Azaya 11:11 - Ika

¹¹ Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 11:11 ပူးပေါင်းရင်းမြစ်များ

Jẹnẹsisi 10:10

Obodo Babẹlụ lẹ Ẹrẹkị lẹ Akadị lẹ Kal'nẹ kẹ alị-eze Nimrọdụ gha bidọn — alị ndịnị ile rịsọnmẹ alị Shina wụ Babilọnụ.

Jẹnẹsisi 10:22

Ụmụ Shẹm wụ Ẹlam lẹ Ashuru lẹ Afakishadị lẹ Ludu lẹzi Aram.

Jẹnẹsisi 11:2

Ogẹn wẹ gi rị a kwahunmẹ azụụn ọwụwa-ẹnyanwụn, wẹ nọ hụn alị aradan imẹ alị Shina, wẹ nọ biri ebahụn.

Jẹnẹsisi 14:1

Ogẹn Amrafẹlụ gi wụ eze Shina wụ Babilọnụ, Arịọkụ wụ eze Ẹlasa, Kẹdọlama wụ eze Ẹlam, Tidalụ wụ eze Goi.

Jẹnẹsisi 2:13

Ẹfan iyi nke ẹbụọ wụ Gihọnụ. Ịya wụ hụn wịrịnị, hụn fetuchanrịn alị Ẹtiopịa.

Ndị-nze Nke Ẹbụọ 17:24

Eze Asiria nọ nwan kpọnhẹn ndị rị ichẹn-ichẹn: ndị Babilọnụ, ndị Kọta, ndị Ava, ndị Hamatị lẹ ndị Sẹfavụ. O mẹ wẹ birisọnmẹ obodo ndị rị Sameria, gi wẹ nọkin ẹnya ndị Izrẹlụ Ẹbamịn ugu. Wẹ nọ weri Sameria, biri imẹ obodo ndị rịn'a.

Ẹsta 10:1

Eze wụ Ahazẹrusu kịchanrịn alị ile rị akpakalị lẹ ndị rịkwọrị mkpẹnrẹn ohimin, wẹ ile hụ a tụhan'a ụtụ.

Ẹbụ-ọma 68:22

Osolobuẹ sị, “M k'a gha Bashanị ahụn wetu ndị iṅẹnrẹn m; m k'a ghadẹ imẹ-imẹ ohimin wepụha wẹ —

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 10:20

O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 10:9

Ẹlẹ mmẹ mẹ obodo Kal'no ihiẹn m mẹ obodo Kakẹmishi? Ẹlẹ mmẹ mẹ obodo Hamatị ihiẹn m mẹ obodo Apadị? Ẹlẹ mmẹ mẹ obodo Sameria ihiẹn m mẹ obodo Damaskọsụ?

Azaya 11:16

Ụzọ shịanị k'a rịnị ndị nke ẹ họdụnị — hụn wẹ k'e gi gha Asiria pụha, k'o dọn rịnị ndị Izrẹlụ ogẹn wẹ gi gha alị Ijiptu pụha.

Azaya 19:21

Ẹrịra kẹ Osolobuẹ k'a dọn mẹ ndị Ijiptu marịn a ọhụnma; ogẹn ahụn ndị Ijiptu k'e kweri nị ịya wụ Osolobuẹ nke-esi. Wẹ k'e gi ẹjan ichẹn-ichẹn lẹ oyiye ọka fe ẹ; wẹ k'a gha e kwe Osolobuẹ nkwa, e mẹzu wẹ.

Azaya 19:22

Osolobuẹ k'a tụ Ijiptu eje-emu e gbuni; o k'a tụ wẹ ya, zụọ wẹ — makẹni, ọ tụgụ wẹ ya, wẹ k'e buruhẹ Osolobuẹ, ọ za wẹ, zụọ wẹ.

Azaya 21:2

Ihiẹn ọ ghọsị m imẹ Ọhụn m hụn a jọka njọ: ẹro-ẹro lẹ ntikpọ-ntikpọ rịchanrịn a; Ndị Ẹlam, mayeni wẹ ọgụn! Ndị Mẹdịa, kehunmẹni wẹ! M jẹnkọ nwan d'a kụsị udẹn ile o mẹ ndị rị okpuru ẹ a sụn.

