Azaya 10:34 - Ika

³⁴ O k'e gi anyụn gbutu wẹ ile nọkẹ ebe wẹ nọ gbutu osisi rị ẹgboko; ẹgboko Lẹbanọnụ k'a dan alị ihun Onyẹ ahụn wụ Dikẹn.

Azaya 10:34 ပူးပေါင်းရင်းမြစ်များ

Ẹbụ-ọma 103:20

Ja nị Osolobuẹ mma, ụnụ ndị mmọn-ozi ẹ wụ ndị dikẹn, hụn e mẹ ihiẹn ọwụlẹ o ku, ihiẹn ọwụlẹ wẹ nụ ọnụ a.

Azaya 10:18

Kẹ ọghọ ẹgboko ẹ kẹ ọghọ ugbo ẹ mẹ wokowoko, o k'e wiwichanrịn wẹ kẹ emu dọn e fie ịhịan ẹhụ.

Azaya 2:13

ụhụọhịn o k'e betu okẹn-osisi sida alị Lẹbanọnụ lẹ okẹn osisi-okuu alị Bashanị ile;

Azaya 31:8

“Ogẹn hụ, ọpịa-agha k'e gbu ndị Asiria, kanị ẹlẹ ọpịa-agha ịhịan; ọpịa-agha Osolobuẹ k'e gbu wẹ, ẹlẹ nke ịhịan, a gbanị wẹ ọpịa-agha hụ ọsọ; wẹ k'a nwụndọn ikorọbịa wẹ, gi wẹ họnrin igbọn.

Azaya 33:9

Ụya rị nwan e ri alịnị ile, ọ hụ a la iwi, ẹgboko Lẹbanọnụ e shinwụngụọ, ifẹnrẹn e mẹgbu ẹ! Alị Sharọnụ rị nwan kẹ alị ọkpọ-nkụn. Osisi ndị jun Bashanị lẹ Kamẹlụ a gbụchanrịngụọ ẹhụhụọ.

Azaya 37:24

Y'e gigụọ ndị hụn i zihẹ kpari Osolobuẹ ọda-ọda; y'a nyangụọ isi, sị, ‘E gigụọ m ụgbọ-ẹshin m bu ọda ru mkpọnụnụ ugu rudẹ mkpọnụnụ ugu ndị ka ugu imẹ Lẹbanọnụ; e gbutugụọ m osisi sida ndị kachanrịn usue ebẹhụ, gbutuzikwọ paịnị ndị ka mma ebẹhụ. E rugụọdẹ m ugu ndị hụn kachanrịn e te rịn'a lẹ ebe ẹgboko ẹ nọ kachanrịn mma.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Jerimaya 22:7

M họlan'ị ndị k'e tikpọn'ị — onyẹ-onyẹ gi ihiẹn ọgụn a; wẹ k'a jakịka ibe osisi sida ile wẹ gi rụn ị, kpọnye ọkụn.

Jerimaya 48:2

Anụkọzị wẹ ẹfan Mụabụ; wẹ k'a nọ Hẹsh'bọnụ rị Mụabụ zu umẹ hụn wẹ k'e gi tikpọ alị Mụabụ ru alị, a sị, ‘Pụha nị, nị ẹnyi tikpọ n'a n'ọ wụbehi alị.’ Alị Mad'mẹni, wẹ k'e kpumẹzikwọ ị ọnụ; ọpịa-agha k'a chụ ị ọsọ!

Izikẹlụ 31:3

Ka nyanhankwọ Asiria, hụn te wụ okẹn-osisi sida ẹgboko Lẹbanọnụ; ọ wa agalaba ndị magbu enwẹn wẹ mma, nkewụnị ẹgboko nwẹn hụdẹ igungun ẹ; ọ pụ ẹka ọhụnma-ọhụnma, suenahịn osisi ile.

Daniẹlụ 4:23

“Eze-Agụ, imẹ nrọ hụ, ị nọ hụn onyẹ-ozi, onyẹ-nsọ, k'ọ gha elu-igwee lala, a sị, ‘Gbutu ni osisi hụ, kẹni ogwe ẹ lẹ ihiẹn rịn'a nwụnhụn. Ka la nị ukun ẹ tọ alị, gi igwe-mmaka lẹ igwe-bronzu limẹ ẹ tọ imẹ irurue; mkpọgụn a ya nọdị imẹ anị ebẹhụ. Igirigi y'a gha elu-igwere e ziẹnkpu ẹ; ya bi kẹ anụmanụ ọrọgbọ ahụa ẹsa.’

Nahum 1:12

Osolobuẹ sị Izrẹlụ: Ọsụọn'a nị ndị Ninivẹ e zekẹ, ọsụọn'a nị e bukẹ wẹ ọda, wẹ k'e tikpọ wẹ, nke wẹ a gụ. Ọsụọn'a nị e yeọlẹ m ụnụ afụnfụn nkesi, eyekọzị m ụnụ afụnfụn.

Ndị Tẹsalonika Nke Ẹbụọ 1:7

mẹ ụnụ nwẹn rị a ta afụnfụn zu ikẹn, mẹzikwọ ẹnyi nwẹn zu ikẹn. O jẹnkọ d'e mẹ ẹ ogẹn Di-nwọnni-ẹnyi Jesu k'e gi gha elu-igwee bịa, ya lẹ ndị mmọn-ozi ẹ hụ kin akwanran.

Pita Nke Ẹbụọ 2:11

Kanị, ọsụọn'a nị ndị mmọn-ozi ka e ze, ka ikẹn e nwọn, w'a ra kuja oku eje-mmọn ihun Di-nwọnni-ẹnyi.

Rẹvẹleshọnụ 10:1

Ya m nọ hụn mmọn-ozi ọzọ kin akwanran k'ọ gha elu-igwee hidanla. Orukpu fụhunmẹ ẹ; ekọn-lẹ-ogugu rị ibe isi ẹ; ihun ẹ nọ kẹ ẹnyanwụn. Ụkụ a rị kẹ adansụn ẹbụọ wẹ gi ọkụn mẹmẹ.

Rẹvẹleshọnụ 18:21

Ya mmọn-ozi ohu kin akwanran ọda-ọda nọ buru ọmụma han kẹ ọlọ, tụ a ye imẹ ohimin, sị, “Ẹnịna kẹ wẹ k'a dọn gi ikẹn fịan obodo uku hụ wụ Babilọnụ alị; ahụnkọzị w'a!