Azaya 10:20 - Ika

²⁰ O ru ogẹn ahụn, ndị Izrẹlụ k'a họdụnị — ndị ikpụnọ Jekọpụ hụn k'a hụn isi wanahịn — egikọzị onyẹ hụ e gbuni wẹ dọn ẹnya, Osolobuẹ hụn wụ Onyẹ-nsọ Izrẹlụ kẹ wẹ k'e gichanrịn dọn ẹnya.

Azaya 10:20 ပူးပေါင်းရင်းမြစ်များ

Ndị-nze Nke Ẹbụọ 16:7

Ahazị nọ zi ozi jẹnni Tiglatị-Pilesa eze Asiria, sị a, “Odibo i lẹ nwa ị kẹ m wụ. Bịa d'a zụọpụha m ẹka eze Aram lẹ eze Izrẹlụ, nị wẹ rị e bu a nụmanị m.”

Ndị-nze Nke Ẹbụọ 19:31

Ẹghẹẹ, o nwọnghọ ndị k'a họdụnị imẹ Jerusalẹm, igunrun ịhịan k'a wanahịnrịrị imẹ ugu Zayọnụ. Adụdụ Osolobuẹ gi e mẹ ihiẹn kẹ Osolobuẹ k'e gi mẹ ihiẹnni.

Ihiẹn Mẹni Nke Ẹbụọ 14:11

Ya kẹ Asa nọ kpọku Osolobuẹ wụ Chuku, sị, “Osolobuẹ, onwọnni onyẹ nọ kẹ yụ hụn k'e yeni onyẹ nwọnlẹni ndụn ẹka lụsọn dikẹn ọgụn. Osolobuẹ wụ Chuku ẹnyi, dodo yeni ẹnyi ẹka, makẹni ịyụ kẹ ẹnyi gi dọn ẹnya; ẹfan ị kẹ ẹnyi gi bịa d'a lụsọn igunrun-aghanị ọgụn. Osolobuẹ dodo, ịyụ wụ Chuku ẹnyi; anịkwọlẹ ịhịan mẹri i.”

Ihiẹn Mẹni Nke Ẹbụọ 28:16

Ogẹn hụ, Ahazị wụ eze Juda zi wẹ d'a rịọ eze Asiria d'e yen'ẹ ẹka lụsọn ndị-iṅẹnrẹn ẹ ọgụn —

Ihiẹn Mẹni Nke Ẹbụọ 28:20

Tiglatị-Pilesa, eze Asiria a bịaghọ d'a za oku, kanị nsọngbu k'o ye Ahazị, ẹlẹ eyemẹka.

Ẹzra 9:14

“Nị ẹnyi pamazị nwan oku i, sọn ndịnị ihiẹn ndịnị y'a sọ lụtarịma di-lẹ-nwunyẹ? O runi nwan hụn y'e gi gi olulu sọn ẹnyi, gbuchanrịn ẹnyi ile, onwọnkọzị onyẹ k'a họdụ mọbụ bikin ugbẹ ẹnyi?

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 11:16

Ụzọ shịanị k'a rịnị ndị nke ẹ họdụnị — hụn wẹ k'e gi gha Asiria pụha, k'o dọn rịnị ndị Izrẹlụ ogẹn wẹ gi gha alị Ijiptu pụha.

Azaya 37:4

O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Azaya 46:3

Gọn ni m ntịn-o, ebọn Jekọpụ — ụnụ ile ndị họdụ ezi-lẹ-ụlọ Izrẹlụ. Mmẹ bu ụnụ kete w'a tụlẹ imẹ ụnụ; mmẹ bu ụnụ kete ụnụ banlẹ imẹ ẹfọ.

Azaya 50:10

Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.

Azaya 6:13

Ọsụọkwọn'a ohu imẹ iri sụọ họdụ alịnị, wẹ k'a dụn wẹ ọkụn. “Kanị, kẹ okẹn-osisi dọn a latọ mkpọgụn alị wẹ gbutugụ wẹ, ẹrịra kẹ mkpụrụ rị nsọ k'a dọn họdụ alịnị, wụrụ mkpọgụn hụ wẹ latọ.”

Jerimaya 3:23

Eziẹ, ụzụn ile ẹnyi a zụn ebe ẹnyi rị a rụa mmọn elu òke lẹ elu-ugu enwọn isi; ezioku, ẹka Osolobuẹ wụ Chuku ẹnyi sụọ kẹ nzụọpụha k'a gha bịanị Izrẹlụ.

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”