Azaya 22:6

Ndị alị Ẹlam bukọ ẹkpa ọbara-ụta, uwẹ kịzị ụgbọ-ẹshin agha lẹ ndị e nyinn'ẹ; ndị alị Kiri nkẹ e bupụha akpaịn.

Azaya 24:15

Ndị rị ẹbamịn ọwụwa-ẹnyanwụn yemẹ ni nwan Osolobuẹ ọghọ; ja nị ẹfan Osolobuẹ wụ Chuku Izrẹlụ mma imẹ alị ndị hụ tegbu enwẹn ẹ rị mkpẹnrẹn ohimin.

Azaya 37:31

Ndị Juda họdụnị k'a gbazị mkpọgụn ibe alị, mị mkpụrụ ibe elu.

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 42:12

Wẹ ile wẹ ye Osolobuẹ ọghọ, wẹ ku ihiẹn o mẹ — kẹ alị ndị teni rị mkpẹnrẹn ohimin.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 66:19

M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Jerimaya 25:25

eyezighọ m ndị-nze ile kị alị Zimri lẹ alị Ẹlam lẹ alị Mẹdịa

Jerimaya 31:10

Ụnụ ndị alị ile, gọnkwọ nị ntịn ihiẹn Osolobuẹ rị e ku; gwasọnmẹ ni alị ndị rị ebe teni rịdẹ mkpẹnrẹn ohimin nị: “Onyẹ hụn feyịya ndị Izrẹlụ jẹnkọ d'e wegbama wẹ, lepụ wẹ ẹnya nọkẹ onyẹ e du atụnrụn.

Jerimaya 44:1

Ọnwan wụ oku Osolobuẹ gwa Jerimaya banyeni ndị Juda ile bi alị ichẹn-ichẹn imẹ Ijiptu. Alị ichẹn-ichẹn ndị ahụn wụ Mig'dọlụ, Tapanhẹsị, Mẹmfisi lẹ Patrọsị:

Jerimaya 49:23

Nke obodo Damaskọsụ, “Ndụn a gụgụọ alị Hamatị lẹ alị Apadị — makẹni wẹ nụ eje-ozi; obi e dẹnhingụọ wẹ yeni uhue, obi a nọ wẹ kẹ ohimin ẹbi rị a kpọ, obi eruzini wẹ alị.

Izikẹlụ 27:6

Ezigbo osisi okuu alị Bashanị kẹ wẹ gi tụn amaran wẹ gi a nyan ị; ezigbo osisi saịprẹsị alị Saịprọsụ kẹ wẹ gi ma alị ị, gi eze ẹnyi nyan a.

Izikẹlụ 29:14

A gha m ebe lẹ ebe wẹ kpụnjẹn wẹ welụa wẹ, wekinhẹn wẹ imẹ Patrọsị alị Ijiptu, ọkpụlọ wẹ. A nọdị wẹ ebẹhụ wụrụ alị-eze rị alụlụa.

Izikẹlụ 30:14

M k'e tikpọ ọkpụlọ wẹ wụ Patrọsị la iwi, mụ ọkụn ye alị wẹ wụ Zụanị, ye alị wẹ wụ Tẹbẹsi afụnfụn.

Izikẹlụ 32:24

“Alị Ẹlam nkẹ hụzị ili, ya lẹ igwerigwe ndị agha a ile fihunmẹn'ẹ ebẹhụ; a nwụnchanrịngụọ wẹ. Ọpịa-agha e gbuchanrịngụọ wẹ. A lagụọ wẹ nwan ebe kachanrịn e mi imẹ alị, wẹ ile felẹni Osolobuẹ. Wẹ te e rọn ndị rị elu ụwa egun, kanị ifẹnrẹn rị nwan e mẹgbu wẹ imẹ ili lekẹ ndị ọzọ.

