Azaya 1:29 - Ika

²⁹ Ifẹnrẹn k'e mẹ ụnụ makẹ osisi ndị hụ ụnụ a rụa, hụn a sụọ ụnụ ụsụọ; ụnụ k'a fa makẹ ugbo-nta ndị hụ ụnụ nọ a rụa mmọn hụn ụnụ sị nị ịya ka ụnụ mma.

Azaya 1:29 ပူးပေါင်းရင်းမြစ်များ

Azaya 30:22

Ogẹn ahụn, ụnụ k'e mẹrụ mmọn ụnụ wẹ gi siliva nyanhunmẹ lẹ hụn wẹ gi goru nyanhunmẹ, ụnụ jẹnkọ d'a mahu wẹ kẹ ẹkwa okpoho gi sọ ezi, sị wẹ, “Pụ nị ebeni!”

Azaya 31:7

Eziẹ, ogẹn lala hụn ụnụ e gi ma mmọn siliva lẹ goru tuhu, ihiẹn ndịnị ẹka ụnụ mẹmẹ hụn ẹka ụnụ gi mẹ njọ.

Azaya 42:17

Kanị ndị gi mmọn dọn ẹnya — ndị hụn sị ihiẹn wẹ kpụ nị uwẹ wụ chuku wẹ k'e gi ifẹnrẹn kin azụụn.

Azaya 45:16

Ifẹnrẹn lẹ ịfa k'a rịnị ndị ile a pịn mmọn; uwẹ ile k'a fa.

Azaya 57:5

Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Azaya 65:3

ndịnị hụn a kpasu m iwe elee-m, elee-i, ghahanị ese w'a kwasọnmẹ imẹ ugbo-nta wẹ, a mụ nsẹnsi elu ukpo ụrụa ndị hụ;

Azaya 66:17

“O mẹ nke ndị hụn e fe ẹhụ hụ wẹ e fe, e jẹn ugbo-nta d'a rụa mmọn, e sọnhunmẹ onyẹ rị e duni wẹ, e ri anụ ezin lẹ ọgwọ lẹ anụ ndị ọzọ m sị wẹ erilẹ; wẹ ile kẹ wẹ k'e tikpọ.” Ya kẹ Osolobuẹ ku.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 36:31

Ogẹn ahụn, ụnụ a nyanhan eje-obibi ụnụ lẹ eje-ihiẹn ndị hụ ụnụ mẹ, ize enwẹn ụnụ a ban ụnụ yeni njọ ụnụ lẹ arụ ile ụnụ mẹ.

Izikẹlụ 6:13

Ụnụ k'a marịn nị mmẹ wụ Osolobuẹ ogẹn ozun ndị hụ e gi jun ebẹhụ mmọn wẹ lẹ ukpo-mmọn wẹ rịsọnmẹ, elu òke ile jẹn elu lẹ ugu ile, okpuru osisi ọwụlẹ duni lẹ ukun okẹn-osisi okuu ọwụlẹ ẹhụhụọ jun — ebe ile wẹ nọ a mụyeni mmọn wẹ nsẹnsi.

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 14:8

“Ụnụ ndị Ifrem Izrẹlụ Ẹbamịn ugu, kị ụnụ gidẹ mmọn e mẹ? Mmẹ wụ onyẹ hụn a za ụnụ ekpere, e lepụ ụnụ ẹnya — ẹlẹ mmọn ndị ahụn. M rịhụ kẹ saịprẹsị ghalẹni a gbụ ẹkụkwọ, mmẹ kẹ wẹ gha a mị mkpụrụ.”

Hosia 4:13

Wẹ hụ a kwa ese elu ugu, a chụnyeni mmọn ẹjan wẹ kpọ ọkụn elu òke, ukun osisi okuu lẹ pọpla lẹ terẹbinti makẹni igungun wẹ a rịka mma! Ufiri ẹ kẹ ụmụ ụnụ ikpoho gi rị a gba ịgbaraja; inyẹnmẹ ụmụ ụnụ hụ a zọ ụkụ e ye ọfịa.

Hosia 4:19

okẹn ufere k'e bu wẹ tuhu e kunrungụọlẹ wẹ; ifẹnrẹn mmọn ndị ahụn wẹ rị a rụa k'e mẹgbu wẹ.

Ndị Rom 6:21

Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!