Azaya 10:12 - Ika

¹² Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 10:12 ပူးပေါင်းရင်းမြစ်များ

Ndị-nze Nke Ẹbụọ 19:31

Ẹghẹẹ, o nwọnghọ ndị k'a họdụnị imẹ Jerusalẹm, igunrun ịhịan k'a wanahịnrịrị imẹ ugu Zayọnụ. Adụdụ Osolobuẹ gi e mẹ ihiẹn kẹ Osolobuẹ k'e gi mẹ ihiẹnni.

Ẹbụ-ọma 18:27

Y'a zụọpụha ndị e welụa enwẹn wẹ alị, kanị y'e wetu ndị weshi enwẹn wẹ elu.

Ẹbụ-ọma 21:10

I k'e gbupụ ụmụ wẹ elu-ụwa, agbọ wẹ ahọdụkọzị.

Ẹbụ-ọma 76:10

Ịhịan bugụ olulu ẹ, y'e gi olulu ẹ nwọnrin ọjịja-mma — ndị iwe họdụnị e mẹ jụụ!

Ẹbụ-ọma 76:5

Ị nọdẹ napụchanrịn ndị odogun-agha hụ ihiẹn wẹ, a dan wẹ ranhịn ụran wẹ ghalẹni e tẹnhin! Ndị-agha wẹ ile asanị ẹka mẹ ihiẹn-anaị.

Itẹn 21:4

Ẹnya mpache lẹ nhọnrọn hụn wụ ukpẹ ndị eje-omumẹ — wụchanrịn njọ.

Itẹn 30:13

O nwọnghọ ndị a pachesọnmẹni, e legberi ndị ọzọ.

Azaya 2:11

Wẹ sikọ d'a kwa ndị nhọnrọn nku, welụa ndị mpache alị; Osolobuẹ sụọ kẹ wẹ k'e ye ọghọ ụhụọkịn ahụn.

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 24:21

O ru ogẹn hụ, Osolobuẹ k'e ye ihiẹn rị igwere afụnfụn imẹ elu-igwere, yezikwọ ndị-nze rị ụwa afụnfụn elu-ụwa.

Azaya 27:7

Osolobuẹ e tighọdẹ nwan Izrẹlụ ihiẹn k'o dọn ti ndị hụn ti Izrẹlụ ihiẹn ra? Ra o gbughọ a ozun k'o dọn gbu ndị hụn gbun'ẹ?

Azaya 27:9

Ọnwan kẹ Osolobuẹ k'e gi wepụ ikpe ma ebọn Jekọpụ. Ọnwan k'o gi ghọsịchanrịn n'o wepụgụọ njọ a: o k'e tikpọchanrịn ukpo ọmụma wẹ nọ a kwa ese, gweriẹn ọmụma rịn'a lekẹ nzụn mmaka. Ahụnkọzị wẹ osisi wẹ zumẹni mmọn Ashẹra mọbụ ukpo nsẹnsi.

Azaya 29:14

M jẹnkọ d'e mẹzi ndịnị ihiẹn k'a tụ wẹ ẹnya, mẹsọnmẹ wẹ ihiẹn a tụ ẹnya — amamihiẹn ndị marịn ihiẹn a la iwi, nghọta ndị a ghọtanị a la.

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 37:23

Onyẹ k'i kpari hụnnị ile, e kuja oku ẹ? Onyẹ k'ị gan hụnnị ile? Onyẹ k'ị rị e bọnmẹni? Onyẹ-nsọ Izrẹlụ rọ!

Azaya 37:29

Makẹ olulu hụ ị rị e buni m lẹ ihiẹn ile i gi e kukarị enwẹn i, hụn ru m ntịn, m jẹnkọ d'e kọn ukpo m ye i imi, a kwa m'ị ngan ọnụ, e mẹ m'i gha ụzọ ị gha bịa kin azụụn.

Azaya 5:15

Wẹ k'e welụachanrịn ịhịan alị, budanchanrịn ịhịan ile, kwa ndị nhọnrọn nku.

