Azaya 1:3 - Ika

³ Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 1:3 ပူးပေါင်းရင်းမြစ်များ

Ẹbụ-ọma 94:8

Ndị ẹwobi, rokpọ nị ihiẹnni; ndị-nzuzu, elee mgbe kẹ ụnụ k'e nwọnrin uche?

Itẹn 28:5

Ndị-ejẹ ara ghọta ihiẹn wụ igi ẹka ohu e sọn ịhịan ile, kanị ndị a chọ uche Osolobuẹ a ghọtachanrịn a ọhụnma.

Itẹn 6:6

Onyẹ-nzụnzụn, jẹnburu ndandan; lekpọ k'o bi — nị ị hụn ụzọ nwọnrin uche!

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 42:20

Y'a hụngụọ ihiẹn bu ọda, kanị y'e gini wẹ dọn; ntịn ị hụ oghe, kanị onwọnni ihiẹn y'a nụ.”

Azaya 44:18

Onwọnni ihiẹn wẹ marịn; onwọnni ihiẹn w'a ghọta! A nyankingụọ wẹ wẹ ẹnya — w'a ra legha ụzọ, uche wẹ kpukin ekpukin — w'a ra s'ẹka a ghọta.

Azaya 5:12

Wẹ hụ a kpọ ụbọ-hapụ lẹ ụbọ-layẹ imẹ oriri wẹ, a kụ ẹgede-chakachaka, e gbu ẹkpịrị, a ra manya, kanị, onwọnni ihiẹn wẹ kpọ ihiẹn Osolobuẹ rị e mẹ, w'a ra rodẹ ihiẹn ọ chọ n'o mẹ wẹ.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Azaya 56:11

Nkitẹ okẹn ihiẹn-oriri kẹ wẹ wụ, ẹfọ ara jun wẹ! Ndị-ndu nwọnlẹni nghọta kẹ wẹ wụ; wẹ ile e mẹsọnmẹ ihiẹn sụọnị wẹ, onyẹ-onyẹ hụ a chọ nke-ẹ nke-ẹ.”

Jerimaya 10:14

Kanị ịhịan ile wụ nzuzu, onwọnni ihiẹn wẹ marịn; mmọn wụ ihiẹn-ifẹnrẹn onyẹ kpụn'a. Ihiẹn ndị ahụn ọ kpụ ẹlẹ ezigbo ẹ — w'a ara kwọn.

Jerimaya 10:8

Wẹ ile enwọn uche, w'e zuzu e zuzu; mmọn nwọnlẹni-isi wẹ gi osisi pịn rị a kuzi wẹ.

Jerimaya 35:16

Ebọn Jonadabụ nwa Rekabụ hụ e mẹ ihiẹn nẹdi wẹ kanị sị wẹ mẹ, kanị ndịnị ara mẹ ihiẹn m sị wẹ mẹ.’

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 50:6

“Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Jerimaya 8:7

Nnụnụ wụ stọkụ a marịnghọ ogẹn wẹ gi e buli ahụa-ahụa; ayoro lẹ nnụnụ ndị ọzọ e jẹn mbịan a marịnghọ ogẹn wẹ gi e jẹn. Kanị ndị nke m amarịn Iwu mmẹ wụ Osolobuẹ.

Izikẹlụ 16:30

“ ‘Osolobuẹ nwọn ihiẹn Ile sị ị lee nwan nị ihiẹn ndịnị i mẹ, agụngụn ịgbaraja ifẹnrẹn rịlẹni ẹnya ị rị a gụn, a mụmarịngụọ ị, nke wụnị y'ara sazị ẹka kwọndọn enwẹn i,

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Hosia 2:8

Izrẹlụ e gin'ẹ dọn nị mmẹ y'ẹ ọka, lẹ manya-ọhụn lẹ ofigbọn-olivu yezi ẹ goru lẹ siliva ahụn o gi rụa Baalụ.

Matiu 13:19

Onyẹ nụ ozi Alị-eze bụ ọ ghọhan'a, Eje-onyẹ hụ a bịa d'a jụnarịn a ihiẹn hụ wẹ kụnye ẹ obi. Ọhụn wụ mkpụrụ ndị hụn wẹ ghaye ọkpụzọ.

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Pita Nke Ẹbụọ 3:5

A kpachanpụgụọ wẹ ẹnya zọ nị oku-ọnụ Osolobuẹ k'o gi ke igwere hụ rị mbụ-mbụ; nị oku-ọnụ k'o gizi gha mirin mẹmẹ akpakalị, gha imẹ mirin wepụha a;