Azaya 11:2 - Ika

² Mmọn Osolobuẹ k'a rị imẹ ẹ — Mmọn amamihiẹn lẹ nghọta; Mmọn ndụnmọdụn, Mmọn o gi e nwọn ikẹn; Mmọn o gi a marịn ihiẹn, Mmọn o gi a tụ egun Osolobuẹ;

Azaya 11:2 ပူးပေါင်းရင်းမြစ်များ

Samuẹlụ Nke Ẹbụọ 23:3

Chuku Izrẹlụ ku oku, Ọmụma Izrẹlụ sị m: Onyẹ hụn gi ezi-omumẹ a kị, e gi egun Chuku a kị,

Ẹbụ-ọma 72:2

Ya gi ẹka rị mma kị ndị nke i, e ye ndị nke i ụya rị e ri ihiẹn runi wẹ.

Ọpụpụ 28:3

Gwa ndị ọkaa ile, ndị m ye akọ-lẹ-uche w'e gi mẹ ihiẹn ndị nọ ẹnịna, wẹ k'e mẹmẹni Ẹrọnụ ẹkwa ndị w'e gi dọn ẹ nsọ, n'ọ hụn ụzọ rụnmanị m ọrụn ịchụn-ẹjan.

Azaya 28:6

O k'a wụrụ mmọn wẹ gi a han ezigbo-eṅẹn jẹnni onyẹ e dọnzi oku, wụrụ ikẹn ndị agha hụn a nọ ọnụ-mgbọn e gbọndọn agha.

Azaya 32:15

O k'a rị ẹrịra d'e ru mgbe Osolobuẹ gha elu-igwee hukpu ẹnyi Mmọn a, alị ọkpọ-nkụn e họnrin alị e mẹ ihiẹn ọhụnma, alị e mẹ ihiẹn ọhụnma e mẹkẹnmẹ, nọchanrịn kẹ ẹgboko.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 48:16

“Nọzụnhan nị ị nụ ọnwan: Anọtuni m nzuzue ku oku; o ruzikwọ ogẹn o gi e mẹ, m hụ ebahụn. Di-nwọnni-ẹnyi wụ Osolobuẹ zi m ghahanị Mmọn a.

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Zẹkaraya 4:6

Ọ nọ sị m, “Lee ozi Osolobuẹ sị wẹ zi Zerubabẹlụ: Ẹlẹ akwanran mọbụ ikẹn kẹ w'e gi mẹ ẹ, kanị Mmọn m. Ya kẹ Osolobuẹ ihiẹn ile rị okpuru ẹ ku.

Matiu 3:16

Jọnụ e mẹgụ Jizọsị mirin-Chuku, hụn Jizọsị gihụ gha imẹ mirin pụla, elu-igwee nọ kpupụ idẹnmizi; ọ nọ hụn Mmọn Osolobuẹ k'ọ lala rịkẹ nduru, ọ nọ bịa d'e bekwasị a.

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Jọnụ 15:26

“Onyẹ Eyemẹka ahụn Chuku-nẹdi k'e ye m zihẹni ụnụ bịa, ịya sikọ d'e ku oku m: Mmọn-nsọ hụn a ghọsị ezioku rọ, hụn gha imẹ Chuku-nẹdi lala.

Jọnụ 16:13

Mmọn-nsọ hụn a ghọsị ezioku bịa, o du ụnụ, mẹ ụnụ marịn ezioku ile. Makẹni, ẹlẹ uche ẹ k'o k'e ku; kama, ihiẹn o k'a nụ k'o k'e ku. O k'a gwazịkwọ ụnụ ihiẹn ndị jẹnkọ d'e mẹ ihun.

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ditrọnọmi 34:9

Mmọn amamihiẹn jun imẹ Joshụa nwa Nọnụ, makẹni Mozizi e bugụọ ẹka kwasị a. Ya ndị Izrẹlụ nọ gọnmẹ ẹ ntịn, e mẹ ihiẹn ndị ahụn Osolobuẹ gwa Mozizi.

Timoti Nke Ẹbụọ 1:7

Makẹni, Osolobuẹ eyeni ẹnyi mmọn egun, kama, mmọn ikẹn lẹ ihiẹn-ọsụsụọ lẹ ikwọndọn-enwẹn ịhịan k'o ye ẹnyi.

Rẹvẹleshọnụ 1:4

Jọnụ rị e dejẹnni ụka ẹsa rị Ẹgbẹrẹ Eshịa ẹkụkwọnị. Ẹfọma lẹ udọn ya rịnị ụnụ, ẹfọma lẹ udọn onyẹ ahụn rị kikẹnni, Onyẹ ahụn rị mbụ, Onyẹ ahụn lalanị lẹ Mmọn ẹsa rị ihun ukpo ẹ