Azaya 1:28 - Ika

²⁸ Kanị ntikpọ kẹ wẹ k'e tikpọ ndị nnupụ-isi lẹ ndị-njọ, ndị hụn gbakitọ Osolobuẹ azụụn k'a la iwi.

Azaya 1:28 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 21:10

Ẹdọm ekwerikwọnị nwan rị okpuru Juda d'e ru tannị. Ogẹn hụ kẹ Libna gizikwọ gha okpuru Juda pụ. Ihiẹnni ile mẹ makẹni Jehoram latọ Osolobuẹ wụ Chuku ndị nẹdi ẹ.

Ihiẹn Mẹni Nke Ẹbụọ 28:23

Ọ chụnyesọnmẹni mmọn ndị Damaskọsụ hụn mẹrin'ẹ ẹjan, makẹni ọ sị enwẹn ẹ, “Ebe o mẹ ni mmọn ndịnị ndị-nze Aram e fe e yegụọnị wẹ ẹka, m jẹnkọ d'a chụnyeni wẹ ẹjan kẹni wẹ yezikwọnị m ẹka.” Kanị, ọdịdan kẹ oku wẹ buhẹni ya lẹ ndị Izrẹlụ ile.

Ihiẹn Mẹni Nke Ẹbụọ 28:6

ebe eze Izrẹlụ Ẹbamịn ugu wụ Pẹka nwa Rẹmalịa nọ, gi akp'ọkịn ohu gbu ndị Juda nnụ-uku ọgụn-isin (120,000) — wẹ ile wụ ndị odogun-agha. Ihiẹnni mẹ makẹni ndị Juda latọ Osolobuẹ, Chuku ndị nẹdi wẹ.

Jobu 31:3

Ẹlẹzidẹ nwan ndị-njọ a la iwi ra? Ẹlẹzidẹ ndị e mẹ eje-ihiẹn kẹ eje-ihiẹn e kunrun?

Jobu 34:26

O ye wẹ afụnfụn njọ wẹ ebe ịhịan ile a nọ hụn wẹ,

Jobu 34:27

makẹni e sọnbehigụọ w'a, onwọnzini ihiẹn wẹ kpọ ụzọ a ọwụlẹ.

Ẹbụ-ọma 1:6

Osolobuẹ rị onyẹ ezi-omumẹ azụụn ụzọ hụ ọ ghakọ, kanị ụzọ ndị-njọ shikọ ntikpọ.

Ẹbụ-ọma 104:35

Wẹ tikpọ ndị-njọ elu-ụwa! Ndị e mẹ eje-ihiẹn wẹ gụchanrịn! Obi m, ja Osolobuẹ mma! Ja nị Osolobuẹ mma!

Ẹbụ-ọma 125:5

Nke ndị hụ kpapụ bimẹ ghẹrẹ-ghẹrẹ-ghẹrẹ, Osolobuẹ jẹnkọ d'e dupụ wẹ, uwẹ lẹ ndị e mẹ eje-ihiẹn. Y'a rịnị Izrẹlụ mma.

Ẹbụ-ọma 37:38

Kanị wẹ k'e tikpọchanrịn ndị-njọ ile; ọ masịkọnị ndị-njọ ihun.

Ẹbụ-ọma 5:6

Y'e tikpọ ndị ile a tụ ntụ. Ndị egbu-lẹ-egbu lẹ ndị-ndufie wụ arụ ẹnya Osolobuẹ.

Ẹbụ-ọma 73:27

Chuku, ndị nọkunmẹlẹni i k'a la iwi; i k'e tikpọ ndị la ị tọ sọnmẹ ihiẹn ichẹn.

Ẹbụ-ọma 9:5

Y'a jụgbọgụọ alị ndị ọzọ rị ichẹn-ichẹn, tikpọ ndị-njọ; y'e finchanpụgụọ ẹfan wẹ jẹnrin-ejẹn!

Ẹbụ-ọma 92:9

Ẹghẹẹ Osolobuẹ, ndị-iṅẹnrẹn i k'a larịrị iwi; ị k'a chụzịza ndị ile e mẹ eje-ihiẹn!

Itẹn 29:1

Onyẹ w'a jụgbọ ọjụgbọ-ọjụgbọ, ọ tọ a gba isi-akwanran, jẹnkọ d'e tikpọ idẹnmizi — hụn wẹ ghalẹni e dọnzi.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 24:20

Elu-ụwa rị e ruehunmẹ kẹ onyẹ-manya, a mahihie kẹ ụlọ-ubi ufere rị e zinzin; nnupụ-isi ẹ rị e gbu ẹ hụn o k'e gi danchanrịn, o lihikọzị.

Azaya 30:13

njọnị jẹnkọ d'e mẹ ụnụ kẹ mgbọn jẹn elu gbawanị hụn rị a ṅanpụnị, hụn e ziẹntu idẹnmizi, njụbe ẹnya ohu —

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 50:11

Kanị, ụnụ ile hụn a mụyeni enwẹn ụnụ ọkụn, a mụyeni enwẹn ụnụ ukpẹ-ọwa, gi ni nwan ọkụn ndị ahụn ụnụ mụye ghama, ya lẹ ukpẹ-ọwa ndị hụ ụnụ mụye. Kanị, ihiẹn ụnụ jẹnkọ d'e nwọnhẹn ẹka m wụ ọnwan: ọnụ jẹnkọ d'e dinẹtọ imẹ eje-afụnfụn.

Azaya 58:2

Makẹni, wẹ hụ e fe m ụhụọhịn-ụhụọhịn, e mẹ kẹ sị w'a chọka nị wẹ marịn m, nọkẹ sị wẹ wụ alị e mẹ ihiẹn rị mma, alị hụn latọlẹni ihiẹn Chuku ẹ sị a mẹ. Wẹ hụ a sị m gwa wẹ ihiẹn furu wẹ k'e mẹ, e mẹ nọkẹsị a chọka wẹ nị Chuku nọkunmẹ wẹ.

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Azaya 66:17

“O mẹ nke ndị hụn e fe ẹhụ hụ wẹ e fe, e jẹn ugbo-nta d'a rụa mmọn, e sọnhunmẹ onyẹ rị e duni wẹ, e ri anụ ezin lẹ ọgwọ lẹ anụ ndị ọzọ m sị wẹ erilẹ; wẹ ile kẹ wẹ k'e tikpọ.” Ya kẹ Osolobuẹ ku.

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Jerimaya 17:13

Euu, Osolobuẹ, Onyẹ hụn Izrẹlụ rị e lee! Ifẹnrẹn jẹnkọ d'e mẹgbu ndị ile latọn'ị, Ẹjan kẹ ndị latọn'ị k'a la — makẹni a latọgụọ wẹ Isi-mirin e ye ndụn.

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Samuẹlụ Nke Ibuzọ 12:25

Kanị ụnụ mẹsọnmẹ eje-ihiẹn, a zapụ wẹ kẹ ụnụ kẹ eze ọnụ.”