Azaya 1:8 - Ika

⁸ A lagụọ wẹ nwagbọọ wụ obodo Zayọnụ tọ nọkẹ ụlọ-ubi rị ugbo-vaịnị, nọkẹ ụlọ-ogo rị ugbo-ogiri, nọkẹ obodo ndị-agha kehunmẹ.

Azaya 1:8 ပူးပေါင်းရင်းမြစ်များ

Jobu 27:18

Ụnọ ọ tụn ezekarịnị ụlọ akpụkpa, o zekarịnị ọdụ onyẹ-nche tụnrụnhụ.

Ẹbụ-ọma 9:14

kẹni m ku ihiẹn ile rị mma i mẹ — a nọ m igunrun ndị Zayọnụ rị Jerusalẹm ghọghọ makẹni y'a zụọpụhagụọ m.

Azaya 1:7

Alị ụnụ a gbagụọ okpokoro; a dụngụọ wẹ obodo ụnụ rị ichẹn-ichẹn ọkụn; abịamabịa hụ e wiwi ugbo ụnụ idẹnya ụnụ, e mẹ wẹ a la iwi rịkẹ ebe itumunyẹ nọ weri ọkịkị.

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 10:32

Ụhụọhịn ohu hụ, wẹ k'a kụsị imẹ obodo Nọbụ, nọ ebẹhụ zin Ugu Zayọnụ ẹka, zin elu-òke Jerusalẹm ẹka — a ban mban.

Azaya 29:3

M k'e kehunmẹchanrịn ị; a tụnsọnmẹ m ụlọ ndị-agha ghahunmẹ i, a rụntọnị m'ị mkpọnyin wẹ nọ a lụsọn obodo nwọn mgbọn agha.

Azaya 30:17

Mmadụ nnụ-uku imẹ ụnụ k'a gbanị akpụ eṅẹnrẹn ohu ọsọ, ụnụ ile a gbanị mmadụ isẹn imẹ wẹ ọsọ — d'e ru ni ndị k'a họdụ imẹ ụnụ a nọhụ kẹ akpụ ọtọsị ohu wẹ kẹnmẹye ẹkwa-ahịma — hụn ya sụọ turu elu ugu lekẹ ẹkwa-ahịma ya sụọ rị elu òke.”

Azaya 37:22

Ọnwan wụ ihiẹn mmẹ wụ Osolobuẹ ku banyen'ẹ: Eze Asiria, Nwagbọọ wụ Zayọnụ rị a mụ ị ẹmụ, e legberi i; nwa-okpoho wụ Jerusalẹm e rugbudẹ i imi ebe ị gbapụkọ.

Azaya 37:4

O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Azaya 4:4

Makẹni, ogẹn ahụn, Osolobuẹ k'a chanchanpụchanrịn ụrụ ikpoho Zayọnụ; o k'e ye wẹ afụnfụn, mẹ wẹ ihiẹn ọkụn e mẹ, gi ẹ finchanpụ Jerusalẹm ẹdeke rịn'a.

Azaya 49:21

Ogẹn ahụn, ị k'a sị enwẹn i, ‘Onyẹ mụnị m ụmụ ndịnị wẹ?! Wẹ te gbunarịn ụmụ m ile, m nọ gbarị ẹka; wẹ te kpụnshi m alị ọzọ, jụ m. Onyẹ zụn nwan ndịnị wẹ? Mmẹ sụọ te họdụ. Elebe kẹ ndịnị wẹ gha nwan bịa?’ ”

Azaya 62:11

Osolobuẹ a hịgụọ a ghagbama ụwa ile, sị, “Sị nị obodo Zayọnụ, ‘Lẹhụ Onyẹ-nzụọpụha ị k'ọ lala! Lee ụmụ ị ọ kịla n'o gi hụhụ ị; ya lẹ ihiẹn ọ rụnpụha wị lala.’ ”

Azaya 8:8

huru Juda ile, rukpumẹ ẹ, rudẹ ịhịan olu. Ẹka-nku ẹ k'a shịakpumẹchanrịn alị ị, ịyụ, Imanuẹlụ.”

Jerimaya 4:17

E fihunmẹ w'ẹ kẹ ndị e che ugbo nche, makẹni o nupụgụọ isi okpuru m.’ ” Ya kẹ Osolobuẹ ku.

Jerimaya 6:2

M jẹnkọ d'e tikpọ Nwagbọọ wụ Zayọnụ, hụn magbu enwẹn ẹ mma, mẹ mọkọmọkọ.

Ẹkwan 2:1

Ledẹ kẹ Osolobuẹ dọn gi olulu mẹ ishi gbakpuru Nwagbọọ wụ Obodo Zayọnụ. Ọ ghagụọ elu-igwee tụ ọghọ Izrẹlụ ye alị; ọ nyanhandẹni nị ihiẹn o gi a tụkwasị ụkụ rọ, ụhụọhịn ahụn ọ rị e bu olulu.

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Zẹkaraya 2:10

Osolobuẹ sị, “Ndị Zayọnụ, bụma nị ẹbụ, ghọghọma nị, nị m lala d'e biri imẹ igunrun ụnụ. Ya kẹ Osolobuẹ ku.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Jọnụ 12:15

“Obodo Zayọnụ, atụlẹ egun! Lee ẹ, Eze i lala; ọ rị elu nwa jaki.”