Azaya 1:16 - Ika

¹⁶ wụ nị ẹhụ; kẹni ụnụ nwunchan! Wepụ nị nị m eje-ihiẹn ndịnị ụnụ rị e mẹ! Mẹbehi ni eje-ihiẹn!

Azaya 1:16 ပူးပေါင်းရင်းမြစ်များ

Ndị-nze Nke Ẹbụọ 17:13

Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”

Ẹbụ-ọma 26:6

A kwọpụ m ẹka ihiẹn m marịnlẹni, Osolobuẹ, e jẹnhunmẹ ukpo nchụn-ẹjan ị,

Ẹbụ-ọma 34:14

Ya gbakịtọ eje-ihiẹn azụụn, mẹmẹ ihiẹn rị mma a chọ udọn, a chụsọn ẹ.

Ẹbụ-ọma 37:27

La eje-ihiẹn tọ, mẹmẹ mma, ya kẹ y'a nọ bi jẹnrin ejẹn.

Ẹbụ-ọma 51:2

Chanchanpụchanrịn ihiẹn ile m mẹ ikpe gi ma m, y'e fepụ m ẹhụ njọ m mẹ!

Itẹn 21:3

Ezi-omumẹ lẹ imẹ onyẹ ọwụlẹ k'o furu kẹ Osolobuẹ ka a nabanhan karị ịchụn-ẹjan.

Itẹn 4:27

Akụyelẹ ẹka-nni mọbụ ẹka-ekpẹn; Gha imẹ eje-ihiẹn pụ.

Azaya 52:11

Gha nị ebẹhụ pụ! Gha nị Babilọnụ pụ! Emẹtụkwọlẹ ni ihiẹn ọwụlẹ rụnị ẹka! Pụha nị ebẹhụ, dọnmẹ ni enwẹn ụnụ ụchan — ụnụ ndị e bu ihiẹn-nsọ Osolobuẹ.

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 25:5

Wẹ hụ a sị ụnụ: Bihutọ nị nwan ẹka; onyẹ ọwụlẹ imẹ ụnụ ya latọ eje-ihiẹn ile ọ rị e mẹ lẹ eje-obibi ẹ, kẹni m nị ụnụ bisọnmẹ alị mmẹ wụ Osolobuẹ ye ụnụ lẹ ndị nẹdi ụnụ.

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Jona 3:8

Ịhịan ile lẹ anụmanụ ile wẹ yiri ẹkpa tikanị, wẹ weshi olu elu kpọku Osolobuẹ ọhụnma-ọhụnma! Onyẹ ọwụlẹ ya bihutọ ẹka, ya latọ eje-obibi lẹ ẹka-ikẹn ẹ!!

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Zẹkaraya 7:7

“ ‘Ẹlẹ okuni wẹ rị a gwa ụnụ kẹ Osolobuẹ gi ndị-amụma mbụ ku, kẹ wẹ kelẹni tikpọ Jerusalẹm? Ogẹn ahụn Jerusalẹm lẹ obodo ndị nọhunmẹn'ẹ gi rị e bi udọn-lẹ-ndọnkwa, ogẹn ahụn ịhịan bizi imẹ Nẹgẹvụ rị ẹbamịn ndịdan-mirin ọda-ọda lẹ imẹ Shẹfẹla rị nkpọtu òke ibẹka ọdịdan-ẹnyanwụn.’ ”

Matiu 3:8

Mịkwọ nị mkpụrụ ghọsị nị ụnụ e rogharịgụọ;

Ọrụn Ndị-ozi 22:16

K'ị rị nwan e che?! Lihi nị wẹ mẹ i mirin-Chuku, kẹni wẹ chanchanpụ ị njọ ị ebe i nọ a kpọku ẹfan a.’

Ndị Rom 12:9

E nwọnni ihiẹn-ọsụsụọ gha akpakalị obi pụha. A jụ nị eje-ihiẹn; e kwọnkẹnmẹ ni ihiẹn rị mma.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!

Pita Ibuzọ 2:1

Latọ nị nwan ịchọ-njọ ile, ẹro ile, ihunnaị, iwe-ẹnya lẹ ikuja oku ịhịan.

Pita Ibuzọ 3:11

Ya gbakịtọ eje-ihiẹn azụụn — mẹmẹ ihiẹn rị mma; ya chọma udọn, chụsọnmẹ ẹ.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.