Azaya 1:6 - Ika

⁶ Gha isi d'e ru ọbụkụ, onwọnni nwan ebe rị ikẹn, ẹtẹ lẹ ugbẹnrẹn-mkpịnsịn e jun, ẹtẹ hụn wẹ chanlẹni mọbụ kẹnmẹ mọbụ buche ọgụn.

Azaya 1:6 ပူးပေါင်းရင်းမြစ်များ

Samuẹlụ Nke Ẹbụọ 14:25

Imẹ Izrẹlụ ile, onwọnni onyẹ wẹ gi e jeni Absalọm ebe mma-ẹhụ rị. Gha isi d'e ru ọbụkụ, onwọnni ebe rịlẹni mma ẹhụ a.

Jobu 5:18

Ọ rụ ịhịan ẹhụ nke-esi, kanị o kẹnmẹzi ebe ọ rụ a ẹhụ ekẹnmẹ, ọ rụ ịhịan ẹhụ a rụ, kanị ẹka a a zụọzịkwọ ịhịan azụọ.

Ẹbụ-ọma 77:2

Kẹ m rị imẹ nsọngbu, a rịọ m Osolobuẹ; a shịapụ m ẹka imẹ uhinhin, a rịọ a, anịnị m ẹka nyan m; anịnị m wẹ hụhụ m.

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Jerimaya 30:12

Osolobuẹ sị, “Ẹtẹ i ẹlẹ hụn w'a zụọ, ẹhụ ị rụ a jọka.

Jerimaya 30:15

Kị ị rị e yini oro yeni ẹhụ ị rụ? Kị ị rị e yini oro makẹ ihiẹn rị a tụrụnị hụn nwọnlẹni ọgụn? Makẹni ikpe ma ị ọda-ọda lẹ makẹni njọ ị e bukẹ ọda haịn m gi mẹ i ihiẹn ndịnị.

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Jerimaya 6:14

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, ‘Nsọngbu arịa! Nsọngbu arịa!’ bụ nsọngbu e jun.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Nahum 3:19

Y'a rụgụọ eje ẹhụ nwọnlẹni ọgụn! Eje-ẹhụ e gbuni rọ! Onyẹ nụ ihiẹn mẹn'i, ọ ghọghọma, makẹni onwọnni onyẹ i ye la.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 9:12

Kanị, ogẹn Jizọsị gi nụ a, ọ nọ sị wẹ, “Ẹlẹ ndị ẹhụ rị ikẹn a chọ dibiẹ, kama ndị ẹhụ rịlẹni ikẹn.

Luku 10:34

Ọ nọ nọzụnhan, hu udẹn lẹ manya ye ẹ ebe ile wẹ rụ a ẹhụ, kẹnmẹchanrịn a wẹ ile. Ya ọ nọ gi anyịnyan a buru okẹnnyẹ hụ, we ẹ shi ụlọ ndị-ijẹn, nọ ebẹhụ lepụ a ẹnya.