Azaya 1:23 - Ika

²³ Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 1:23 ပူးပေါင်းရင်းမြစ်များ

Ihiẹn Mẹni Nke Ẹbụọ 36:14

Ẹlẹdẹ ọhụn sụọ, ndị-isi nchụn-ẹjan ile lẹ ndị alị Juda ile hụ a latọ Osolobuẹ a latọwaye, e mẹ arụ ile alị ndị ọzọ e mẹ, e mẹrụ Ụlọ-nsọ Osolobuẹ, hụn Osolobuẹ dọngụ nsọ imẹ Jerusalẹm.

Ọpụpụ 23:8

“Anakwọlẹ ọgị-azụụn, makẹni ọgị-azụụn a nyụn ndị e legha ụzọ ẹnya, e mẹ ndị ezi-omumẹ e kuhutọ ọnụ.

Itẹn 17:23

Onyẹ eje-omumẹ a narịn ihiẹn nzuzue, kẹn'o bu ezioku isi kpọma alị.

Itẹn 29:24

Onyẹ hụn a kwadọn onyẹ ohin wụ eṅẹnrẹn enwẹn ẹ; wẹ e ye ẹ iyi e kun bụ egun anịk'a ku ezioku.

Azaya 1:17

Mụnị kẹ wẹ dọn e mẹ ihiẹn rị mma! A kwadọn ni ezigbo eṅẹn, e yeni ni ndị wẹ rị e mẹgbu ẹka. A nọ nị ndị nwọnlẹni nẹdi e ye azụụn, e kinni ni ikpoho di wẹ nwụn ọnụ wẹ.

Azaya 1:18

Osolobuẹ sị, “Bịa nị nwan nị ẹnyi ku: ọsụọn'a njọ e mẹgụọ ụnụ nwunmẹ ododo-ododo, m k'e mẹ ụnụ nwunmẹ kẹ ẹkwa-ọchan! Ọsụọn'a n'o mẹgụọ ụnụ nwunmẹ ufie-ufie, ụnụ k'e nwunmẹ kẹ oruru ọchan.

Azaya 1:22

Siliva ị a gbagụọ nchara, ezigbo manya ị e mẹgụọ mirin-mirin.

Azaya 28:14

Nụ nị nwan oku Osolobuẹ, ụnụ ndị-nlelịa hụn rị a kị ndịnị rị Jerusalẹm:

Azaya 3:14

Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Azaya 30:1

“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Azaya 33:15

Ndị e bi ezigbo obibi, e ku ezioku; ndị a jụ egho mmẹgbu; ndị a jụ egho-azụụn; ndị ghalẹni a chọ nị wẹ nụ oku igbu-ọchụn, ndị ghalẹni a chọ nị wẹ gidẹ ẹnya wẹ hụn eje-ihiẹn.

Azaya 5:23

hụn a narịn ọgị-azụụn a hatu onyẹ ikpe ma, a hangbu onyẹ ẹka a rị ọchan eṅẹn.

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 32:32

M k'e mẹ ẹ makẹni Izrẹlụ lẹ ndị Juda e gigụọ eje-ihiẹn ile wẹ mẹ kpasu m iwe — kẹ wẹ kẹ ndị-nze wẹ kẹ ịhaịmẹ wẹ kẹ ndị nchụn-ẹjan wẹ kẹ ndị-amụma kẹ ndị alị Juda lẹ ndị bi imẹ obodo Jerusalẹm.

Jerimaya 4:17

E fihunmẹ w'ẹ kẹ ndị e che ugbo nche, makẹni o nupụgụọ isi okpuru m.’ ” Ya kẹ Osolobuẹ ku.

Jerimaya 5:5

M k'e jẹnburu nwan ndị-isi, d'a gwa wẹ oku; makẹni a marịnghọ wẹ kẹ Osolobuẹ e mẹ, a marịnghọ wẹ ihiẹn Chuku wẹ chọ.” Kanị ndị-isi ile gbegbegbe a jụgụọ nị Osolobuẹ akịkọ wẹ, a jụgụọ wẹ iwu ẹ.

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Izikẹlụ 12:2

“Nwa-ịhịan, ebọn isi-ikẹn k'ị rị. Wẹ nwọn ẹnya bụ w'a ra legha ụzọ; wẹ nwọn ntịn, kanị w'a ra nụ ihiẹn, makẹni ebọn isi-ikẹn kẹ wẹ wụ.

