnụ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 64:5

Y'a nọkunmẹ ndị e gi obi ụsụọ e mẹ ihiẹn furuni, ndị a nyanhan ihiẹn i ku e gi ẹ e bi. Kanị, ogẹn ẹnyi gi tọ a pa oku i iwe nọ we i. Nanị ẹnyi e dọn nwan wanahịn?

Azaya 65:18

Ka ghọghọma nị jẹnrin ejẹn, nwọnsọnmẹ anwịnrịn, makẹ ihiẹn m jẹnkọ d'e ke! Lee n'ẹ, m'e d'e ke Jerusalẹm n'ọ wụrụ ihiẹn ịghọghọ, ndị Jerusalẹm a wụrụ ndị wẹ gi a ghọghọ.

Azaya 66:13

Kẹ nnẹ dọn a hụhụ nwa kẹ m k'a dọn hụhụ ụnụ ẹkwan, ẹkwan ụnụ rị a kwannị Jerusalẹm.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Zẹkaraya 1:16

“Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 14:20

O ru ogẹn hụ, mgbịrịgban mmaka ẹshin yi olu k'a wụ “Ihiẹn Wẹ Gi Kwanị Osolobuẹ”; ite wẹ gi e shi ihiẹn-oriri imẹ Ụlọ Osolobuẹ k'a rị nsọ kẹ afẹrẹ-nsọ rị ihun Ukpo nchụn-ẹjan;

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Zẹkaraya 8:11

“Egikọzị m nwan ẹka m gi sọn ndị Juda mbụ sọn ndịnị họdụnị.” Mmẹ wụ Osolobuẹ ihiẹn ile rị okpuru ẹ ku ẹ.

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!