Azaya 11:10 - Ika

¹⁰ Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 11:10 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ihiẹn Mẹni Nke Ibuzọ 2:12

Bụazị wụ nẹdi Obẹdi; Obẹdi wụ nẹdi Jese.

Ẹbụ-ọma 116:7

Obi m, zumẹzi nwan ikẹn, nị Osolobuẹ e mẹkẹmẹkẹni m.

Ẹbụ-ọma 145:11

Wẹ k'e ku oku ọghọ alị-eze i, ku oku ikẹn i,

Ẹbụ-ọma 149:5

Ndị e mẹ uche ẹ wẹ gi ọghọ o ye wẹ yimẹ oro; wẹ bụsọnmẹ ẹbụ ịghọghọ elu bẹdi wẹ.

Ẹbụ-ọma 91:1

Onyẹ hụn warị okpuru Chuku Kachanrịnnị, a rịsọnmẹ igungun Onyẹ Nwọn Ikẹn Ile.

Ẹbụ-ọma 91:4

O k'e gi ugbele ẹka-nku ẹ kpumẹ i, ya nọdị okpuru nku ẹ, ihiẹn e mẹkọ ị. Akpaịn uku lẹ akpaịn nta wẹ gisọnmẹ e che ịhịan nche k'ọ wụ makẹni o furu w'a tụkwasị obi.

Azaya 11:1

Mkpọgụn Jese họdụ alị k'a gbọrị, mkpọgụn a họdụ alị k'a gbọrị, wapụha agalaba; agalaba hụ k'a mị mkpụrụ.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 14:3

Ogẹn Osolobuẹ k'e gi ye ụnụ ezumikẹn, napụ ụnụ afụnfụn lẹ uhue lẹ ẹgbụn-igbọn rị ụnụ olu,

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 2:2

O ru ihun, ugu Ụlọ-nsọ Osolobuẹ k'a wụrụ ugu kachanrịn ugu ile mkpa; wẹ k'e mẹ ẹ nwọnnahịn òke ile ọghọ, ndị alị ile e rushi ebẹhụ.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 28:12

ndị nwẹn o te kuyeni, sị, “Ebeni wụ ebe izu-ikẹn, ndị ndụn gụ wẹ zu ikẹn”, “Ebeni kẹ ndụn a nọ ban ụnụ” — kanị egọnni wẹ ntịn.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 49:22

Di-nwọnni-ẹnyi wụ Osolobuẹ sị, “Lee ẹ, m jẹnkọ d'e fe ndị alị ọzọ ẹka; m k'e weshini ndị alị ichẹn-ichẹn ẹkwa-ahịma m; wẹ k'a palụa ụmụ-ị-ikẹnnyẹ, parị ụmụ-ị-ikpoho uvun palụa.

Azaya 59:19

Ịhịan ile a gbaye Osolobuẹ — kẹ ndị rị ẹbamịn ọdịdan-ẹnyanwụn ịhịan ile e ye ẹ ọghọ — kẹ ndị rị ẹbamịn ọwụwa-ẹnyanwụn, makẹni Osolobuẹ k'a bịa nọkẹ okẹn iyi rị e huni, okẹn iyi hụn ufere Osolobuẹ buhẹ.

Azaya 60:3

Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 60:5

Ogẹn y'e gi hụn wẹ, ihun i k'e kechan kẹ ukpẹ, obi a sụọma ị ụsụọ, ịghọghọ e jun i obi. Akụ-lẹ-ụba wẹ e bu elu ohimin k'a wụrụ nke i; akụ-lẹ-ụba alị ichẹn-ichẹn k'a wụrụzịkwọ nke i.

Azaya 62:10

Pụha nị! Ghashi ni ọnụ-mgbọn hụ pụha!! Kwa nị nị ndị alị ụzọ! Rụn n'a! Rụntọ nị ụwaya! Wepụsọnmẹ ni ọmụma ndị hụ! Weshi ni ahịma elu nị ndị alị ichẹn-ichẹn bịa.

Azaya 66:19

M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Hagaị 2:9

Ọghọ hụn k'a rị Ụlọnị k'a ka hụn te rị nke mbụ ahụn wẹ tikpọ. Mmẹ wụ Osolobuẹ ihiẹn ile rị okpuru ẹ ku ẹ. M k'e mẹ n'ọ rịnị ụnụ mma ebeni.’ Ya kẹ Osolobuẹ ihiẹn ile rị okpuru ẹ ku.”

Zẹkaraya 6:13

Ịya sikọ d'a tụn Ụlọ-NSỌ Osolobuẹ; o k'e nwọn ọghọ ndị-nze; o k'a nọdị ukpo ẹ, kị. Ọ k'a wụzị onyẹ nchụn-ẹjan ebe ọ rị ukpo ẹ a kị. Ọrụn a ẹbụbụọnị k'a layechanrịn.’

Ọgụngụn 10:33

A ghagụ wẹ Ugu Osolobuẹ buli, ya wẹ nọ jẹn ijẹn akp'ọhịn ẹtọ. Ẹkpẹti Nkwerigbama buruni wẹ ụzọ akp'ọhịn ẹtọ ahụn d'a chọnị wẹ ebe w'a nọ ziẹn zu ikẹn.

Matiu 12:21

Ndị alị ndị ọzọ ile k'e gidẹ ẹfan a dọn ẹnya.”

Matiu 8:11

M rị a gwa ụnụ, ndị bụ ọda k'a gha kẹ ẹbamịn ọwụwa-ẹnyanwụn kẹ ẹbamịn ọdịdan-ẹnyanwụn bịa d'e sọn Ebraham lẹ Aziki lẹ Jekọpụ ri oriri imẹ Alị-eze elu-igwee;

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 12:32

Mmẹ nwẹn, ogẹn w'e gi gha alị weshi m elu, m jẹnkọ d'a dọrị ịhịan ile.”

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 28:28

Marịn nị nwan n'e zigụọ wẹ ndị alị ọzọ ozi nzụọpụhanị gha ẹka Osolobuẹ bịa: nị wẹ gọnghọ ntịn!”

Hibru 4:1

Nị ẹnyi gikwọ nị nwan egun e bi, hụnnị nkwa ezumikẹn o kwe kelẹni gharị, makẹ ọ gha a nahịn onyẹ ọwụlẹ imẹ ụnụ.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Rẹvẹleshọnụ 22:16

“Mmẹ wụ Jesu zi mmọn-ozi m d'e zi ụnụ ozini, kẹni o ru ụka ichẹn-ichẹn ẹka. Mmẹ wụ mkpọgụn Defidi gha suepụha; m ghazịkwọ ẹhụ Defidi pụha. Mmẹ wụ kokisẹ ụtụntụn ahụn e keni.”

Rẹvẹleshọnụ 5:5

Ya kẹ onyẹ ohu imẹ ndị-isi hụ nọ sị m, “Akwanzilẹ! Lee ẹ, Ẹwọrọ ebọn Juda, Mkpọgụn Defidi, e mẹrigụọ; ya furu hụn a tọpụ eriri ẹsa ndị ahụn, fịfịpụ ẹkụkwọ hụ.”