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Hosia 4:18

“Wẹ ragụ manya ahụn w'a ra, e shi wẹ d'e bumẹ ịgbaraja; ihiẹn ifẹnrẹn wẹ rị e mẹ hụ a sụọgbu wẹ;

Hosia 5:10

Osolobuẹ sị: Ndị ndu Juda nọ nwan kẹ ndị ohin, ndị e be alị ịhịan e cheni nke wẹ; m k'e gi okẹn iwe hu afụnfụn kpu wẹ rịkẹ okẹn mirin rị e huni.

Hosia 9:15

“Osolobuẹ sị: Imẹ Gil'galụ kẹ njọ ile wẹ rị e mẹ bidọn; ebẹhụ kẹ ize wẹ gha zemẹ m. M k'e ufiri eje-ihiẹn wẹ rị e mẹ chụpụ wẹ Iwe m. Enwọnkọzị m ihiẹn-ọsụsụọ wẹ; ndị nnupụ-isi kẹ ndị-isi wẹ ile wụ.

Emọsụ 5:12

makẹni a marịnghọ m isi ile ụnụ rị e nupụ lẹ okẹn njọ ụnụ rị e mẹ — kẹ ụnụ dọn e mẹshi ndị ezi-omumẹ ikẹn, a narịn egho-azụụn, a napụ ndị ẹka-rulẹni ihiẹn runi wẹ ọgwa.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Maịka 3:9

Gọnkwọ nị ntịn, ụnụ ndị-isi ebọn Jekọpụ! Ụnụ ndị-ọkịkị Izrẹlụ! Ụnụ ndị ezigbo eṅẹn e ze ize, hụn e bu ihiẹn ile kụrụ ọtọ isi a kpọma alị,

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Maịka 7:3

Wẹ ile buchanrịn ẹka ẹbụbụọ che eje-ihiẹn, ọ hụ a gha wẹ ẹka. Ndị isi hụ e gi ọnụ a dọ egho-azụụn, ndị ọka-ikpe hụzị a na; Ndị uku hụ e gi ọnụ wẹ a chọ nke wẹ; wẹ ile hụ e kịgbama e mẹ eje-ihiẹn.

Zẹkaraya 7:10

abịangbulẹ ni ikpoho di wẹ nwụn, ndị nwọnlẹni nẹdi, abịamabịa lẹ ndị igbẹnnyẹ; amamalẹ ni ni ibe ụnụ eje-ihiẹn.”

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Ọgụngụn 22:7

Ndị-isi alị Mụabụ lẹ ndị-isi alị Midianị nọ jẹnmẹ; wẹ gihụ egho wẹ gi e fi ẹfa hụn w'e sikọ d'a kụ Balaam. E ru wẹ nke Balaam, wẹ nọ gwa a ihiẹn Balakị ku.

Matiu 21:13

Ọ sị wẹ, “Wẹ de ẹ imẹ Ẹkụkwọ-nsọ, sị, ‘Wẹ k'a kpọ Ụlọ m ụlọ ekpere’, kanị ụnụ e gigụọ a họnrin ebe ndị ohin a warị!”

Makị 11:17

Ọ hụ a kuzi ndị rị ebẹhụ, a sị, “E deni w'ẹ imẹ Ẹkụkwọ-nsọ nị, ‘Wẹ sikọ d'a kpọ Ụlọ m ụlọ alị ile nọ e mẹ ekpere?’ Kanị ụnụ e gigụọ a họnrin ebe ndị ohin a warị!”

Luku 19:46

a sị wẹ, “Wẹ de ẹ imẹ Ẹkụkwọ-nsọ nị Osolobuẹ sị, ‘Ụlọ m jẹnkọ d'a wụ ụlọ wẹ nọ e mẹ ekpere’, kanị ụnụ e gigụọ a nwan họnrin ebe ndị ohin a warị.”

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Ditrọnọmi 16:19

Ahanjalẹ ni eṅẹn mọbụ gbeyeni ịhịan. Anakwọlẹ ni egho-azụụn, makẹni egho-azụụn e kpukin onyẹ marịn ihiẹn ẹnya, e mẹ onyẹ kụrụ ọtọ a fịhutọ oku onyẹ ezi-omumẹ.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Samuẹlụ Nke Ibuzọ 8:3

Kanị, ụmụ a ikẹnnyẹ ndịnị esọnni nzọmụkụ a. Wẹ hụ a chọsọnmẹ eje-erere, a narịn egho-azụụn, a han eje-eṅẹn.