Azaya 10:3 - Ika

³ Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 10:3 ပူးပေါင်းရင်းမြစ်များ

Jẹnẹsisi 31:1

Jekọpụ a nụ nị ụmụ-ikẹnnyẹ Labanị rị a sị, “Jekọpụ e werichanrịn ihiẹn ile nẹdi ẹnyi nwọn; ẹka nẹdi ẹnyi k'ọ nọ nwọn ihiẹn ndịnị ile o nwọn.”

Ndị-nze Nke Ẹbụọ 7:15

Ya wẹ nọ sọnsọnmẹ ụzọ wẹ gha d'e rukwọrị Iyi Jọdanị, wẹ hụ a hụn ẹkwa lẹ ihiẹn ndị ọzọ ndị Aram matuhu kẹ wẹ gbakọ ọkụn-ọkụn. Ya ndị ozi hụ nọ kinhẹn d'a gwa eze kẹ wẹ jẹn.

Jobu 31:14

kẹ m k'e mẹ ogẹn Chuku e gi jụ m'a? Kẹ m k'e kin ọ jụma m ukwere ẹ?

Itẹn 11:4

Akụ-lẹ-ụba ara zụọpụha ịhịan ẹka Osolobuẹ, kanị ezi-omumẹ a napụdẹ ịhịan ọnwụn.

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 17:4

“O ru ogẹn ahụn, ọghọ ebọn Jekọpụ wụ Izrẹlụ k'a la, o fiechanrịn ẹhụ.

Azaya 20:6

Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ”

Azaya 26:14

A nwụnhụngụọ wẹ nwan, arịzị wẹ ndụn; mmọn wẹ lagụnị ekinhẹnkọ. Ịyụ ye wẹ afụnfụn, tikpọ wẹ; y'e finchanpụchanrịn ihiẹn ile w'e gi nyanhan wẹ.

Azaya 26:21

Lee n'ẹ, Osolobuẹ gha ebe-obibi ẹ pụla d'e ye ndị rị elu-ụwa afụnfụn njọ wẹ. Alị jẹnkọ d'a ghọsị ẹdeke ndị wẹ gbu elu ẹ — o kpumẹkọzị ndị wẹ gbu elu ẹ.

Azaya 28:20

Elu-ukpo ụnụ dinẹ erukọ ụnụ tịnpụ ẹhụ; ẹkwa ezukọ ụnụ fụrụ oyi.

Azaya 29:6

Osolobuẹ ihiẹn ile rị okpuru ẹ k'e mẹ wẹ ihiẹn, zihẹni wẹ akpara, alị-ọmahihie lẹ okẹn ụzụn, zihẹni wẹ eje-ufere lẹ ẹbi lẹ ọkụn rị a dụnnị.

Azaya 30:16

Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!

Azaya 30:5

ifẹnrẹn jẹnkọ d'e mẹchanrịn onyẹ ọwụlẹ, hụn wẹ gi danbemẹ alị nwọnlẹni erere o k'a bannị wẹ, alị nwọnlẹni ẹka o k'e yeni wẹ mọbụ ihiẹn rị mma o k'e mẹni wẹ, alị k'e buhẹni wẹ ifẹnrẹn lẹ ịfa sụọ.”

Azaya 30:7

alị Ijiptu hụn eyemẹka a jẹnkọlẹni d'e nwọn isi — alị Ijiptu hụn m'a kpọ, “Rehabụ, Okẹn-anụ ghalẹni a s'ẹka e mẹ ihiẹn ọwụlẹ.”

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 39:3

Omẹgụ, onyẹ-amụma wụ Azaya nọ buru eze wụ Hezikaya, sị a, “Kịnị kẹ ikẹnnyẹ ndịnị ku? Elebe kẹ wẹ gha bịa?” Hezikaya nọ sị a, “Wẹ gha alị teni bịa, alị Babilọnụ kẹ wẹ ghakwọrị bịa d'a hụn m.”

Azaya 5:14

Ili rị nwan e lue ẹkpịrị e che we ọda-ọda, ọ shịapụchanrịngụọ ọnụ; ndị-isi lẹ ndị-mmaka rịn'a sikọ d'a danye imẹ ẹ, wẹ lẹ ndị ọgụn-lẹ-mkpọtụ wẹ lẹ ndị oriri-lẹ-ọrịra wẹ.

Azaya 5:26

O weligụọnị alị ndị rị ebe teni ahịma nị wẹ bịa, kẹni wẹ bịa d'a lụsọn ndị nke ẹ agha; o gigụọ ọfịfị kpọ alị ndị rị njẹndemẹ ụwa. E lee wẹ kẹ wẹ lala warawara, gbala ozigbo-ozigbo!

Jerimaya 22:7

M họlan'ị ndị k'e tikpọn'ị — onyẹ-onyẹ gi ihiẹn ọgụn a; wẹ k'a jakịka ibe osisi sida ile wẹ gi rụn ị, kpọnye ọkụn.

Jerimaya 4:30

Ịyụ hụn wẹ tikpọchanrịngụ, k'ị rịzị nwan e mẹ? K'ị yirini okẹn ẹwuru ufie lẹ goru? K'i tesọnmẹni ihiẹn ẹnya? Ị rịhụ a chọ mma mmaka. Ndị yụ lẹ wẹ gba a sụọ e lelịagụọ ị; wẹ chọkọdẹ nwan isi i.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 9:9

Kị k'e mẹ m eyelẹ wẹ afụnfụn ihiẹnni?” Ya kẹ Osolobuẹ ku — “Kị k'e mẹ m emẹgwarịlẹ alị nọ ẹnịna?”

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Hosia 9:5

Kị ụnụ k'e mẹ nwan ebẹhụ ụhụọhịn mmẹmmẹ; ụhụọhịn ụnụ gi e mẹni Osolobuẹ mmẹmmẹ?

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Emọsụ 5:19

Nọkẹ ebe ịhịan gbakọnị ẹwọrọ, gbakunrun eje-anụ wụ biẹ mọbụ ebe ịhịan nọ ban imẹ ụlọ, bu ẹka kwasị ẹhụ-ẹjan, agwọ a ta a.

Maịka 7:4

Mma wẹ e mẹ nọ kẹ ogun; onyẹ hụn kụrụ ọtọ imẹ wẹ akanị ụgba ogun-lẹ-ọkịnkan mma. Kanị ogẹn ahụn ndị-nche ụnụ gwatọ ụnụ a bịagụọ, ogẹn m'e gi ye ụnụ afụnfụn; o sikọ d'a gba ụnụ ngharị-ẹnya!

Zẹfanaya 1:18

Egho wẹ lẹ ihiẹn ile wẹ nwọn azụọpụhakọ wẹ ogẹn hụ Osolobuẹ k'e gi ghọsị iwe-lẹ-ọnụma a. O k'e gi iwe-lẹ-ọnụma bu elu-ụwa ile ri kẹ ọkụn dọn e bu ihiẹn e ri.”

Luku 19:44

Wẹ jẹnkọ d'e tikpọ ị ru alị, yụ lẹ ndị rị imẹ i: onwọnni ogbe ọmụma ohu wẹ gi tụn ị hụn wẹ jẹnkọ d'a latọ elu ibe ẹ, makẹni y'a marịnnị ogẹn Osolobuẹ gi bịa d'e mẹni i ọhụnma.”

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.