Izikẹlụ 38:8

Ọ nọbe, m k'a kpọ ị ọrụn; ihun-ihun, i k'e jẹn d'a lụsọn alị ohu agha: alị wẹ dọnzigụhụ kẹ agha tikpọgụ a, ndị wẹ ghagụhụ alị bu ọda wekinhẹn alị wẹ. Alị ugu wụ Izrẹlụ rọ. Alị hụn te gbabie okpokoro, wẹ nọ gha alị ndị ọzọ rị ichẹn-ichẹn welụa wẹ, e bimẹzi wẹ udọn-lẹ-ndọnkwa.

Daniẹlụ 1:2

Osolobuẹ nọ bu Jehoyakim eze Juda che ẹ ẹka, nịzị a kịrị arịa ndị ọ kịrị imẹ Ụlọ-nsọ Chuku, ọ nọ buru ihiẹn ndịnị shi ụnọ-mmọn a rị Babilọnụ, bu wẹ che ebe w'e dọnmẹ ihiẹn rị mkpa imẹ ụlọ-mmọn a.

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Daniẹlụ 8:2

Imẹ ọhụn ahụn, m hụn enwẹn m imẹ isi-obodo wụ Susa, hụn rị imẹ Ẹgbẹrẹ Ẹlam. Imẹ ọhụn ahụn, m rị mkpẹnrẹn mirin, mkpẹnrẹn Ote-mirin Ulaị.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Hosia 11:10

Omẹgụ, wẹ k'e kinhẹn: wẹ k'a gbasọn Osolobuẹ, ogẹn m'e gi dẹn kẹ ẹwọrọ. M dẹnhụ kẹ ẹwọrọ, ụmụ m rị ẹbamịn ọdịdan-ẹnyanwụn e gi ẹhụ ọmụma-nni buruhẹ m.

Hosia 11:11

Wẹ k'a ghazịkwọ Ijiptu mahan kpa-kpa-kpa kẹ nnụnụ, ghazịkwọ Asiria mahan piripiri kẹ nduru; e wekinzi m wẹ che iwe wẹ rị ichẹn-ichẹn.” Mmẹ wụ Osolobuẹ ku.

Maịka 7:12

O ru ogẹn hụ, a gha wẹ Asiria lẹ obodo rịsọnmẹ Ijiptu lụaburu i, gha Ijiptu d'e ru Iyi Yufretisi lụaburu i, gha ebe ile ohimin ru lẹ ugu ile lụaburu i.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹkaraya 5:11

Ọ nọ sị m, “Wẹ bukọ a alị Shina wụ Babilọnụ d'a tụnn'a ụlọ-mmọn; wẹ tụngụ a, a dọ w'a ye elu ukpo-mmọn wẹ k'a nọ e fe ẹ.”

Zẹkaraya 8:7

Osolobuẹ ihiẹn ile rị okpuru ẹ sị: “M sikọ nwan d'a zụọpụha ndị nke m, kẹ ndị rị alị ibe anwụn n'a wa kẹ ndị rị ibe ọ n'a dan,

Zẹkaraya 9:2

O k'e mẹshizikwọ alị Hamatị ikẹn Hamatị ya lẹ Aram nọ okẹn, ịya lẹ alị Taya lẹ Sidọnụ, ọsụọn'a nị ndị Taya lẹ Sidọnụ a waka ẹnya.

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!

Ndị Rom 11:26

Ya wụ, ndị Izrẹlụ ile jẹnkọ d'e nwọn nzụọpụha, nọkẹ kẹ Ẹkụkwọ-nsọ dọn ku, sị, “Onyẹ-nzụọpụha k'a gha obodo Zayọnụ bịa; o k'e wepụ eje-obibi imẹ igunrun ụmụ Jekọpụ.”

Ndị Kọrẹntị Nke Ẹbụọ 3:16

Kanị, ịhịan rogharị buruhẹ Di-nwọnni-ẹnyi, o wepụ a ẹkwa hụ kpumẹ uche ẹ.

Ditrọnọmi 9:29

Ndị nke i kẹ wẹ wụ, ukuu i hụn i gi ikẹn i hi-ogbe lẹ ikẹn i kpa wepụha.”