Azaya 50:11

Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Azaya 9:9

Ịhịan ile a marịnghọ — kẹ ndị Ifrem kẹ ndị bi isi-obodo wẹ wụ Sameria — ndị rị e kukarị enwẹn wẹ makẹ mpache wẹ, a sị,

Jerimaya 25:29

Lee ẹ nị e tikpọmagụọdẹ m obodo Jerusalẹm hụn rị a za ẹfan m, nanị ụnụ e dọn nwan la ọfẹ? Ụnụ alakọkwọ ọfẹ, makẹni m zilanị ndị ile bi elu-ụwa ọpịa-agha. Mmẹ wụ Osolobuẹ ihiẹn ile rị okpuru ẹ e kugụọ a.’

Jerimaya 50:18

Ufiri ẹ, mmẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, sị: M jẹnkọ d'e ye eze Babilọnụ lẹ alị a afụnfụn kẹ m dọn ye eze Asiria afụnfụn.

Jerimaya 50:32

Onyẹ mpache jẹnkọ d'a kpọgburu, o k'a dan; onwọnni onyẹ k'e yen'ẹ ẹka lihi. M k'a mụ ọkụn ye alị ile rịn'a, ọ dụnpụ ihiẹn ile nọkunmẹn'ẹ.”

Izikẹlụ 31:10

“ ‘Osolobuẹ Nwọn Ihiẹn Ile sị: Makẹni Ijiptu pụ-ẹka, suenahịn osisi ile, ọ nọ bọnmẹmẹ.

Izikẹlụ 31:14

“ ‘Ya wụ onwọnzini osisi ọwụlẹ rị mkpẹnrẹn mirin sikọ d'a pụzị ẹka ẹnịna, mọbụ suenahịn osisi ndị ọzọ ile ẹnịna. Ndị rị e nwọnhẹn mirin ọhụnma e suehankọzị ẹrịra. Makẹni, wẹ ile sikọ d'a nwụnhụn, lashi imẹ-imẹ alị, nọkẹ ịhịan mmaka hụn a lashi mgbugbu hụ.

Daniẹlụ 11:45

O k'a rụn obi-eze o k'e bi ẹkẹrẹ ogẹn ye ẹgbata Ohimin lẹ Ugu nsọ hụ ma mma. Kanị ọnwụn k'e gbu ẹ, onwọnni onyẹ k'e yen'ẹ ẹka.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Ọgụngụn 24:24

Ụgbọ-mirin k'a gha alị Kitim bịa. Wẹ k'e mẹshi Asiria nkẹ ikẹn, mẹshi alị Ẹba ikẹn; wẹ nwẹn k'a dankpọzịkwọ.”

Matiu 12:33

“I mẹmẹ osisi n'ọ rị mma, mkpụrụ a a rị mma; i mẹmẹ osisi n'ọ jọ njọ, mkpụrụ a a jọ njọ. Makẹni, mkpụrụ osisi kẹ wẹ gi a marịn a.

Matiu 15:19

Makẹni, obi kẹ ihiẹn ndịnị gha pụha: eje-iroro, igbu-ọchụn, ịna-nwunyẹ-ịhịan lẹ ịzọ-ụkụ-ye-ọfịa, ughẹrẹ ichẹn-ichẹn, Izun-ohin, ịshịa ẹri-ntụ lẹ ikuja oku ịhịan.

Ditrọnọmi 32:27

Kanị egun ẹmụ ndị-iṅẹnrẹn anịnị m, amamgbe ndị iwe a ghọtafie, sị, ‘Ẹka ẹnyi e mẹriọlẹ, ẹlẹkwọ Osolobuẹ mẹ hụnnị ile.’ ”

Pita Ibuzọ 4:17

Makẹni, o ruọlẹ ogẹn okinkin-ikpe e gi bidọn imẹ ụlọ Osolobuẹ. Omẹni ọ gha ẹka ẹnyi bidọn, kịnị k'e mẹ ndị nupụ isi okpuru oziọma Osolobuẹ?